| تسجيل عضوية جديدة | استرجاع كلمة المرور ؟
Follow us on Twitter Follow us on Facebook Watch us on YouTube
النتائج 1 إلى 3 من 3

  1. #1

    الصورة الرمزية mahmoudrangar

    رقم العضوية : 159540

    تاريخ التسجيل : 29Apr2014

    المشاركات : 15

    النوع : ذكر

    الاقامة : القاهرة

    السيارة: فيات

    السيارة[2]: سيات

    الحالة : mahmoudrangar غير متواجد حالياً

    Talking مميزات وعيواب هوجان 3 - Facebook Twitter whatsapp انشر الموضوع فى :

    hasad">

    السلام عليكم الاعزاء الافاضل اعضاء المنتدى الكريم ... واللة انا عايز رائيكم فى موتوسيكل هوجان 3 180c من مميزات وعيواب وهل هو ثابت على اﻻرض كما يقول لى بعض الاصدقاء ... وسعرة الان ... وهل لو تم مقارنتة بالبوكسر ايهم افضل ... ولك منى ال شكر مقدما لمن يطرح رائية فى هذا الموضوع ... والسلام عليكم ورحمة اللة وبركاتة ...


  2. #2

    الصورة الرمزية ابوحبيبة2010

    رقم العضوية : 135721

    تاريخ التسجيل : 27Feb2013

    المشاركات : 535

    النوع : ذكر

    الاقامة : القاهر _ دبى

    السيارة: ربنا يسهل الحااال

    السيارة[2]: BMW X6m 2012

    دراجة بخارية: vspa eg 2011

    الحالة : ابوحبيبة2010 غير متواجد حالياً

    افتراضي -

    بسم الله الرحمن الرحيم
    ------------------------

    منقول للافادة
    انا كنت كتبت توبيك قبل كده انى عايز اجيب موتوسكل صينى وكده ولقيت ناس كتير بتسال برده ف نفس الكلام فانا سالت ف معارض كتير وهوصلكم المعلومات للافاده ...


    اول حاجه :
    ----------
    - الصينى هو صينى يعنى معروف نهايته ع الطريق ايه وهقولكم عيوبه ومميزاته كلها وبعدين هقولكم الحل الاكيد :

    * عيوب الصينى :
    1- كل الصينى مفيهوش تبريد باستثناء الحلاوه والدايون 6 و 7
    2- الموتوسكل الصينى وانت راكبو تحس كده انك مش مطمن لان عندك ف دماغك عقده من السلع الصينيه وبالذات بقى لو طالع ع الدائرى ولا طريق زى الاوتوستراد تبقى قاعد حاطط ايدك ع قلبك لحاجه تتخلع وانت بتجرى وتوديك القبر بدرى
    3- الصينى لو العداد عدى معاك 90 كيلو تلاقى المكنه تحتيك عامله زى الريشه وتبقى قلقان انك تجرى
    4- جميع المكن الصينى بلا استثناء فيه رعشه
    5- الكاوتش الخلفى بيرقص لو جريت وعملت فيها راكب ريس يعنى طوبه واحد مليمتر تعمل معاك احلى واجب وتخليك تتبعتر ع الطريق
    6- الموتوسكل الصينى مغرى جدا ولو سرحت معاه واغراك وانت ع الطريق مصيرك انت وهو هيكون واحد يعنى اقل واجب هيعملك كسر ف ضلع ولا هيخليك ع كرسى بقيت عمرك وهو هيكون الله يرحمه

    - دي بعض العيوب مع انها اكتر من كده بكتير بس انا حبيت اوضح المهم منها


    * مميزات الصينى :
    1- بيستحمل كويس بس تحافظ عليه كويس ومتديهوش لحد
    2- قطع غياره رخيصه جدا ومتوفره ف كل مكان
    3- مليون ميكانيكى وكهربائى حولو نشاطهم للصينى لما لقوه انتشر يعنى مش هتغلب لو حاجه باظت فيه
    4- اما اهم ميزه فيه انو رخيص وسعره بسيط وفى متناول اى حد عايز يشتريه يعنى بيبدا من 3500 وبينتهى ف 6500



    * درجات الصينى :
    1- الحلاوه /
    - اول حاجه تيجى الحلاوه تايجر ودي عداد 180 وقويه جدا وفيها تبريد زيت وميه ودى ف حدود 5500
    - تانى حاجه تيجى الحلاوه اكسبريس ودي يعتبر اشد مكنه صينى وتتفوق على جميع المكن الصينى ف كل حاجه ودي عداد 120 وسعرها ف حدود 4800

    2- الهوجان :
    - كل الهوجان يعتبر من مخلفات الحروب الا الهوجان 3 لانها شيك جدا ونزيهه جدا جدا وسريعه وتعتبر قوتها من قوه الحلاوه اكسبريس بس تختلف ان مفيهاش تبريد ودي سعرها فى حدود 4200


    3- الدايون :
    - الدايون بصفه عامه بيجى فى المرتبه التالته
    - اقوى مكنه دايون هى الدايون 4 ودي نسخه من الحلاوه اكسبريس برده بس مفيهاش تبريد يعنى التلت مكنات اللى هما ( حلاوه اكسبريس - هوجان 3 - دايون 4 ) يعتبرو من قوه بعض بس تتفوق الحلاوه اكسبريس ف التبريد والدايون 4 ف حدود 4300
    - الدايون 7 على قد شكلها على قد ما هى عامله زى البرميل ومش بتستحمل المطبات وبعديه بتغرى الواحد جدا وهى ف حدود 5400
    - الدايون 6 دي بقى اللى معرفش صنعوها ليه الصراحه انا حرام ادفع فيها خمسه جنيه لانها وبلا فخر مش عايزين نقول كلمه متصحش .. بس هى لا بتجرى وشكل ع الفاضى وكل اللى عليها من برا ده فبر يعنى لو اتكسر منك كل سنه وانت طيب .. وبعدين ملهاش قطع غيار ودى ف حدود 6100


    4- الهامرز :
    - الهامرز قوى جدا وبيستحمل جدا جدا جدا بس مشكلتو مينفعش يتجرى بيه لانو بيغرى الواحد برده نفس نظام كل المكن الصينى وهو فى حدود 5600


    5- النحله :
    - ودي في منها دايون وفى منها اكتر من نوع يعنى ودي دايما بشكمان واحد وصغيره وخفيفه ودي بقى للى عايز يلعب وهى بتستحمل وجباره وسريعه وع فكره برده اللى محدش يعرفو انها بتسافر يعنى تقدر تروح بيها مسافات بعيده جدا هتعيش معاك بس مشكلتها بقى انها دي للشباب اللى عايز يلعب ع الطريق مش عايز يجيب حاجه شكلها شيك ودى ف حدود 3800


    6- مخلفات الحروب :
    - طبعا يجى بعد كده الريس الصينى وطبعا ملوش قطع غيار وكلو فبر وحاجه مريضه ع الاخر برده وصوته عامل زى صوت الجرار يعنى هتتعبك جامد وده عامل 5500
    - ويجى برده ف مكنه شوفتها مش فاكر كان اسمها هانكو بيتهيالى هى عامله زى النحله وجامده بس مش بتستحمل برده الا بالحفاظ عليها ودي عامله 3700




    اما الهندى والمفاجاه :
    ---------------------
    باجاج نزلت موتوسكل رهيب من فتره اسمو بوكسر وده 150 سى سى وده عامل 5100 وده نزل علشان يغطو على كل المكن الصينى اللى ف السوق ونزل بسعر مغرى جدا جدا ينافس الصينى
    - وبعدين مننساش ان باجاج قربت تنافس اليابانى
    - فرده الكاوتش بتاعتو بمقام 10 مكنات صينى وبعدين مننساش ان ده هندى يعنى قوه وكفايا انو خارج من باجاج
    - ده بقى لو عملنا مقارنه بينو وبين الحلاوه اكسبريس اللى هى اشد مكنه صينى هيتفوق فى كل حاجه ف القوه والمتانه والصوت وكل حاجه وبيستحمل جدا جدا وبعدين هو مصنع اصلا علشان يتحدى الطرق الصعبه يعنى مطبات وكل حاجه هيعمر معاك جامد

    - يعنى مميزاته انو خفيف وتحس براحه وانت راكبو وتحس بامان وبعدين صوته هادى
    - وبعدين كل واحد معاه مكنه صينى دلوقتى بيبيعها ويجيب بوكسر ..


    نصيحه بقى للاخوه اللى بيفكرو ف مكنه صينى :
    نصيحه اخ لو معاك ميزانيه ضعيفه ومحتاج تجيب موتوسكل يبقى عليك وع البوكسر الهندى والا متجبش لان الصينى هتندم كتير لو جبتو

    انا من ناحيتى اشتريت البوكسر وريحت دماغى والله باكل المكن الصينى كلو ع الطريق


  3. #3

    الصورة الرمزية mahmoudrangar

    رقم العضوية : 159540

    تاريخ التسجيل : 29Apr2014

    المشاركات : 15

    النوع : ذكر

    الاقامة : القاهرة

    السيارة: فيات

    السيارة[2]: سيات

    الحالة : mahmoudrangar غير متواجد حالياً

    افتراضي -

    hasad">

    اشكر الاخ الكريم على الرد جزاك اللة خير :018a1d~146::018a1d~146: ارجو من سيادتك تقولى اخبار البوكسر معاك اية .... وهل هو ثابت معاك فى السرعات العالية ... والبطارية فى بعض من الاخوة الافاضل معاهم بوكسر بيقولوا ان بطارية البوكسر ضعيفة ... وشكرا ....:018a1d~146::018a1d~146:



 

المواضيع المتشابهه

  1. حد يعرف الموتوسيكل ده فين و بكام ؟ هوجان
    بواسطة mido في المنتدى مختــلف أنواع الدراجات النارية
    مشاركات: 7
    آخر مشاركة: 05-08-2013, 01:40 PM
  2. معلومات عن هوجان 3
    بواسطة mido في المنتدى مختــلف أنواع الدراجات النارية
    مشاركات: 5
    آخر مشاركة: 02-08-2013, 08:21 PM
  3. هوجان 5a الجديده المعدله بفرامل باكم مو 2013
    بواسطة madoosama في المنتدى قسم بيع وشراء للدراجات النارية
    مشاركات: 0
    آخر مشاركة: 14-06-2013, 07:02 AM
  4. استفسار عن موتسيكل هوجان 7 .. محدش يضرب ..
    بواسطة Amr Axel في المنتدى مختــلف أنواع الدراجات النارية
    مشاركات: 45
    آخر مشاركة: 10-06-2012, 11:49 PM
  5. حد يعرف مميزات الشكمان الديفل وللا مالهوش مميزات ؟؟؟
    بواسطة Hazeeeeem في المنتدى أوبـــــل
    مشاركات: 32
    آخر مشاركة: 17-01-2011, 09:37 PM

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

Content Relevant URLs by vBSEO 3.6.0 PL2