ادخل وقول رأيك " فيات 126 ولا سيات 133 " التحدي الشرس

http://www.alqrafi.com/a1/82.gif

في الاول شكرا علي مرورك الكريم بالموضوع وازيكم جميعا
انا والله زي شباب كتير في اول حياتي وعاوز اجيب عربية علشان اروح بيها الجامعة إن شاء الله السنة الجاية و لاني ما بحبش موتورسيكلات وللفلوس الي معايا بدل ما اجيب بيهم موبايل قررت اني اجيب عربية وكانت الحيرة بين " 126 و 133 " ومالقتش غير اخواتي الكبار هنا في المنتدي يفيدوني برايهم في الموضوع دا لان كل واحده لها مميزات عن التانية ولها عيوب هتكلم عنهم بالترتيب وكل واحد يشاركني برايه ملحوظة مش عاوز عربية تبهدلني وكمان ايه التعديلات المطروحة لكلا السيارتان

1- فيات 126
المميزات : صغيرة - سهلة الركن - بتشم البنزين - غير مكلفه
العيوب : محرك صغير - لا تتحمل عبئ المسافات الطويلة - واحيانا السخونة - الكنبة الخلفية ضيقة
المطلوب معرفته : اقصي سرعة ليها - هل تتحمل مسافة 400 كيلوا - هل تتحمل اربع افراد - هل يتحمل محركها الجهد

https://encrypted-tbn2.gstatic.com/i...SqqBriw9WkyLlz

2- سيات 133
المميزات : حجمها متوسط - غير مستهلكة للوقود بكمية كبيرة - تتحمل السفر
العيوب : الفتيس سئ ويضعف من قدرة المحرك - مشهورة بكثرة الاعطال- الحرارة المطلوب معرفته : اقصي سرعة تصلها - هل تتحمل مسافة 400 كيلوا - هل تتحمل 4 افراد - هل محركها يتحمل الجهد - هل هي فعلا كثيرة الاعطال

https://e0415552026373f497aa-7944524...95936/main.jpg

وبصراحة كدا انا ميال للسيات عن خبرتي بمحركها وبيها شخصها :) افتوني بتجاربكم وارائكم
وانا بفهم في الميكانيكا كويس وفي شغل ممكن اعمله بايدي كتير وعلي فكرة انا استبعدت مشكلة الفلنشات من الاتنبن لانها بتتحل ...........

كان معايا 126 سافرت بيها من المنصوورة لمطروح
وليا صديق معاه واحدة سافر بيها من المنصورة للغردقة
أقصي سرعة جبتها بيها 118 ومعايا شخص واحد و121 وانا لوحدي
بي السرعة المثالية للمشي بيها من 60 إلى 80 كم في الساعة اكتر من كده تبقى بتزعل العربية
مفيش عربية اسمها ما تتحملش
هوا إنت لما تقعد تلف بيها طول النهار دا مش شغل
المهم ما تقساش على العربية وتراعيها في الزيت والمشي المرتاح

بالنسبة للتحمل انا مرة حطيت فوق الشبكة 3 شكاير غلة ووديتهم للغيط بتاعنا انا وأخويا طريق ترابي مليان نقر وحفر لمسافة 5 كم
العربية راحت وجت في امان بس اتردمت تراب

اقتباس:

---

المشاركة الأصلية كتبت بواسطة samaty

كان معايا 126 سافرت بيها من المنصوورة لمطروح
وليا صديق معاه واحدة سافر بيها من المنصورة للغردقة
أقصي سرعة جبتها بيها 118 ومعايا شخص واحد و121 وانا لوحدي
بي السرعة المثالية للمشي بيها من 60 إلى 80 كم في الساعة اكتر من كده تبقى بتزعل العربية
مفيش عربية اسمها ما تتحملش
هوا إنت لما تقعد تلف بيها طول النهار دا مش شغل
المهم ما تقساش على العربية وتراعيها في الزيت والمشي المرتاح

---

يا باشا ربنا يخليك وطمنتني للعربية :) والله :018a1d~146:

126 كويسة بس لو سليمة
علشان العربيات دي بتتعب فالحر جدا
وربنا يوفقك للخير

126 افضل من 133 لانها تبريد هوا بس سيبك من كل ده سعرها بيطلب فيها مش اقل من 6 تمام نيجى بقى لبعد الشراء اى عربيه مستعمله بتحتاج مصاريف والعربيات دى بلاعه فلوس هتصرفلك فوق ثمنها 4 كمان تبقى وقفت عليك ب 10 تفتكر هتلاقى اللى صرفته طب تفتكر هتلاقى النتيجه ترضيك سيبك من الناس اللى بتسافر بيها والكلام ده اكيد زمان ايام ماكانت بخيرها استحاله تلاقى عربيه سليمه من دول دلوقتى اذا مش قادر تصبر ممكن تشترى توب 127 باب واحد حالتها على قدها فى رنج 6 الاف او تستنا شويه وتكون مبلغ وتشترى حاجه محترمه بدل ماتبهدل نففسك ياريت ماكنش طولت عليك ولا احبطك اخوك احمد نبيل

والله يا برنس لو جيبت موتسيكل صينى هايبقى أحسنلك علشان العربيات دى مقرفه جدا وهاتصرف عليها كتير

انا لو منك اشترى 126 ولا اشترى 133 دى على الاقل ال 126 دى انا عندى استعداد اشيلها على كتافى وامشى بيها ولا اركب ال 133 دى ....... انا كان معايا ال 133 دى بص لو كانت سليمة مفيهاش حاجة لازم تتلكك وتعطل متفهمش رخامة بقى ولا اية و ياسلام بقى مقولكش لو قابلك كيس او شنطة بلاستيك مرمية على الارض يبقى يومك اسود ومش معدى لو مروحة الرداتير شفتتة ....... انا بحس انى كنت راكب مكنسة مش عربية بصراحة ولعلمك الكلام دة يجى من اكتر من 8 او 9 سنين على ما اتذكر كمان معرفش بقى دلوقتى فية منها سليم ولا نظام سوقها اية :_Alshmokh15[1]::shine[1]:

طيب ما تفكر في البيتلز

Sent from my Nexus 5 using Forum Runner

126 افضل ... ممكن تتظبط و تعيش

126 كانت معايا زمان
لو هتجيبها نصيحة تجيب الايطالي مش النصر
فرق كبير
اهم نقطة ان الاسبراتير بتاعها يكون كهربا
كل الايطالي كهربا و الموديلات الحديثة من النصر كهربا
هتفرق كتير لان العادي لو مش مضبط بيسخن العربية و هي طبعا تبريد زيت هتبرجل معاك
و التعديل في الموضوع ده شغلانة
هاتها اسبراتير كهربا احسن ... مهمة جدا النقطة دي
قطع غيار الموتور مش موجوده كتير
على شاهين في رمسيس اشهر قطع غيار ليها
عيب الفلنشة في ناس بتحولها كبالن ... عملهالي زمان واحد في السابع بتاع كبالن اسمه طارق تقريبا انا من اول الناس اللي عملت الموضوع ده من يجي 15 سنة كلفني وقتها 500 جنيه بس نسيتها بعد كده
دلوقتي الفكرة انتشرت
و الافضل برضة زي ما قال اخونا الفاضل تجيب 127 حالة متوسطة
و ربنا يوفقك