صنع في مصر

**al_manara** · 26-05-2014 02:26 AM

عندنا صناعات مهمة جدا ومتقدمين فيها وبتميزنا وهم

-الجهل
-الفقر
-المرض
-مدارس بلا علم
-مساجد بلا تقوى
-العقول المهاجرة

**طارق _عبد السلام** · 26-05-2014 02:29 AM

صناعه الفخار :) مش محتاجه فكاكه ههههه تراب وميه والدواره والفرن بس خلاص للاسف اغلب صناعاتنا ماكينات مستورده مواد خام مستوره حتى التغليف مستورد علشان كده نعتمد على الدولار واليورو دائما وللاسف ايضا جوده صناعتنا تقل عن المستورد لانها لاتستطيع المنافسه بسبب ارتفاع اسعار المواد الخام المستورده لنصنع منها منتج محلى

**eslamrace** · 26-05-2014 03:29 AM

جميع منتجات الهيئه العربيه للتصنيع من تلفزيونات وتلاجات واجهزه أخرى
طائره تدريب خاصه القوات المسلحه وبعض الاسلحه والمدرعات داخل الهيئه الهندسيه للقوات المسلحه
‫اول طائرة مصرية صناعة مصرية 100 في مصنع الطائرات K8 E‬&lrm; - YouTube
‫طائرة صناعة مصرية‬&lrm; - YouTube
وللعلم في داخل الهيئه العربيه للتصنيع مخطط لطائره حربيه قابله للتطوير من أيام الرئيس عبد الناصر والكلام ده من احد المسئولين داخل الهيئه
ودى امثله للدبابات والمدرعات
‫احدث دبابة تصنع فى مصر M1A1‬&lrm; - YouTube
‫المدرعة المصرية فهد - اختبارات قاسية -.wmv‬&lrm; - YouTube
‫أقوى دبابة نجدة فى العالم تصنع فى مصر | الدبابة هيرقل M88A2 Hercules شاهد حجمها الخرافى‬&lrm; - YouTube
وده موقع الهيئه العربيه [url=http://www.aoi.com.eg/aoiarab/]
وده موقع وزاره الإنتاج الحربيhttp://www.momp.gov.eg/Ar/Default.aspx
وبعض أنواع الاسناكس والمقرمشات والحلويات اللى في السوق
والاسمده والاسمنت والحديد
وحاجات تانيه .

**automea** · 26-05-2014 06:41 AM

تصدق كنت عايز اعارضك واقولك مر بيتصنع فيها كل حاجة بس قعدت افكر واعصر في دماغي مش لاقي حاجة بتتصنع في مصر فعلا انت معاك حق :(

**غزلة** · 26-05-2014 10:49 AM

العيال صناعة مصري ١٠٠ في ١٠٠???

**MohssenRashed** · 26-05-2014 12:04 PM

على فكرة في صناعات كتير جدااااا في مصر اه هي المواد الخام من برة (وده ميعبش لأن ده طبيعي في اي دول العالم)

الحاجات اللي اعرفها شخصيا, المنطقه الحرة في العامرية و برج العرب (اسكندرية) في مصانع مصرية بجد تشرف و صناعات مصرية 100% A to Z

**ayman20100** · 26-05-2014 02:12 PM

تصدق اني كنت هقولك الزراعة طلع السماد والكيماوي فيه كتير مستورد
لا وكمان التقاوي منها معدل وراثياً والمصيبة ان من اكثر الدول تطور في الابحاث الزراعية وبنلجاً ليها في الابحاث وده يفيدك فيه متخصصين اسرائيل

على العموم مصر فيها بعض المشغولات اليدوية الى اقربت على الاختفاء لارتفاع الاسعار وعدم مواكبة التطور (مامبو - نحاس - اخشاب )

فيه بعض الامل في بعض الصناعات الخاصة بالكهرباء بعض الكابلات والمفاتيح واللوحات بس للاسف برضه منافسة المستورد قوية جداً وبعض المنتجات داخلها برضه مواد مستوردة للاسف

عاوز بقى تشوف ممكن يكون المستقبل في ايه في مصر
يبقى لازم تعرف انك ما عندكش تكنولوجيا حديثة ممكن نبدأ بالزراعة ونوفر احتياجاته كاملة محليا
الصناعات الثقيلة (حديد ومحاجر و الومنيوم وزجاج واسمنت وسيراميك )

نسيت عندنا بعض المصنوعات في الملابس لانجيري وملابس قطنية وللاسف بيتعينوا برضه ببعض الخامات المستوردة في التقفيل والماكينات طبعاً كلها مستوردة وبعض الملابس صناعة محلية بس التصميم مستورد وبعض الاكسسوارات في التقفيل

ده حتى الشيشة فيها صيني ومكونات صيني رحمتك يارب
ده كل الى جيه في بالى

**amr100** · 26-05-2014 11:47 PM

انا سالت السؤال ده علشان انا صعبان علي البلد فعلا و مش لاقي حاجة الواحد يبقى فخور بيها ان دي تصنيع مصري 100% من الالف الى الياء زي ما بيقولوا اه الماركات العالمية بتجمع خارج البلد الاصلى ولكن فيه تصنيع في البلد الاصلي