دعوه للتفكير وليس موضوع سياسي او خناقة

**ashouhdy** · 26-05-2014 03:21 AM

الحمد لله ... اني دخلت الموضوع دة عشان اقرا كل خناقات الاعضاء والحلفانات و القسم و تضييع الوقت في الصراخ واهمال العمل والبيت و الدين كمان بالقسم والحلفان وهو مش عارف اصلا اذا كان صح ولا غلط و الظنون الغلط والصح و الهوجة و الخلاط اللي احنا فية لحد ما البلد بقي فيها 90مليون محلل سياسي وكلة بيقسم وبيقطع دراعة انة صح ... بالنسبة ليا كفاية هيصة بقي وحنزل انتخب السيسي و يكفيني انة لبي نداء الملايين ووقف قدام العالم واتخذ اصعب قرار ممكن حد ممكن يتخذة بانهاء حكم جماعة

بالفعل كفاية هيصة بقي وكلة يشوف شغلة وحياتة بجد ....

**aif** · 26-05-2014 03:47 AM

بس ده موضوع سياسي يا كريم
ده هو السياسة ذات نفسيتها
وح يقلب خناقة كمان شوية

**Karim_Monir** · 26-05-2014 10:34 AM

المشاركة الأصلية كتبت بواسطة ibrahim sallam

المشكله في الموضوع بتتلخص في ان الاستاذ كريم منير ذكر نزوله للتحرير لسببين

الاول رفع قانون الطواريء

ورفع الحد الادنى للاجور

ومن وجهة نظري إن الاستاذ كريم غلب على ظنه ان ممكن السيسي يحقق المطلبين دول( وده ممكن جدا يحصل))... فعلشان كده ألمح إلى نزول الناس للإنتخاب ووحدة الصف وما إلى ذلك....
وطبعا ديه نيه طيبه منه يشكر عليها...

لن انزل ولن اشارك لن اكون سهما يدعم او يعيد نظام مبارك من جديد بكل مافيه بل اسوأ

لا اسمحلي اوضحلك ما غاب عنك نتيجة ان الجملتين دول مكنتش الهدف من البوست

لما قولت اننا نزلنا يوم 25 يناير 2011 اني نزلت عشان الطلبين دول ومكنش عندنا اي امل في الاطاحة بنظام زي نظام مبارك
كنا شايفين نفسا اقل من كدة بكتير مهما وقفنا وده وضحتة ان فض التظاهر ده بالعنف الشديد
لكن وقتها معرفش ايه اللي صحي فينا حاجة
يمكن مواقف بطولية عشتها في الميدان
يمكن احساسي اني بقيت اقدر اغير
اني اقول للظلم والطغيان لاء ولو كانت اخر حاجة اعملها

لكن وجهه نظرك في كلامي والسيسي وبقية الكلام للاسف خانك الظن فيها

لان الهدف من البوست اني اقول متخليهمش يرجعو لايام مبارك يحطو اصوات مزورة ويقولو انك نزلت وصوت
ايام ما كان كون عندك بطاقة انتخابية يستدعي الف استعلام امني عنك
اللي شايفها تمثيلية حقه
واللي شايفها مسرحية ومفيش فايدة حقة برضه
والل يهاينزل حقة واللي هايمتنع حقه برضه
كل واحد حر
عشان كدة ربنا سبحانه وتعالي ساب لينا تفسير الكتاب الكريم وكمله بحديث المصطفي صل الله عليه وسلم واجماع العلماء
ترك لينا حرية الاختيار واستفتاء القلب طبعا فيما لا يخالف نص او شرع
هي دي الرسالة اللي كنت عايز ابلغها وواضح جدا افتقادنا ادب الحوار والاختلاف
وعدم احترام رغبة صاحب الموضوع ايضا وكان مش من حقه يعمل موضوع يتكلم فيه عن حاجة معينة
شكرا جزيلا ليكم ورايي وصلته
زهاطلب غلق الموضوع انا كنت عايز اقول رسالة للمقربين مني ورسالتي وصلت ليهم بمشاهدتهم الموضوع
تحياتي

تم اغلاق الموضوع بناء علي طلب صاحب الموضوع