لمن يرغب فى إبداء الرأى

كنت بفكر اجيب الكيا سيراتو 2014 انا قريت وفاهم كل حاجة والحمد لله بس عندى مشكله انى ماكنتش لاقيها ودى اتحلت دورت ولما لقيتها فى معرض عندنا لقيت انى لازم اختار مابين الاى بي إس أو فتحه السقف انا طبعا نفسى ف الاتنين بس مش ظابطه فلو هاتنصحونى اختار ايه فتحه السقف ولا الاى بي إس وياريت توضيح انا بسوق بقالى 15 سنه وبسافر كتير جدا وركبت عربيات كتير وعمر ماو حده فيهم كان فيها اى بي إس ذى النترا 2009 واكسيل 94 وريو 2013 وبجرى عادى يعنى ومش قادر أفهم يعنى هو الاى بي إس ده طفره من غيره العربيه هتبقى سيئه مثلاً ارجو التعليق من خلال الخبره

abs مهم و الاهم الامبوليزر و الخليجى غالبا مافهوش

فتحة السقف رفاهية ومنظر حلو
ال اي بى اس امااااااااااااااااااااااا ااااااااااااااااااااااااا ااااااااااااااااااااااااا ااااااان ليك ولاسرتك!!!!!!

بدون تفكير ال abs اهم كثيرا و بيفرق كتير فى قوه و رد فعل الفرمله خصوصا لو من هواه الجرى :)
تحياتى ...

هل يعقل ان تقارن بين
خاصية ترفيهية مهما كانت رائعة مثل فتحة السقف
و بين
خاصية ضرورية جداااااااااااااااا لامانك مثل فرامل abs
؟؟؟؟؟!!!!!!

انا فاهم أنكم اكيد بيتكلموا ف الصح بس زى ما قلتلكم انا مركبتش حاجه فيها اى بي إس عشان كده مش قادر أفهم الفرق أو أحس بمدى اهميه الاى بى اس وفتحه السقف مش بس رفاهية إنما على السرعات العاليه انك تفتح الشباك موضوع مش ظريف ودوشه من الهواء وانا مش من هواه التكييف مبحبوش خاصه انى مدخن وأعتقد أن الفتحه مهمه لى وانا يسافر كتير

اقتباس:

---

المشاركة الأصلية كتبت بواسطة hanykap

انا فاهم أنكم اكيد بتتكلموا ف الصح بس زى ما قلتلكم انا مركبتش حاجه فيها اى بي إس عشان كده مش قادر أفهم الفرق أو أحس بمدى اهميه الاى بى اس
بدون تفكير الــ abs
الفرق بين الفرامل العاديه و الــ abs القدره على المناوره اثناء استخدام الفرامل
العربيه مش هتزحف مع استخدام الفرامل - تحسن كبير فالفرامل
فتحه السقف مش بس رفاهية إنما على السرعات العاليه انك تفتح الشباك موضوع مش ظريف ودوشه من الهواء وانا مش من هواه التكييف مبحبوش خاصه انى مدخن وأعتقد أن الفتحه مهمه لى وانا بسافر كتير
و حضرتك مسافر ممكن تعمل حاجه من 2 و النتيجه واحده ان شاء الله (كانك فاتح الشباك بس بدون ازعاج)
1- شغل المروحه فقط بدون تكييف + اختيار تجديد الهواء (الهواء من خارج العربيه)
2- بدون تشغيل التكييف او تشغيل المروحه اختار تجديد الهواء و لما تشمى بسرعه هتلاقى الهواء الخارجى بيدخل العربيه من فتحات التهويه

---

طبعا abs , و متفكرش .

يا باشا abs مهم جدا كان عندنا لانسر 2008 مفهاش abs كنت لما بفرمل الاقي العربيه بتزحف زحف
Abs مهم جدا بالاخص لو بتجري ورا واحد وهو عنده abs وانت معندكش هو لو فرمل ع الاخر انت هتلبس فيه

الايه بي اس اهم .. لان فحة السقف مجرد شكل وممكن ماتستخدمهاش خصوصا في الصيف
الاي بي اس بيسمحلك تناور بالعربية في وقت انت بتضغط فيه الفرامل فجأة وجامد جدا لاي موقف مفاجئ لا قدر الله
وبيمنع العربية من الزحلقة على التراب او الرمل الناعم او المياه

بصراحة لا شىء يقال بعد كل الذى قيل

علي فكره بعد اسبوعين تهمس ان فتحه السقف ملهاش لازمه قوي وعلي السفر لما تتفتح بتعلم ازعاج ولو رفعتها لفوق بخاف من الطوب والخلط الطائر ليكسرها فبنزلها تاني

اقتباس:

---

المشاركة الأصلية كتبت بواسطة omarezzat93

abs مهم و الاهم الامبوليزر و الخليجى غالبا مافهوش

---

مين ياباشا قال الخليجي من غير ايمبوليزر ؟؟؟ عربيتي خليجي وفيها ايمبوليزر واية بي اس

Abs‏ طبعا ‏
صعب تقارن بين الأمان اللي بعتبره من الأساسيات وبين فتحة السقف اللي بعتبرها من الكماليات

اقتباس:

---

المشاركة الأصلية كتبت بواسطة mr . Gold

مين ياباشا قال الخليجي من غير ايمبوليزر ؟؟؟ عربيتي خليجي وفيها ايمبوليزر واية بي اس

---

سعرها كام ياباشا الفئة دي ?

اقتباس:

---

المشاركة الأصلية كتبت بواسطة ahmedz310

سعرها كام ياباشا الفئة دي ?

---

158 من عند جابر عبد الشهيد

اقتباس:

---

المشاركة الأصلية كتبت بواسطة mr . Gold

158 من عند جابر عبد الشهيد

---

ممكن يا باشا حضرتك تقولى مواصفات عربيتك ايه بالكامل وشكرا