اوعى الرجلاتور راجع البنزين ياعم الحاج هتخسر طرمبة البنزين

**ادوارد** · 24-05-2014 10:16 PM

المشاركة الأصلية كتبت بواسطة syd

الف مبروك الصيانة
دة اسمه back pressure valve ودة بيبقي راكب في نهاية مسطرة الرشاشات
دورة انه يفضل محافظ علي الضغط داخل مسطرة الرشاشات عشان يفضل دايما بنزين حاضر للرشاشات لما تفتح ولأن الرشاشات بتحتاج ضغط شديد عشان تفتح كان لازم يبقي فيه صمام في نهاية الدورة حاكم الضغط بداخل المسطرة
وايضاً هذا الصمام بيضمن الراجع للطرمبة (التانك) وبالتالي لو خرطوم الراجع مش بيجيب بنزين اعلم ان الطرمبة فيها مشكلة لأن الطرمبة بتعمل ضخ وسحب بمساعدة هذا الصمام

تحياتي للجميع والف مبروك الصيانة

الله يبارك فيك اخى وشرف لنا وجودك معنا

شاكر لحضرتك الشرح الرائع مثلك

**ادوارد** · 24-05-2014 10:20 PM

المشاركة الأصلية كتبت بواسطة syd

هو الرجلاتور ممكن يتسد ؟؟؟
طب لو اتسد بينفع يتنظف ؟؟

صعب تنظيفة لان عملة عمل الطلمبة بس بطريقة بسيطة
بة عمود وترس وسوستة مع العمر الطويل السوستة بترخى وتتزنق مع الترس فلا تعمل
وعشان نطمن على الطلمبة بنفضل نغيرة

**ادوارد** · 24-05-2014 10:26 PM

فية سؤال لاهل الخبرة لم يتم الرد علية
الطلمبة دى الاصلى ولابتاعة هيونداى دى اللى كانت راكبة فى العربية

**FAR!D** · 24-05-2014 10:47 PM

مبروك يا ادوارد

**lutenit030** · 24-05-2014 11:41 PM

المشاركة الأصلية كتبت بواسطة ادوارد

المصنعية 170 جنية خصم لنايل موتورز بقيت 150 دة شامل اسكان وكبس موتور وقياس ضغط هواء وضغط بنزين

طلمبة البنزين 275 خصم لنايل موتورز بقيت 250

الريجلاتور جبتة استيراد

150 جنية فية ارخص بس جبت خارج من مسطرة عربية

انت جبت موتور طلمبه بس ولا طلمبه كامله بالعوامه؟؟

الطلمبه بتبوظ لانك اكنك مشغل موتور الميه و قافل كل الحنفيات لازم الضغط يتصرف عشان الطلمبه متجهدش عالفاضى

**ادوارد** · 24-05-2014 11:47 PM

المشاركة الأصلية كتبت بواسطة lutenit030

انت جبت موتور طلمبه بس ولا طلمبه كامله بالعوامه؟؟

الطلمبه بتبوظ لانك اكنك مشغل موتور الميه و قافل كل الحنفيات لازم الضغط يتصرف عشان الطلمبه متجهدش عالفاضى

لا العوامة سليمة

واشكرك على الشرح الرائع

**SYD** · 25-05-2014 01:02 AM

المشاركة الأصلية كتبت بواسطة rotanamasoud

هو سؤال ولا اختبار للمعلومات انا عارف انك خبره وقاريلك مواضيع كتير
انا شايف انه فى الحاله دى اتسد (عموما هو لم يؤدى دوره فى رجوع البنزين)
عمليا انا بحب اشتغل بايدى فى العربيه (لو عندى ححاول اسلك اتسلك خير متسلكش يتغير)انا ليا تجربه قريبه فكيت الكاربراتير بتاعى مسمار مسمار وطلعت كميه اوساخ بس النتيجه اداء يعادل تعمير مكنه وسحب بنزين اتحسن جدا جدا

العفو يا بيه
والله بستفسر
لأن حدود معلوماتي انه يبوظ ويتغير

مش ربنا بيقول
بسم الله الرحمن الرحيم
نَرْ.فَعُ دَرَ.جَاتٍ مَّن نَّشَاءُ ۗ وَفَوْقَ كُلِّ ذِي عِلْمٍ عَلِيمٌ ﴿٧٦﴾ صدق الله العظيم

فكرت في كلامك كتير
فكرت انظفه بالstp
بس المشكلة ان الstp ثمنه 86 ومسطرة الرشاشات في عربيتي استيراد ب100 جنيه
فالحيرة دلوقتي اشتري ولا انظفه ؟؟؟
وهل الstp اساساً هينظفه ؟؟

تحياتي لحضرتك

**SYD** · 25-05-2014 01:10 AM

المشاركة الأصلية كتبت بواسطة ادوارد

الله يبارك فيك اخى وشرف لنا وجودك معنا

شاكر لحضرتك الشرح الرائع مثلك

الشرف ليا انا وجودي في قسم دايو
الله يخليك

المشاركة الأصلية كتبت بواسطة ادوارد

صعب تنظيفة لان عملة عمل الطلمبة بس بطريقة بسيطة
بة عمود وترس وسوستة مع العمر الطويل السوستة بترخى وتتزنق مع الترس فلا تعمل
وعشان نطمن على الطلمبة بنفضل نغيرة

تمام
انا بردو بقول كدة ان الفالف اما شغال واما قاطع
وعلي فكرة الطرمبات الغاطسة او طرمبات الكهرباء عبارة عن ساقية او بيسموها طرمبة ترسية
وبتعتمد فكرتها كلها علي الترس دة
بس للأسف بيكون ترس بلاستيك سهل تأكل أسنانه ودة اللي بيبوظها كل فترة

ولا ينصح نهائي بشراء طرمبة البنزين استيراد
الطرمبة لو اشتغلت ومر بداخلها بنزين لا ينصح بتركها بدون عمل او بدون ما تكون غاطسة في البنزين
وبالتالي الأستيراد بتبقي طبعاً مش راكبة في تانك او بداخلها بنزين وبالتالي بتنشف وبتبوظ حتي لو كانت شغالة قبل الركنة

تحياتي