الحمد الله
عرض للطباعة
الحمد الله
الحمد لله انت ربنا فى بيتك وبعدين انسى خالص متحطش نفسك فى كادر حب التملك وانها كانت بتاعتك فكر فيها بشكل تانى ممكن موضوع الخطوبه لقربها التانى علشان يلموا الموضوع لانك بالبلدى عملتلها فضيحه احمد ربنا لانك لو كنت عرفت بعد الزواج ممكن يطير فيها رقاب طفى نارك بالحمد وللاستغفار وربنا يرزقك باللى تصونك
انت محتاج تفضفض مع حد صاحبك اوي..
ومتقعدش لوحدك كتير عشان متدهلش ف اكتئاب حقيقي
حاول تحسبها بالورقة والقلم !!
اولا : خسارتك
حاجة واحده بس وهى اهتزاز ثقتك فى نفسك لاحساسك انك كان بينضحك علية
طبعا ده كل الى انت بتفكر فيه دلوقتي لكن لو بصيت بشكل اعمق هتلاقي ان الانسان الى فى طابعه الخيانه ده مريض ميفرقش عنده مين الى فى ايده ايا كان مين الى فى ايده
هديك مثال بسيط رشدي اباظه ذات نفسه كانت واحده من زوجاته بتخونه واعلنت كده بعد انفصالهم "بدون داعي لذكر اسماء"
فالموضوع متعلق بدناوة وطبع الخيانه المتوفرين في الى قدامك لكن مش متعلق بشخصك انت
ثانيا : المكاسب
1- ان ربنا انقذك من الانسانه دي وانتم فى الاول تخيل لو كنت اكتشفت كده بعد الجواز او بعد الانجاب كنت هتعيش فى جحيم وهتشك فيها وفى وألادكم كمان
2- انك اخدت حقك وفضحتهم وعيلتك كلها عرفت والى مكنش يعرف بعد خطوبتهم دي أكيد عرف الى حصل فى فتره خطوبتك ليها
انت مش هتلاحظ او تسمع نظرة قريبك ليهم او رأيهم فيهم قدامك لكن من وراكم وبينهم وبين بعض هيبوصلهم بصة زباله اوي
3- غير فضيحتهم قدام قريبكم كلهم فضيحتهم وتعريتهم قدام نفسهم ولو حصل بينهم حاجه هيحاولوا انها ماتبنش عشان يتجنبوا النظرة الى ليها اكتر من معنى من قريبكم ليهم
احب أأكد ليك انهم حاليا فاقدين الثقة فى بعضهم يعنى لا هيا واثقه فيه لانها شايفاه على حقيقته انسان حاقد ولا هو واثق فيها لانه شايفها انسانه خاينه
وفى نفس الوقت مع كل مشكله بسيطه مش هيكون سهل عليهم ان حد يسمع بيهم زي ما وضحت ليك قبل كده وده ليه تأثير على المدي البعيد وبالتالى مش هيكون فى غير حلين اصعب من بعض
أ- الانفصال : ويكون خسروا كل حاجه اولهم انت ثانيها الفضيحه
ب- الاستمرار : وده في حد ذاته هيكون الجحيم فى كل يوم هيعدي عليهم مع بعض لان العلاقة هتكون اساسها أو قايمة بينهم على التخوين وعدم الثقة فى بعض
المطلوب منك حاليا :
1- انك تشكر ربنا انه نجاك من الوقعة السودة دي
2- تعيش حياتك عادي وتنبسط وتظأتط كمان واعرف ان شعورهم بحزنك بيحسسهم بأن ليهم قيمه " وانهم فازوا ببعض " على حسابك
لكن لو حسوا انك مبسوط ان ربنا نجاك ومش فارق معاك الموضوع " يحسوا انهم لبسوا بعض " وانت خلعت
الله يكرمك ياباشا دا تحليل جامد اوي الحمد الله علي كل حال وحسبنا الله ونعم الوكيل
ديما الى برة الموضوع ممكن من رتوش بسيطه يفهمه أكتر من الى جوه الموضوع خصوصا فى المسائل العاطفية الى زي دي عشان كده تعالي نبص للموضوع بزاوية اوسع شوية من الى انت بتبص بيها
أول نقطة فى الاول لازم تعترف قصاد نفسك انك محبتهاش بجد او " أوهمت " نفسك انك بتحبها لكن الحقيقه انك محبتهاش حب حقيقي بأمارة انك لما عرفت انهم بيكلموا بعض وفسخت الخطوبه مااديقتش زي لما عرفت انهم خطبوا بعض
نيجي على الجانب التاني هنلاقى واحد واضح انه منفسن منك وحاسس انك عايز تكوش على كل حاجه فدخل يلعب عليها من حتة انها لقطه والف واحد زيه وزيك واحسن منك كمان يتمنوها وانها لو كانت صبرت شوية كان هتلاقي فرص كتير طبعا هيا الغرور اتمكن منها وفي نفس الوقت هيا عارفه وحاسه انك مش بتحبها حب حقيقي "البنات عندهم قدرة فظيعه في معرفة مدى حب الى قدامهم ليهم وعندهم قدرة اكبر على اخفاء الموضوع ده"
المهم قالتلك خليني ماشيه معاك رسمي وخلي التاني استبن عشان لو حصل حاجه معاك يبقى التاني موجود احتياطي
حصل انك اكتشفت الى بينهم وواجهتها كانت لسه فى حالة سكرة وكلام التاني لسه فى دماغها لما انت قررت الفسخ بدأت تفوق واهلها بدأوا يفوقوها فجاتلك مذلوله تطلب العفو والصفح وواضح من كلامك انك استجوبتها أكتر من مرة وذلتها وبينتلها قدام نفسها ان هى وهو أزبل من بعض وفى الاخر رفضت الرجوع لها تاني
رجعت لاهلها اكيد طبعا وروها ايام سودا ضيعتى ده من ايدك عشان خاطر التاني لعب فى دماغك وهيخلع منك هو كمان وبعدها محدش هيبصلك بعد الفضيحه دي
راحت للتاني اتشقلبتله قبل ما يخلع هو كمان لحد ما راح خطبها من اهلها عشان يعتقوها وكمان تغيظك
تعالى بقى نحلل وضع كل واحد فيهم واحساسه بالتاني:
بالنسبه ليها :
1- اهلها اكيد ذلنها بعد الفضيحه
2- حاسه بالخيبه لانها لا بتحبه وعارفه انه مش بيحبها وعرفت انه انسان حاقد وكان بيلعب بيها
3- اكيد بتعمل مقارنات بينك وبينه دلوقتى وتندم عليك " واكيد لما كانت مخطوبه ليك كانت بتعمل مقارنات بينكم وكانت النتيجه بتطلع لصالحك عشان كده محاولتش انها تفسخ الخطوبه معاك"
4- هيبدأ يتنطط عليها ويوريها ايام سوده وهيستغل حكاية اهله دي اسوء استغلال بس أتقل
بالنسبه ليه :
1- موقف اهله من الموضوع أكيد مش مبسوطين انه هيرتبط بواحده خاينه
2- هو مش بيحبها وعارف انها خاينه وممكن تخونه فى اى وقت والى رماها عليه انها مزنوقه فيه للخروج من الوضع الهباب الى وقعها فيه
3- هو كان واخد الموضوع لعب ومكنش متوقع ابدا انه ممكن يلبس
4- احساسه انه اتقرطس جه يقرطسك قرطسته انت وشيلته الليله
انا حبيت اني أوريك الصورة بزاوية اوسع عشان تشوف حجم الجحيم الى هما الاتنين عايشين فيه دلوقتي سيبك من الى بيحاولو بينوه للناس عشان يغيظوك وفكر فى كلامي كويس هتلاقي مظبوط
شكرا لاهتمامك ياباشا بس اول نقطه انا حبتها بجد ومازعلتش لاني ماتوقعتش منها انها تعمل حاجه زي دي ولما اتخطبوا ادايقت لاني حسيت اني اتعمل عليا فيلم صح هي كلمتني وهو متقدملها وقالتلي هارفضه ونرجع تاني بس انا رفضت والنقطه التانيه علي كلامه بعد المشكله انه بيحبها من زمان وانا اخدتها منه وانا والله يوم ماتقدمت مع اننا كنا متفقين قلتلها لو في حد تاني في حياتك قولي وانا هالغي الموضوع قالتلي لا وبالنسبه اهلها هما شايفني غلطان عشان هي اتاسفت كتييييييييييييييير وانا رفضت
احمد ربنا
وصلي ركعتين شكر لله
يا راااااجل
انت مش مقدر النعمة اللي ربنا انعمها عليك
كفاية ان ربنا انقذك من الارتباط بيها وهي علي علاقة بحد غيرك
مش كان ممكن تتجوزها وهي بردو علي عﻻقة بيه والعياذ بالله
ربنا بيجمع الخبيث مع الخبيث
وبيطهر الطاهر من الخبث اللي ممكن يلوثه
اللي حصل ان كان فيه شوكة ملوثة في رجلك
وربنا سخرلك اللي ينزعها قبل ما تسمم جسمك
اصبر علي الم نزع الشوكه
وطهر مكانها كويس ولو كان ده ح يؤلمك
وصلي شكر لله
وانا رأيي ان خطوبتها دي لسببين
الاول ان الموضوع اتعرف وبقي سيرتهم علي السنة الناس ولازم تتخطب له عشان تمنع اي حد يتكلم عليها وغالبا ممكن يكون ده بضغط من الاهل عليها وعليه
ثانيا عشان تغيظك بعد ما سيبتها وعملتلها شوشرة ف العيلة
زي ما قلتلك
صلي شكر لله
انت ربنا بيحبك
الناس خلصت الكلام انا بس هقولك انك هتعيش عادى جدا و بالوقت هتنسى اللى حصل او هيبقى ذكرى و هتعدى صدقنى
انت بس روق كده و غير جو يومين فى اى حته
انزل اشترى لبس جديد و روح اتغدى او اتعشى فى مكان بتحبه مع اهلك او اصحابك و ادخل سينما و عيش
لازم كمان تطلع حاجه لله بنيه شكر لله انه نجاك من الموضوع ده او تساعد حد غلبان صدقنى هتفرق جدا
شيل من دماغك الدنيا ياما فيها بلاوى المهم انك بخير وواقف على رجلك
اخيرا و محدش يزعل " متبكيش على حد خصوصا على وحده"
يصلح بيبك و بنها ؟؟؟ هو كان خلاف على الجهاز مثلا !!!!
يا باشا هو اللى حصل ده حاجه بسيطه !!!
انت اللى الكسبان و هم خسروا و خصوصا هى و لسه هتخسر اكتر و اكتر
انت خسرت واحده خسارتها مكسب و هى ربنا اداها على اد نيتها
ربنا كريم و رحيم و عدل
انسى خالص الموضوع ده و ارميه ورا ظهرك و بكره ان شاء الله ربنا هيكرمك بواحده فوق ما تتخيل
و لو عايز نصيحه من اخ لما حد يكلمك فالموضوع ده سواء من بعيد او قريب يا ريت يكون ردك واضح و قاطع ان الموضوع بنسبالك انتهى خالص ولا تظهر اى اهتمام خالص بأى حاجه
انت مش عارف اللى بيكلمك ده هدفه ايه, صح ؟؟
مش عايز اتكلم عن موضوع الحب ده كتير بس مفيش حد بيحب حد ويبقى على علاقة مع حد تاني
الحب مبني على مبادلة الطرفين لنفس المشاعر غير كده يبقى مش حب حقيقي وغير متكافئ وان شاء الله ربنا هيعوضك بواحده تحبك بجد وتتأكد من كلامي ده
تاني نقطه مش اى كلام يتقلك يبقى صحيح وتصدقة
مين قالك انه بيحبها بجد من قبلك لو كان ده فعلا مش هقول كان اتقدملها قبلك كان على الاقل فاتحها بحبه ليها على الاقل ولا هو مكتشفش انه كان بيحبها غير لما اتخطبت ليك ؟
الموضوع انها حليت فى عينه بعد ما ارتبطت بيك وحس بالغيرة منك فحب يلعب بيها او على الاقل يفركش الموضوع بينكم
وبعد ما الموضوع انكشف واتفضحوا لازم يقول قدام الناس انه كان بيحبها من زمان امال هقول ايه يعني ؟
لو كان شاريها فعلا واهلها واثقين منه كانوا استنوا سنه او اتنين على الموضوع يهدى
انا اختلف مع الحج احمد فى موضوع ان الخطوبه دي عشان الناس تبطل كلام بعد الفضيحه بالعكس لو كان حصل فضيحه بسبب فسخ خطوبتك معاها فى دايرة فخطوبتهم دي هتوسع الفضيحه فى دايرة اوسع فيها قرايب القرايب الي مكنوش عرفو بالفضيحه
وهقولك جزء من محادثة اتنين حريم :
- مش فلانه اتخطبت لفلان
- ايه يا بنتى الكلام ده هيا مش مخطوبة لفلان قريبها التاني
- لا اسكتي هو انتى متعرفيش اللى حصل ؟؟ :10D5C8w1107:
- :waaaht: لاأ ؟
- مش حصل كذا كذا وخطيبها الاولاني شك فيها وهو الى اكتشف الموضوع وفسخ الخطوبه وفضحها وهما ضغطوا عليه وحاولوا يصلحوه ويلمو الموضوع وهو رفض فمبقاش قدامهم غير ده
تالت نقطه اهلها كان لازم يعملوا كده عشان يضغطوا عليك وتقبل الاعتذار ويعدوا الليله ولو مكنوش عارفين انك افضل من التاني مكنوش عملوا كده
تأكد فى الموضيع دى بيكون الكلام قدامك وقدام الناس حاجه لكن من وراكم بيكون الكلام مختلف
اخيرا
اسمع كلامي الخطوبه دي عشان يغيظوك وكمان فى حموتها قبل ما التاني يخلع
واحدة شمال خانت خطيبها و ابن عمتها مع واحد تاني (ابن عمها !)
واحد شمال و ستين شمال ما احترمش حرمة ابن عمته و راح يعك مع خطيبته اللي هي بنت عمه
يا عم على راي هنود الخليج ...... "خلي ولي" ......... في ستين داهية يا عم انت ربنا نجاك من البلاعة دي
اوع تسمع كلام كبير العيله والهبل دة العائلات بيقبى همهم سمعه البيت باى طريقه على حساب الراجل على اساس ان سمعه الراجل فى المواضيع دى مش مهمه
وميناسيش الراجل ست غير ست تانيه
اخرج اتفسح واستمتع بحياتك وركز فى مستقبلك بلا حريم بلا ارف
الحمد الله علي كل حال
احمد ربنا ياعم
اللى بتحكيه ده نفس اللى حصل معايا مش بالظبط لكن شبهه اوى
بعد ما خطبت كانت اول واخر خطوبه
اكتشفت على تليفونها رسايل بينها وبين واحد تانى
وحشتنى يا بنت كذا كذا
بحبك بموت فيكى
بموت فيك
يلا حسبى الله ونعم الوكيل كلهم كده
احمد ربنا وامشى على المثل ده
من حبنا حبناه وصار متاعنا متاعه ومن كرهنا كرهناه يحرم علينا اجتماع
يا عم الحاج حظك حلو ... و ربنا بيحبك و الله ..ماتستاهلاكش ..سوري خاينه و لازم هاتخونوا كمان ...
اهدى بس و اتفرج عل الايام هاتعمل فيهم ايه ..
اذا كنت بتحبها اشغل نفسك بحاجه تانيه و استعن بالله
أحمد ربنا أنة نجاك منها
احمد ربنا
والله ربنا انعم عليك وانت مش حاسس
هو في كدا في الدنيا صلي طول عمرك شكر لربنا انه نجاك منها
يا باشا قول الحمد الله
واوعي تزعل او تفكر فشئ غير حياتك
دلوقتي هي بقالها يومين بتبعتلي رسايل وبتقول اني دمرتلها حياتها وكان لازم اقبل اعتذارها واني السبب في اللي هي فيه دلوقتي والغريبه انها غيرت رقمها وبعتت من رقمها الجديد وانا الصراحه رديت برساله واحد حسبي الله ونعم الوكيل وربنا ينتقم منكم
انت كنت عاوز تنتقم واهي بتقولك انك دمرتلها حياتها
دي تستاهل تتقتل كل يوم اصلا ولا تسال فيها ياراجل
تجاهلها انتقام رائع.. والاروع انك ترتبط باللي احسن منها
جتها القرف هي واللي زيها
شد السيفون يا برنس d:
أحلي حل فعلا التجاهل وانك تخطب واحده تانيه
المقصود من انه يهدد مش للتهديد في حد ذاته . بس عشان تخشع وتتلم وتخاف بدل مايروح علي طول ويقول لحد ويتعمل حوار وساعتها بقي هيبقي مفيش طريق ادامها غير انها تلبسه مصيبة عشان تبرر الرسايل اللي بتبعتهاله.
- زي مثلا كان بيبعتلي علي رقمي القديم ولما غيرته عشان ميوصليش جاب برده الجديد ( فالرسالة تبقي واضحة وصريحة ويسيفها عنده عشان تبقي دليل وممكن يبقي نصها ).
- ده اول واخر رسالة هبعتهالك ولو استمريتي فاللي بتعمليه وبتبعتيه التصرف الجاي هيبقي اني اكلم خالي والعيلة كلها واعرفهم سلوكك حتي بعد مااتخطبتي ... ابعدي عني احسنلك ... اللهم بلغت اللهم فاشهد ).
واضح ان العلاقة بينهم كانت عبارة عن جحيم من كتر المشاكل لانها مبنية اساسا على غلط عشان كده مينفعش تستمر
كنا نتمنى انها تستمر أطول فترة ممكنه عشان يعيشوا اسود ايام حياتهم مع بعض
اعتقد كده كلمنا طلع صح وربنا انتقم لك فعلا
المفروض دلوقتى انك تشكر ربنا وتشيل الموضوع من تفكيرك كليا
واوعى تحاول تكلمها او تبعتلها رسايل تاني عشان متستخدمش ضدك ويتعمل عليك تمثيليه
وتلاقى اتعمل قعدة وقريبك بيقولك ازاي تكلمها وتبعتلها رسايل
ومن افسد شيء فعليه اصلاحة
اشكر ربنا وابعد خالص عن الحوارات الى هيا عايزه تدخلك فيها
انا مابعتش رسايل تاني هي رساله واحده بس
بتفكرنى بقصة قريتها فى كتاب للراحل عبد الوهاب مطاوع الله يرحمه
ملخصها
ان واحدة حبت قريب او صديق زوجها
واتفقوا يقتلوه وحصل
واتجوزا بعدها ومعتقدين انهم هيعيشوا سعداء
كانت السعادة ابعد لهم
كلاهم شاكك ان الاخر ممكن يخونه او بيخونه
وممكن يقتله زى ما الزوج اتقتل
حتى الليل بيناموا بعيد عن يعض وكل واحد مش بييجى له نوم
فى الاخر انتحروا علشان يرتاحوا
ده نفس قصتك
هما شاكين فى بعض ومش هيرتاحوا ولا ارتاحوا سوى
ابعد عنها
دا بدايه حقك بس استني الباقي
الدكتور احمد جابلك المفيد ماتخبطش راسك فى الحيطة بقا
بعد ماقريت الردود كلها هيه دلوقتى حاسة بتانيب الضمير - ده لو عندها ضمير - وعايزه تريح نفسها بكلمه منك ( عادى , مبروك ,مش فارق ....)
او انها حست انها لبست فى العريس التانى ولقت نفسها خسرانة وهتتدبس فى الجوازة و بتحركك علشان تعمل حاجة
واوعى توقعك فى الغلط مين عارف دماغها فيها اية
وانت لو عايز تتجوز لوحة صغيره كده على ازاز العربيه واكتب مطلوب عروسة ... بهزر روق كده ده احنا فى العشر الاواخر ربنا يفكها عليك ويرزقك باللى احسن منها
السلام عليكم
اخي الكريم من قرائتي لموضوعك اقدر اوضح لحضرتك الاتي
1. ربنا كرمك انو ابعد بينك وبين انسانة زي دي
2.قرارك بالانفصال قرار صائب
3.خطوبتها ليه وجوازهم مش هيتم ولو تم هتطلق والله اعلم
4.في سياق موضوع الرسايل
متبعتش بيها رسايل خالص ده اول اجراء
عندك خيارين الاول ومنصحش بيه اوي بيه لو بعتتلك رساله تانية
اعمل بيها مولد وروح قول لابوها وكده بحيث تتلجم ومتجرؤش تعملها
منصحكش ليه لان ممكن ابوها هو الزققها عليك او يكون الواد التاني
عمل فيها حاجة وعايزة تلبسهالك وبكده تكون دخلت نفسك فموال انت
في غنا عنه ومتنساش ان كيدهن عظيم
الخيار الثاني
طنش تبعتلك متبعتش .صفحه واتقفلت وخليها تاكل فنفسها
وده انصحك بيه لانو حل هادي وهيحل المشكلة من غير مغامرات
وعلى راي المثل ابعد عن الشر وغنيلو
نصيحة اخيرة
انساها خالص وان شاء الله ربنا هيكرمك بواحده احسن منها
ولما تتجوزو ان شاء الله ابقى شغل قرءان ورقيه عشات في مره
حصلت حكاية زي دي والبنت كانت مش تمام وعملتلو عمل
ختاما ربنا يحفظك ويحميك ويهديك الى سواء السبيل
دلوقتي هي كلمتني من رقم غريب وبتقولي مش قادره اكمل انا هافسخ الخطوبه ونرجع لبعض قلتلها انا ماليش دعوه تفسخي تكملي انا بره الموضوع دا وقافل تليفوني من ساعتها