انا و غيرى على استعداد نضحى بأروحنا فداء الوطن و الكلام ده بجد و ربنا شاهد
فكر فـ ام لما كان ابنها يتعب او يمرض تفضل طول الليل جنبه و تدعى ربنا علشان يخف و تدعى و تقول ان ربنا ينقل المرض ده ليها بس ابنها يخف و بعد كده لما تعرف انه ممكن يخرج يوم و ميرجعش البيت تانى و تقول كل حاجه تهون علشان مصر ؟!!
دى الأم المصريه اللى عارفه معنى الوطن و ممكن تكون مش متعلمه اصلا بس فاهمه احسن من متعلميين كتير و هى اللى هتنزل بكره و بعده و مش هتمشى الا لما تحتفل بعوده مصر تانى للمصريين
يا رب كل المصريين اللى نزلوا فــ 25 يناير و 30 يونيو علشان عايزين مصر تبقى مصر اللى بيحلموا بيها مصر الأمان مصر الرخاء مصر الكرامه مصر الرياده مصر الحضاره مصر المناره مصر بلا فقر مصر بلا جهل مصر بلا خوف مصر بلا ارهاب مصر اللى العالم كله بيحسدنا عليها
و الله العظيم لو تسمعوا كلام الأجانب عن مصر او تشوفوا حزنهم و هم مسافريين من مصر هتعرفوا ان مصر بلد فعلا تستاهل تكون فمكانه افضل من كده 100 مره
اللى عايز يقاطع يقاطع هو حر بس لو سمحت بلاش نسمع منك مبررات او اعذار او اى كلام سمعنا منكم كلام كتير و النتيجه سنه من الجهل و التخلف و الخيانه و العماله و ضاعت كرامت مصر
اشهد الله ان كل كلمه بقولها علشان مصر مش علشان مرشح معين
و فالأخر انا نفسى المصريين يشوفوا مصر بعيون الأجانب