اشترى ايه؟؟

**orkedia** · 27-05-2014 02:04 PM

المشاركة الأصلية كتبت بواسطة svneleven

الأوبترا أحسن الاختيارات. قطع غيارها متوفرة و عربية واسعة و بتجري و تستحمل السفر و لما تنوي بيع هتتباع بسهولة.

انا حاسة بكده برده بس قلقونى منها بالذات موديلات 2005 و 2006 الى لاقيه فيهم سعرى الى اقدر ادفعه وكتير بيقولولى خليكى فى اليابانى افضل !

**J A G U A R** · 27-05-2014 02:29 PM

المشاركة الأصلية كتبت بواسطة orkedia

انا بشكر حضرتك جدا وقريت موضوعك عن المستعمل وممتاز بصراحة بس ايه اهم حاجة اشوغها فى العربية غير الخبطات مثلا الموتور يعنى اقيس حالة العربية بايه اكتر حاجة؟

على ايه حضرتك احنا علشان نساعد بعض

شوفى حضرتك من الافضل توديها توكيل يكشف عليها كمبيوتر وهايطلعلك تقرير على كل حاجه فى العربيه او يكون معاكى سمكرى شاطر وكويس هايشوف فيها القوايم والسقف والشنطه ومن الدواخل هايشوف رشه دواخل ولا لا ولو يعرف يشوف العفشه والكهرباء وهايشوف الحوض والشاسيه والسدر والشنب لو كانو مردودين بارد وحاله الماتور والميكانيكا .. دى اهم حاجات .

تحياتى .

**melosoma** · 27-05-2014 05:43 PM

مقدمكيش غير اوبترا او صنى غير كدة متفكريش

**eshoo** · 27-05-2014 07:05 PM

ممكن تفكري في Gen2

**orkedia** · 29-05-2014 01:52 AM

المشاركة الأصلية كتبت بواسطة eshoo

ممكن تفكري في gen2

الى عرفته عن البروتون ان مش اى ميكانيكى شغال فيها ومش ليها سوق اوى يعنى لسة تقلق

**orkedia** · 29-05-2014 01:53 AM

المشاركة الأصلية كتبت بواسطة melosoma

مقدمكيش غير اوبترا او صنى غير كدة متفكريش

فى ناس قالتلى ان الصنى مش حلوة وخليكى فى الاوبترا احسن

**orkedia** · 29-05-2014 01:55 AM

طيب فى فكرة ان اجيب اوبترا مانيوال واحولها اتوماتيك الميكانيكى بيقول مش هتتكلف كتير هل ده يأثر على حاجة وفكرة كويسة ولا لأ؟؟؟؟؟؟

**J A G U A R** · 29-05-2014 02:14 AM

المشاركة الأصلية كتبت بواسطة orkedia

طيب فى فكرة ان اجيب اوبترا مانيوال واحولها اتوماتيك الميكانيكى بيقول مش هتتكلف كتير هل ده يأثر على حاجة وفكرة كويسة ولا لأ؟؟؟؟؟؟

دى فكره منيله بنيله اوعى تعملى كده وهاتدخلى نفسك فى حوارات ووجع دماغ وهاتقولى يا ريتنى ما

حولتها ... لو عاوزه تركبى اوتو اشترى اوتو ومتجيش تشترى مانيوال وترجعى تحويلها اوتو وعلى فكره بعد

التحويل لاوتو مبيكونش بنفس كفائه الاوتو الفابريكا .

السيسي يحييكم