-
تحجيرة في الفرامل
السلام عليكم يا شباب
أنا نزلت مصر ونفسي أشوفكم حاولوا تظبطوا مقابلة
مشكلة سريعة عندي وهي إن الفرامل محجرة شوية بس لما أدوس جامد بقوة الفرامل بتمسك كويس
أنا عامل تعديل الفرامل أمامي وخلفي والعربية مرفوعة من سنة
1- التحجيرة دي من إيه؟
2- ديسكات فرامل ورا عاملة شفة عالية وفرامل ورا بتمسك قبل قدام بشوية فتخلي العربية تجمح..أمسح الطنابير ولا أغيرهم؟
-
-
بلف السيرفو
بلف السيرفو
بلف السيرفو
وهو القطعة السودة اللى في خرطوم السيرفو اللى بتوصل ما بينة و مابين المانيفولد
تتغير تروح التحجيرة فورا ونصيحة متقرصش على العربية في الفرامل علشان الماستر العمومى ميبوظش ولايمها بفرامل اليد لحد ما تغير البلف دة وسعرة لا يتجاوز 25 جنية
-
العيب ده من السيرفو و متنساش تغير زيت الفرامل لما تعمل شغل فيها !!
-
معقول البلف باظ من الركنة؟ دي العربية 2008 وعاملة 33 ألف كم بس!!
-
حد يدوس على بدال فرامل و العربيه واقفه و شوف فى تغير فى اداء المتور بيرعش او فى صوت تنفيس لو مفيش يبقى السيرفو سليم
نرجع بقى للبلف دور العربيه دقيقه و بعدين افصل خرطوم الهواء بتاع السيرفو من ناحيه السيرفو بعد ما تبطل لو ماسمعتش صوت شفط الهواء و انت بتفك الخرطوم يبقى البلف تالف
فك الخرطوم من الناحيتين و اشفط هواء من الناحيه اللى راكبه فى جسم المتور و حط لسانك عليها لو فضل ماسك لسانك يبقى تمام لو ساب يبقى البلف تالف
و ده قبل ما تبداء فى اى حاجه فى الفرامل عشان ما تصرفش على الفاضى
اردو اكون قد افدتك
-
طيب هكشف علي البلف
بالنسبة للديسكات أغيرهم ولا أمسحهم؟
-
الطنابير الخلفية تفكهم الاول وتخلى الراجل يبص عليهم لو احتاجو يسمحو ودة اغلب الظن تمسحهم والا تغيرهم الموضوع يحكمة الرؤية و الوضع على ارض الواقع
-
لو اول مرة تمسحهم مافيش مشاكل لكن لو اتخرطوا قبل كده ماينفعش يتخرطوا تانى !!
Content Relevant URLs by
vBSEO 3.6.0 PL2