راى الاعضاء فى جين 2 2014 والتوكيل

**khalid tarek** · 25-05-2014 12:25 PM

السلام عليكم
دى اول مشاركه ليا فى القسم وحابب استفيد من خبره الاعضاء الى عندهم العربيه
كنت عايز اعرف رايكم فى التوكيل والتعامل معاه من نحيه اصلاح العيوب وتوافر قطع الغيار وايه هيا المشاكل الى فى التوكيل وكمان سمعت عن مركز عصام وصفا يا ريت اعرف راى حضراتكو فيه وهل هوا احسن من التوكيل فى التعامل وقطع الغيار ولا ايه .
تانى حاجه رايكو فى العربيه من نحيه الاداء والثبات على السرعات العاليه والراحه والامان نظرتكو للعربيه ككل وايه المشاكل الى واجهتكو فيها لانى كل المواضيع الى فى القسم هنا لقيتها قديمه وانا عايز اعرف ايه الجديد وايه الى اتحل وايه الى متحلش وكده وهل التوكيل لسه زى مهوه متحسنش فى التعامل وقطع الغيار ولا ايه واسف على الاطاله بس يا ريت الى عنده اى معلومه حتى لو بسيطه يقولها لانها هتفيدنى كتير واخيرا بقى تنصحونى اشتريها ولا لا وهل ندمتو انكو اشتريتوها ؟ معلى بقى اساله كتيره وهتعبكو معايا حبتين :d

**khalid tarek** · 26-05-2014 03:05 AM

48 مشاهده ومفيش مشاركه واحده :d الف شكر لاعضاء القسم الكرام واسف على ازعاجكو

**khalid tarek** · 27-05-2014 12:55 AM

اى حد يعبرنى طيب احس ان فى 76 واحد شافو الموضوع فعلا . ايه الصحرا دى امال لو مكانتش اول مشاركه كان حصل فيا ايه :d انا فاهم ان الاساله كتير بس كل واحد يكتب الى ربنا يقدرو عليه والى يعرفه يعنى ومش مهم الباقى هيتحل المهم افهم اى حاجه :(

**carrier** · 27-05-2014 02:08 AM

المشاركة الأصلية كتبت بواسطة khalid tarek

السلام عليكم
دى اول مشاركه ليا فى القسم اهلا بسعادتك منورنا بجد

مركز عصام وصفا يا ريت اعرف راى حضراتكو فيه مميز بشكل لافت جدا وهل هوا احسن من التوكيل فى التعامل وقطع الغيار ولا ايه . طبعا

تانى حاجه رايكو فى العربيه جميلة الى جدا

:d

الجين2
ركوبة
برستيج عالى
ثبات خيالى ولو لمنحنيات وبسرعة
ممتازة فى المناورات
موتور طلقة بعزم شديد حقأ
شكل انسيابى شبابى له جاذبية خاصة جدا
عفشة ولا كلمة
مفيش حاجة اسمها تحك بالمطبات ولو محمل
شنطة واسعة كأنها لسيدان مش لعربية هاتشباك
كماليات وامان مع سمعة حسنة جدا

عربية ولا اروع

**Omar Mahmoud** · 27-05-2014 02:11 AM

ثبات احسن من كتير من المنافسين ليها في فئتها بل تنافس فئات اعلي منها وده مقارنة باوبل فيكترا بي في الغرز و الملفات
التوكيل انا اعرف بتاع العجوزة مروحتش ابو رواش قبل كدة و مواجتش مشاكل
تسارع ممتاز
مريحة
قطع الغيار بقت موجودة استيراد الخارج و في محلات كتير بقت تشتغل فيها جديد(موجودين في المواضيع المثبتة) و قطع الغيار ليها بدائل مع سيارات اخري(في المواضيع المثبتة)
اخيرا هي بتاعت اخويا و مندمناش اننا جبناها و لو رجع بيا الزمن هنجيبها تاني