وحدة رفع و جهاز إنذار تيوتا يارس 2014
زملائي الأعزاء
ذهبت إلى وكيل معتمد لدينا هنا في الأسكندريه - الرزق للسيارات - و بعد عمل صيانه الـ5000 كم سالت على أسعار وحدة الرفع و جهاز الإنذار و كانت الأسعار هي
وحدة الرفع 750 جـ بالتركيب
جهاز الإنذار 1150 جـ بالتركيب
طبعا أنا لقيت الموضوع ضارب في العالي جدا
قولت و انا راجع أعدي على التوكيل الأساسي للعربيه - الموجود بمحرم بك - و سالت على الأسعار و كانت :
وحدة الرفع 750 جـ بالتركيب
جهاز الإنذار 550 جـ بالتركيب
انا قولت إيه التضارب في سعر جهاز الإنذار ده
أتصلت بالوكيل المعتمد - الرزق للسيارات - و قولتله أنا عاوز أسال على سعر جهاز الأنذار
قالي سعره 1150 جـ
قولته طب إزاي ده موجود في توكيل العربيه الرسمي بـ 550 جـ
قالي يا أفندم ده جهاز الإنذار الأوريجنال بتاع العربيه
قولتله يعني أنت عاوز تقنعني أن التوكيل الرسمي بتاع الهربيه مش هيركبلي الجهاز الأوريجينال بتاع العربيه انت ببتكلم إزاي
قالي طب ثواني و بعدين رد قالي ده يا أفندم سعر جهاز الإنذار بتاع الكورولا و موجود الجهاز اللى حضرتك بتسال عليه بسعر 550 جـ
بصراحه أنا مطمنتش لكلامه
.
.
و بعديها بكام يوم أتصلت بيا واحده من التوكيل المعتمد ده
قالتلي أخبار العربيه إيه مع حضرتك بعد الصيانه
قولتلها كويسه بس انتو ليه أسعاركو أغلى من التوكيل يعني فلتر الزيت بتبيعوه بـ 68 جـ و سعره في التوكيل 65 جـ و جهاز الإنذار بـ 1150 جـ و في التوكيل بـ 550 جـ
قالتلي هرجع لقطع الغيار و هكلمك تاني
و بعديها بخمس دقايق طلبتني تاني
يا فندم الجهاز أبو 1150 جـ ده ( و قالتلي على بلده بصراحه مش فاكر )
و الجهاز أبو 550 جـ ( و قالتلي على بلده )
قولتلها برضو يعني التوكيل الرسمي للعربيه هيركبلي حاجه مش كويسه معلش الكلام مش مقنع
ده وحده الرفع بره ممكن أشتريها بـ 150 جـ و أجدع جهاز إنذار في السوق بـ 250 جـ بس انا حابب اركبه في التوكيل علشان لو حصل فيه حاجه أجي أمسك في زمارة رقبتكم
قالتلي تعالى يا فندم ركبهم و أعملك خصم
المهم أنا سمعت كلمة خصم من هنا و ركبني ميت عفريت
يعني السعر كان 1150 و بقدرة قادر بقى 550 و كمان خصم أكيد الموضوع فيه حاجه غلط
يا ريت حد ينصحني أعمل ايه
هي دي مشكلتي:majd(4):