الموضوع: اشترى زيرو ولا مستعمل ب 85000

مستعمل طبعا لأنك هتجيب عربية أحسن بكتير جدا من الخيارات بتاعة الزيرو فى السعر ده.
ممكن تلاقى كورولا 2004 أو حتى 2007 (حالة وحشة) و كده تبقى ريحت نفسك جامد جدا لأن شهادة لله مع أنى ما بحبهاش اللى يشترى كورولا يستريح آخر راحة عشان قطع الغيار مرمية فى كل حتة و العيل الصغير يعرف يشتغل فيها زى أكبر معلم.
ممكن هوندا و كده تبقى ركبت عربية على حق و أى حد بيركب هوندا ما بيعرفش يركب حاجة تانية بعدها بس هيطلع عينك فيها لو محتاج حاجة بتضرب مشاوير صعبة و بعيدة.
أو ألمانى زى ما الناس قالت و لكن أنا عن نفسى أميل أكتر لليابانى عشان أى نعم ما هياش نفس المستوى من الاتقان أو الراحة و لكن الشغل فى اليابانى سهل و أمتع بالنسبة لى (حس مغامرة عالى شويتين, عشان كده راكب هوندا و بضرب مشاوير بالهبل عشان حاجات زى حتة كاوتشة D:)
أو ممكن حاجة فى اللذيذ زى lancer 2007 sam و حلوة جدا جدا فى السعر ده و سواقتها متعة و راحة, و لكن أحذرك ان قطع الغيار غالية جداااااا, فلتر بنزين مثلا 200-500 جنيه و كل حاجة تانية سعرها فى الرنج دا.
لو عايز تخليك فى السليم أوى و تجيب حاجة تعيش و فى نفس الوقت حلوة و ما تتعبكش فى مشاكلها يبقى كورولا يليها أوكتافيا و لانسر سام و الجيتا و الجولف بلاش عشان أعتقد الفولكس صعبة شوية فى شغلها و لكن ما عنديش معاها تجارب دا اللى بشوفه عند الصنايعية.