-
ياترى دا فعلا طبيعى؟
السلام عليكم ورحمة الله وبركاته
انا من اسبوع بالظبط حبيت اغير طقم الصوت كله بس بشكل معقول لانى مش غاوى صوت عالى بره العربية
فا جبت كاسيت كينود ب 500
وسماعتين باب وسماعتين شنطة الاربعه pioneer بحوالى 400 جنيه
المهم من تانى يوم تقريبا لما الصوت بيعلى شوية او اغنيه فيها بيز عالى شوية بسمع صوت خرفشة من سماعة الباب اليمين فقط
فا رحت للراجل اللى شاريهم منه وقالى دا عادى عشان البيز فى الاغنية دى عالى شوية
رغم انى مش معلى الصوت اوى
فا مش عارف بقى هوا بيشتغلنى والسماعة بايظة ولا دا الطبيعى فعلا؟
ياريت الافادة عشان لو بايظة الحق اتصرف معاه ولو طبيعى يبقى الحل ايه ؟
وشكرا,,
-
أكيد السماعة فيها مشكلة ، لأن لو العيب في الأغنية كان حيظهر في كل السماعات ، أو على الأقل سماعة الباب التاني كمان ، إما إنه مبيظهرش غير في السماعة دي بس فأكيد العيب فيها وحاول تغيرها وجرب الجديدة بعد متغيرها
-
الف شكر يا أبو مازن
وانا فعلا قلتله كدا اشمعنى السماعة دى..قالى علشان هيا اللى بتخرج البيز بس
وملحوظة ان الموضوع دا فى اغانى قليلة وباقى الاغانى الصوت بيكون كويس
-
-
وممكن يكون عيب تركيب ان الرق بتاع السماعة بيخبط ي الفايبر بتاع فرش الباب
أو السماعة مش متثبتة كويس في مكانها فبتتهز وتعمل الصوت ده
أو الباب نفسه فيه حاجة مفكوكة زي فيشة كهربا أو بار حديد من بتوع السنتر لوك بيتهز مع البيز ويعمل الصوت
الخلاصة:
مفيش حاجة اسمها السماعة دي بس اللي بتطلع البيز
توزيع الصوت بيبقا على كل السماعات زي بعض
شوف المشكلة من السماعة نفسها ولا عيب تركيب عن طريق ان السماعة تتفك وتتجرب برة وهي في ايدك
لو الصوت راح يبقا عيب تركيب :)
Content Relevant URLs by
vBSEO 3.6.0 PL2