الموضوع: دعوه للتفكير وليس موضوع سياسي او خناقة

المشاركة الأصلية كتبت بواسطة 4fun14

كنت هعمل زي ما حضرتك بتقول لو كان الانتخابات السابقه تم احترامها..
بالنسبه للسؤال البسيط
ف 2012 كان في حد ادني من النزاهه قبل الانتخابات وكان في تشريعات برلمانيه وحد ادني من الحياد الاعلامي وتواقق مجتمعي ع العمليه الانتخابيه

حضرتك لو هنتكلم عن احترام نتيجه الأنتخابات فالنتيجه اصلا كانت لصالح شفيق و بغض النظر عن اقنتاع حضرتك من عدمه فالجزء ده فا هنفرض ان مرسى هو اللى كان ناجح هل مرسى بقى رئيس بعد النتيجه ولا لأ ؟؟؟
و لما الشعب اللى انتخب طلع يقول مش عايزينك يبقى اسمه انقلاب ؟؟ ولا اسمه فشل من الحاكم ؟؟ لو هنمشى بمبدأ الصندوق يبقى انتخابات مبارك المزوره كانت صحيحه لان النتيجه النهائيه كانت لصالحه و عدد اصوات نجحه صح ؟؟ و بناء عليه لما المصريين نزلوا علشان نظامه يرحل يبقى كان خروج على الحاكم و لما الجيش انحاز لأرادة الشعب فـ 25 يناير كان انقلاب صح ولا انا غلطان ؟؟
ولا هو لو الموضوع فيه مصلحه يبقى الجيش الوطنى اللى انحاز للشعب و لما يكون مفيش مصلحه يبقى انقلاب ؟؟؟
بخصوص الحد الأدنى للنزاهه ؟؟ مش كان المجلس الأعلى للقوات المسلحه هو اللى فالسلطه ؟؟ و كان بيتقال ان الجيش عايز السلطه و ان الأنتخابات مش هتكمل و حتى لو كملت هتتزور لصالح شفيق ؟؟
الأعلام كان محايد فعلا بالدليل ان كل البرامج و الحوارات كانت تحت شعار لا لفلول مبارك
معظم الأعلاميين كانوا بيهللوا صبح و ليل للأخوان و القضاء على فلول الحزب الوطنى, صح و لا انا غلطان ؟؟
كل المثقفيين طلعوا و قالوا لا للفلول نعم للأخوان حتى لو هنعصر لمونه, صح ؟؟
و الزيت و السكر و البطاقات الدواره و منع الأقباط من التصويت ده اسمه حياد و توافق مجتمعى ؟؟

المشاركة الأصلية كتبت بواسطة 4fun14

كده خرجنا عن الموضوع ودخلنا ف الجدل اللي مش هيخلص واللي انت اكيد عارف اجاباتي عنها مقدما
لكن النتيجه لسه قائمه.. 5 استحقاقات انتخابيه اعتبرت كأن لم تكن..
يباه فاكس باه منحورش علي بغض ونقول مصير أمة والهجايص دي
ليا بس تعقيب صغير اوي.. مين قال ان الجيش انحاز للشعب ف 25يناير؟مشوفتهوش طلع بيان يعلن فيه اقصاء مبارك بالعكس.. شفت بيانات تقول للناس روخوا واحنا هنضمنلكم ان مبارك مش هيكمل بعد 6 شهور بتوعه وشفناه سايب ميدان التحرير للقناصه بيذيع قبلها ع التليفزيون.. روحوا عشان في مسلحين جايين عليكما.. والجمال داخله الميدان بكل طمأنينه
ده بس عشان اللي بيسأل اشمعني 30 يونيو كان تدخل عسكري و 25 يناير لا.. لو كان طلع بيان من المشير طنطاوي بتعطيل الدستور وتنصيب المجلس العسكري رئيسا مؤقتا وخطف مبارك كنت هقولك ماشي

كريم انت فاجئتنى بالموضوع صراحه اول مره اشوفك بتعمل موضوع سياسي
الزملاء الاعزاء الاختلاف موجود ويفضل موجود دا حتى ربنا سبحانه وتعالى فى ناس مختلفه عليه فى العالم
الروح الطيبه والاخلاق والذوق هى الباقيه وهى اهم حاجه هنا فى االمنتدى بلاش نضيعها
ربنا يولى الاصلح وكله مكتوب

سلام يا بلد الكلام كانت مكتوبه على ميكروباص