الموضوع: إيه أغرب اسئلة سمعتوها من أطفال صغيرين ؟!

المشاركة الأصلية كتبت بواسطة ramymechanics

الأسئلة المحرجة بجد هى الأسئلة التربوية يعنى انا بنتى غلباوية جدا

ساعات تسألنى بابا مش انت قلتلى ان اللى بيشرب سجاير وحش ؟؟ يعنى طنط فلانة مامة فلانة دى وحشة ؟؟ واللذيذ بقا اما يكون حد من معارف فلانة دى قاعد

بابا هو لو صاحبتى سرقت فلوس من واحدة معانا فالفصل و جابت بيها حاجة حلوة انا خدت حاجة حلوة بس مسرقتش معاها (يا صبر أيووووووب)

اللذيذ بقا اماطفل يسمع كلمة قذرة فالشارع مش فاهم معاناها وييجى يقولها فالبيت و دى انا عملتها وانا صغير وقلت لوالدى دة فلان *** فلان مش عاوز اقولكم انه غير لى ديكور وشى

مرة بقا حبيت اعاقب بنتى بقولها انتى مش بنتى انا لقيتك عند الجامع قالتلى مش مهم ما دام بتجيبلى اللى انا عاوزاه وبتودينى الملاهى يبقى مش مهم و بردو هتعملى اللى انا عاوزاه (ماتتحججش يعنى )

ههههههههههههههههههههههههه

أهم حاجة مصلحتها ماشيه

بس عندك حق فعلا الاطفال دايماً اسألتهم بيبقوا عايزين يتعلموا

مش مجرد غلاسه وخلاص بس بتبقي تحفه

بنقعد نفتكرها وبتبقي اجمل ذكري

المشاركة الأصلية كتبت بواسطة minicooper20

هههههههههه
ابن اختى كنا فى فرح و كان السواريه طافح فى الفرح مكنش حد طيق هدومو هههههههه
فا لقيتو بيقولو هو احنا رايحين البحر بقولو ليه لقيتو بيشاور علو واحده ماشيه بيقولو طنت لبسه مايوه اهو هههههههههههه
قلتلو لا ده سلو بلدهم كده هههههههه

هههههههههههههههههههههههه عسل


ربنا يخلي

المشاركة الأصلية كتبت بواسطة qkash.com

انا في انتظار اسئلة بنتي ان شاء الله وهبقي اعرضها عليكم بس هي لسة 6 شهور
ربنا يخليها وتكبر وتزهقني بأسئلتها

موضوع شيق ولذيذ

ربنا يخليها ويطرح البركة فيها

واحنا مستنين لحد ما تكبر ان شاء الله

وتقلنا سالتك في إيه

المشاركة الأصلية كتبت بواسطة S O P H O S

مش برد عالاسئلة
لان لسه مفيش اجابة علي اسئلتي

لييييييه يا بشمهندز دا انا مستنيك والله ترد على موضوعي
وكمان ياريس . يبقي كدا قضيت اوي ههههههههههههه

المشاركة الأصلية كتبت بواسطة msobhy

انا بحاول على قد ما اقدر انى اتكلم مع أولادى وأتحاور معاهم لأقصى مدى
وديه عينه من الرخامه


مروان : بابا انا وحسام جينا ازاى فى الدنيا
أنا : ربنا خلقنا
مروان : لأ غلط - احنا جينا من بطن ماما
أنا : صحيح لكن ربنا هو اللى خلقك انت وحسام فى بطن ماما
مروان : طيب احنا خرجنا ازاى من بطن ماما
أنا : الدكتور هو اللى خرجكم
مروان : ايه !!!!!! يعنى عور بطن ماما
أنا : أيوه يا حبيبى بس الحمد لله ماما خفت وياريت تسمع كلام ماما علشان هيه اتعورت تعويره كبيره علشان خاطرك
مروان : لأ انت بتضحك عليه
أنا : ليه يا حبيبى
مروان : لأنى انا كبير ومينفعش ادخل بطن ماما
أنا : يا حبيبى أول لما اتولدت كنت صغير
مروان : صغير قد ايه
أنا : صغير جدا
مروان : أيوه يعنى قد ايه
أنا (بعد ما اخدت دواء الضغط): قد كف ايدى
مروان : لأ انت بتضحك عليه
أنا : غوووووووووور يا ياد يا ابن .........

حسام فى اللحظه ديه تدخل فى الحوار
حسام : بابا ممكن أسأل سؤال
أنا : أتفضل يا حبيبى عين تيت أم بابا
حسام : هل يوجد بسيارتك وقود
أنا (زى الاهبل) : أيه
حسام : بنفاذ صبر - هل يوجد بسيارتك وقود
أنا : نعم يا سيدى
حسام : الا تريد ان تتزود بالوقود
أنا : لأ
حسام : طيب انت عرفت منين انك مش عايز تتزود بالوقود

وهنا غلطت غلطة عمرى
أنا : شايف العداد ده يا حبيبى هو اللى بعرف منه البنزين (اللى هو الوقود ولامؤخذه) الموجود بالسياره
حسام : وااااااااااااااو - حسنا العداد ده بتاع ايه
انا : السرعه
حسام : وده بتاع ايه
أنا : التكييف
حسام :
حسام :
حسام :
حسام :
حسام :
حسام :
المهم انه فى النهايه نسى يسألنى على مكان الكنترول بتاع العربيه
والحمد لله اننا وصلنا والمناقشه يدوبك أخدت ساعه ونص
وديه كانت ملخص مناقشتى مع اولادى -اللى منها محرجك واللى منها مزعج وممل ومقرف

أنا : غوووووووووور يا ياد يا ابن .........

ههههههههههههههههههههههههه ههههههه

تحفه بصراحه ولا حسام اللي بيتكلم لغة عربية وهي مش عربية ده

هههههههههههههههه

ربنا يخليهملك يارب ويجعلهم من الصالحين

نورت موضوعي