السلام عليكم
بنمسى كده على الكياوية كلهم بالفيديو ده :grin21:
ومنجلكوش فى حاجة وحشة :biggrin24:
Kia Quoris 2014 كيا كوريس - YouTube
عرض للطباعة
السلام عليكم
بنمسى كده على الكياوية كلهم بالفيديو ده :grin21:
ومنجلكوش فى حاجة وحشة :biggrin24:
Kia Quoris 2014 كيا كوريس - YouTube
ماشاء الله ، حقاً ابداع ، يارب اشوف سيارة انتاج عربي خالص افضل من تلك السيارة ، يارب
+111
عربيه ما شاء الله وحش
بيقولك 294 حصان و عزم 300 وشوية نيوتن متر و العربية بتعلى وتوطى 3 سم من زرار و كمان الشنطة بتفتح و "بتقفل" من جوة والكونسول اللى ورا بيشغل كل حاجة وكاميرا 360 درجة وكاميرا فالمرايات ههههههههههههههههههههههههه ههههههههههههههههههههههه
انا عاوز أعيش ... دة انا عندى مثبت سرعة ومرايات ضم وفاكر نفسى ابن العمدة ومحدش عارف يكلمنى ههههههههههههههههههه
ده احنا غلابه اوى يا خال ب 200 الف راكب عربيه مافيش اختها و لو نزلت مصر بالاوبشن ده بتاع خماشر مليون بس بامانة تحفه فى كل حاجه وتسارع وهم تسلم على هذا الفيديوا الرائع
النقطه المهمه في الموضوع ده ...... هل اي حد لو قدامه يجيب العربيه دي ..... هيجيبها ولا هيتجه على الالماني ...... العربيه فيها كل حاجه ممكن تتخيلها ..... بس برده تتجه على بي ام ومرسيدس ولا كيا ....... سؤال مهم محتاج اجابه
انا لو معايا فلوسها (الحقيقية مش بالجمارك بمعنى انى فالخليج) هشترى دى وأنا مغمض كمان واستمتع بالتكنولوجيا الوهم دى طبعا دة كفاية شكل العدادات والعربية بتدور و الكونسول اللى ورا والشاشات ومثبت السرعة الذكى و فتح وقفل الشنطة من جوة ... رغم انى مش من عشاق الكورى لكن بصراحة العربية دى مش مجودة فالوجود
لكن لو معايا فلوسها فى مصر مش هشتريها هشترى أكس تريل عشان ادوس بيها على التكاتك
من اللي شفته في الكويتاقتباس:
المشاركة الأصلية كتبت بواسطة prooo
الالماني يكسب
مع ان عربيات زي الكيا دي فيها مميزات ال s و ال 7 لكن الناس هناك بتتجه للالماني و الياباني اكتر طبعا و اللي عادة بتبقي فئه اقل
عندك الكيا دي بسعر ال 5 و ال e هناك
بس دول مبيعاتهم اضعاف اضعافها حتي مع ان المواصفات فيهم اقل
بالظبط زي ما بيحصل هنا بس مع الفارق
يعني الناس هنا تفضل تركب 316 باوبشنها القليل و لا سيراتو هاي لاين ؟
كبدايه الكيا نجحت في انها تاخد جزء من الشريحه دى حتى لو صغيره لان طبعا المعظم بيفضل الألماني عليها , لكن هي نجحت في إقناع البعض بيها ولسه قدامها كذا سنه عشان تبقى ند بند للألمانى ودا مش سهل لان الحته دى لعبة الألمانياقتباس:
المشاركة الأصلية كتبت بواسطة prooo
ال Quoris أكبر من الفئه الخامسه وأصغر من الفئه السابعه لكنها موجهه لمنافسه الفئه السابعه , وطبعا أكبر عامل بتلعب عليه هو السعر
مهو ده اللي حضرتك انا بتكلم عليه ...... هل انا لما اجيب العربيه دي بكل الكماليات الهايله اللي فيها دي كلها مع الفتيس السبع سرعات .... وبعد سنه ولا اتنين اسمع اصوات تزييق في العربيه من جوه او مثلا الكراسي الكهرباء اللي فيها دي تشتغل قد ايه ..... وهل نقطه متعه القياده موجوده ولا مش موجوده .... انا بتكلم عن متعه قياده اسيارات الالمانيه والبي ام خصوصا اللي محدش عارف سر اللي بيعملوه عشان كده .... هل كيا قدرت توصل لكده ؟؟؟؟؟؟ اعتقد لا ..... محدش يقنعني ان الكماليات دي كلها وباسعر ده ولسه البي ام اغلى منها .... اكيد مهما حصل تكنولوجيا وامان وثبات البي ام احسن من الكيا ولو ان الكيا قدرت تقرب اوي منهم ..... بس عمرهم ماهيبقى زي بعض ابدا ..... دائما البي ام او الالمان عامة سابقه .... اللي كيا عرفت تعملوا انها تعمل نفس الامكانيات بتكاليف اقل على حساب الجوده ...... وهما ناجحين في كده طبعا .....اقتباس:
المشاركة الأصلية كتبت بواسطة horas3000
نفس اللي انا فكرت فيه بالظبطاقتباس:
المشاركة الأصلية كتبت بواسطة hosam_optrawy
في فرق كبير يااستاذ شريف الكوريوس نفس سعر البي ام وال اي كلاس تقريبا او اقل منهم شويه ..... لكن السيراتو الهاي لاين اقل من ال 316 الايكسكلوسيف ب 160 الف تقريبا .... يعني مفيش وجه مقارنه عشان خاطر افكر لكن لو الفرق 30 او 40 الف هنا يبتدي الكلام زي ما حاصل مع الكوريوس والفئه الخامسه بالظبط .........اقتباس:
المشاركة الأصلية كتبت بواسطة horas3000
:Copy of rfds: بس كده
هو مما لا شك فيه ان العربيات دي و علي الرغم من مواصفاتها الكتييييراقتباس:
المشاركة الأصلية كتبت بواسطة prooo
لكن لا تضاهي الالماني في متعه القياده
انا سقت الكادينزا اللي هي المفروض قبل الكوريس و محستش باي متعه في سواقتها خصوصا و انها كانت جر امامي
و ال 3 و ال c كمتعه يتفوقوا عليها بمراحل علي الرغم من فرق السعر و الحجم و المواصفات
فالنقطه دي محسومه
لكن علي الطرف الاخر في ناس ميفرقش معاها الكلام ده
و عايز عربيه options bucket و تدلعه و تهشتكه و يروح من النقطه a ل b و السلام
و ده في الاغلب الزبون المستهدف من العربيات دي خصوصا لو برستيج الماركه مش بيفرق معاه
اما من ناحيه الاعتماديه و كده فالمؤكد ان العربيات دي هتقضي الغرض منها و بكفائه تامه
و خصوصا و ان بره معدل اعمار العربيات مع الناس مش بيتعدي ال 5 سنين اصلا
اقتباس:
المشاركة الأصلية كتبت بواسطة prooo
تمام
بس الكوريس مش بتنافس ال e و ال 5
المفروض انها فئه اعلي زي ما قال حسام باشا
و حتي مع انها ارخص من ال 7 و ال s او حتي اللكزس LS و بفرق محترم فدول برضه بيبيعوا اكتر منها بكتير
مرسيدس مرسيدس وبى ام بى ا م والكورى كورى
العربية دي ابداع كبير من كيا بصراحة