مسخرة السنين كلها مع الروتين الحكومى فى قصتى مع الكهرباء والايجار الجديد

الجزء الاول من القصة

باختصار انا ورثت انا واخوتى وقرايب ليا عمارة عبارة عن 3 ادوار ايجار جديد ودورين ايجار قديم ومحل ارضى ايجار جديد

المهم المحل الارض واخدة واحد صايع من بتوع القهاوى وبقالة سنة ونصف ما دفعش فلوس الايجار و طبعا بيتسغل طول بالك المحاكم وتحويا القضية من دائرة الى دائرة وطعن واستئناف الى اخرة ولسة ادامة سنة ونصف كمان على اقل تقدير لطرد المستاجر ولو حاولت اطرد المستاجر بقوة البلطجية هيعملى محضر تبديد امانة وهيتهمنى انى استوليت على مليون جنية كانوا فى المحل وهو اصل معهوش 100 جنية على بعض وهورح انا فى داهية مش هوة رغم انى انا صاحب المحل !!

سكت واستعوضت امرى لله وحدة وسبت الموضوع للقضاء الشامخ عشان يحكم لية فى ولاد ولادى والله اعلم بعد كام سنة

المهم فؤجت ان الكهرباء عايزة منى مبلغ كبير جدا باالالفات على المحل لان عداد الكهرباء باسم الورثة والراجل بيدى المحصل كل شهرية رشوة عشان ميدفعش الكهرباء لحد ما اتراكم علية سنين وبشرايح عالية كهرباء !!!!!

ورحت الكهرباء قلتلهم طيب هو اتراكم علية سنين لية مقعتوش الكهرباء ورفعتوا العداد ؟؟

قالولى لا رفع العداد لازم بناء على طلب مالك العداد قلتلهم خلاص الغوا العداد ومش عايز اشوف وش العداد الكهرباء دة تانى ............ قالولى قبل ما نرفع ونلغى العداد لازم تسدد 4 الاف جنية قيمة الكهرباء مدة سنة ونص !!! والا مش هنرفع العداد ههههههههههه


قلتلهم خلاص اقطعوا الكهرباء على المستاجر لانة علية مديونية كبيرة قالوا ماشى بس يا حلو او قطعنا الكهربا علية واكتشفنا انة سرق الكهرباء او اعاد الكهرباء بدون تصريح مننا هتدخل انت السجن لان عداد الكهرباء باسمك وانت المسؤل ادامنا على الكهرباء بتاعة المحل وشرطة الكهرباء لن ترحمك وهتسجنك فورا وحلله بقا لما تثبت ان العداد باسمك لكم مستغل العين شخص اخر !!!!!!!!!!!!!!!!!!!!!!!!!!

فلو عايزنا نشيل عداد الكهرباء هنشيلة لعدم سداد المديونية احنا هنوافقك بس لو وصل كهرباء من وراك هتدخل السجن 3 شهور لان عداد الكهرباء باسمك

يعنى منالاخر الافندى قاعد فى المحل مش بيدفع ايجار ولا كهرباء وانا كمان اللى بدفعلة الكهرباء والتكييف بتاعة من فلوسى انا !!!!!! وكلة بامر الحكومة والقضاء !!!!


والسوال تختار اية

نسيب العداد شغال والحسابة بتحسب ولا تغامر وتسجن؟؟؟؟؟؟؟؟؟؟؟؟

فماذا تفعل لو كنت مكانى ؟؟؟




الجزء التانى من القصة لما اشوف رد فعلكم على الجزء الاول !!!!

طبعا بلد بنت ....... و غباء متناهي في القوانين

لو دفعت و شالو العداد يعني
و بعد كدا هو وصل كهرباء سرقة ايه الموقف ؟؟؟

:7_9_6v[2]:

القضاء المصرى شامخ طول عمره ... لو انت مواطن عادى يبقى تقف فى الطابور تستنى الدور لكن لو ارهابى اخوانى يتحكم عليك فى اسبوع
ليا شقة فى عمارة عليها مشاكل و قضية عشان استلمها و القضية من سنة 1997 و و لسة فى المحاكم لحد دلوقت

اعتبر انك رجعت المحل بال 4000 جنيه لانهم لما يشيلوا العداد هيسيب لك المحل وخلى بالك مباحث الكهرباء مبتهزرش فكرتنى بمصيبه حصلتلى واحد استرجى معرفه اخد محل وعايز يركب عداد واحد نصحه فى الكهرباء انه يعمل العقد جراج سياره ويجيب رخصتين العربيه وهيركب العداد بسرعه جاء لى الشخص ده وقعد يقولى فى طولك فى عرضك رزق عيالى طبعا انا اديته الرخصتين بتوعى واتعمل العقد مضروب باسمى والبيه منتظرش لحد ماالعداد يركب واشتغل مباحث الكهرباء قفشته الباشا طبعا رد الجميل لى وقام قايلهم المحل ده باسمى وبعدها اتصل على وبيقولى اتلخبطت وقلت اسمك انت هههههههه ودانى فى داهيه بن اللذينه وانا جريت على مباحث الكهرباء لولا العميد كان انسان محترم جدا وقالى انا مصدقك لان فعلا شكلك مش استرجى واقتنع خفض المبلغ من رقم كبير مش فاكره ل 1200 جنيه فخلى بالك بالله عليك من حوار العداد ده

اقتباس:

---

المشاركة الأصلية كتبت بواسطة طارق _عبد السلام

اعتبر انك رجعت المحل بال 4000 جنيه لانهم لما يشيلوا العداد هيسيب لك المحل وخلى بالك مباحث الكهرباء مبتهزرش فكرتنى بمصيبه حصلتلى واحد استرجى معرفه اخد محل وعايز يركب عداد واحد نصحه فى الكهرباء انه يعمل العقد جراج سياره ويجيب رخصتين العربيه وهيركب العداد بسرعه جاء لى الشخص ده وقعد يقولى فى طولك فى عرضك رزق عيالى طبعا انا اديته الرخصتين بتوعى واتعمل العقد مضروب باسمى والبيه منتظرش لحد ماالعداد يركب واشتغل مباحث الكهرباء قفشته الباشا طبعا رد الجميل لى وقام قايلهم المحل ده باسمى وبعدها اتصل على وبيقولى اتلخبطت وقلت اسمك انت هههههههه ودانى فى داهيه بن اللذينه وانا جريت على مباحث الكهرباء لولا العميد كان انسان محترم جدا وقالى انا مصدقك لان فعلا شكلك مش استرجى واقتنع خفض المبلغ من رقم كبير مش فاكره ل 1200 جنيه فخلى بالك بالله عليك من حوار العداد ده

---

يعنى رايك اعمل اية ادفع 4 الاف جنية علما انى سددت قبل كدة 1500 جنية علية ولم استطع رفع العداد علية بسبب انتظار اعلان الوراثة للعداد !!

يعم جيب بلطجية وطلع الراجل دا من المحل , وسيبك من الهجس دا كله ,وخد الحاجة بتاعته وبيعها كمان وهو يبقي يروح يرفع عليك قضية تبديد ويبقي يقابلني لو اخد منك حاجة .
حيجي يبوس رجلك علشان ياخد حاجته ويتوسط , قله روح اشتكيني في القسم وعندك المحاكم
اعرف واحد كان واقع في نفس مشكلتك وبرضوا محتار ومش عارفين نعمل معاه ايه , محامي من المحاميين الصيع قاله يعمل كدا , واخد شويه بلطجية وغيروا الكالون واخدوا عفش المستأجر والمستأجر لما عرف ان الموضوع وراه بلطجي كبير من المنطقة خاف وراح للراجل دا يبوس رجله ويقله حديك المتأخر بس اديني حاجتي :)
انا واحد من الناس اتنصب عليه فى فلوس من واحد وحفيت ورحت لاهله وكنت بتزلل علشان اخد فلوسي , في الاخر رحت لواحد بلطجي واقسم بالله كانوا اهل النصاب دا بيلمولي وانا قاعد انا والبلطجي حاطين رجل علي رجل وبنتأمر واحنا عايزين نمشي وهما ماسكين فينا و بيقولوا لازم تاخدوا حقكم :)

شوف حضرتك انا من رأىى :
1- تكتب شكوى وتقدمها للنيابة بتقول فيها انه مش بيدفع ايجار ومش بيسدد فواتير الكهربا والعداد مش باسمه .
2- تدفع اللى على العداد وترفعه .
3- شكوى لمباحث الكهرباء بتقول فيها ان المحل مش فى حيازتك وانك رفعت العداد لما الكهرباء طالبتك بمستحقاتها وانك بتخلى مسؤليتك لو انه سرق كهرباء وعليهم متابعة المكان .
-- بلاش حوار البلطجيه دة وقلة الادب !! لان ممكن يتفقو عليك او يجيب ناس اجمد من اللى معاك .. وانا راىى بلاش ربنا معاك لانك صاحب حق .. نسيت اقولك هوه مفيش عقد ؟؟ لوفيه عقد يبقى هوه المسؤل عن العداد ووفر عليك وجع القلب ده . تحياتى

حسبى الله ونعم الوكيل فيهم

كل الكلام الى اتقالك ده اونطه وبيقوله لكل الناس عشان يدفعو صاحب المحل او الشقه لما يلاقو ان المستأجر مبلط فى الخط
1- الصح ان لو العداد عايز تلغيه بشكل نهائي لازم تصفي المديونيه الى عليه الاول
2- لو الى قاعد فى المحل او الشقه مش بيدفع يتشال منه العداد بشكل مؤقت لحد ما يدفع الى عليه (ولو متشالش يبقى ده تقصير من الكهربا يتحاسبو عليه )
3- لو الى فى المحل سرق كهرباء القضيه يشيله الى مستغل الشقه او المحل مش المالك

هقولك تعمل ايه :
انت تطلع على الكهرباء وتدخل على مدير القطاع وتقول الى حصل ان بتوع الكهرباء الى شغلين عنده بيقلولوي اني لازم أدفع انا ولو مدفعتش هيشيلو العداد وبيهددوني لو الى قاعد فى المحل سرق كهرباء هيلبسوني انا القضيه
المتوقع انك هتلاقيه بدأ يراوغ فى الكلام عشان يخليك تدفع انت
تقوله ان الى حصل ده تقصير منكم انتم وفى ريحه رشوة لحد ما اتراكم المبلغ ده وفهمه ان فى قواضي تثبت ان هو المستغل للمحل مش انتم وحمرة عينك وقوله لو انتم محلتوش الموضوع ده وخلتوه يدفع الفلوس الى على العداد (دفعه واحده عشان ميقسطلهوش على 6 شهور) فى ظرف شهر انا هتضطر أطلع على النيابه الادارية واحولكم للتحقيق

انت من مصلحتك انهم يطيروا عليه يرفعوا العداد بشكل مؤقت لحد ما يدفع المتأخر الى عليه
لومدفعش وسرق كهربا تبقى مصلحه طيران على مباحث الكهرباء يعملوله قضية فيها حبس

علشان افيدك محتاج اشوف عقد الايجار ...ممكن تعمله سكان وتشيل بيانات المؤجر والمستأجر

الى يفيدك فى الموضوع ده
اللائحة التجارية لشركة الكهرباء
وهى عندى بس انا مسافر دلوقتى ولما اروح بكرة ان شاء الله هاشوفها وهكتب المفيد منها فى الموضوع ده

اقتباس:

---

المشاركة الأصلية كتبت بواسطة the lawyer

علشان افيدك محتاج اشوف عقد الايجار ...ممكن تعمله سكان وتشيل بيانات المؤجر والمستأجر

---

عقد الايجار الجديد انتهى من سنة ونص ومحجوز لحكم ابتدائى تصور بعد سنة ونص هتاخد جكم ابتدائى ومش نهائى كمان ههههههههههههههه مسخرة السنين

والعقد الاصلى فى المحكمة اما الصور فللاسف مش معايا صور من عقد الايجار

اما الكهرباء فضحكوا عليا قبل كدة وقالولى ادفع المديونية وانا اشيل العداد وقد كان ودفعت الاف

اكتشفت ان شيل العداد محتاج طلب والعداد ملك الورثة ولازم اعلان وراثى اللى اتاخر 6 شهور كاملة بسبب خطاء محامى فى الاعلان الوراثى لانة كتب ان الاب المتوفى متزوج وليس ارمل فالقاضى افتكر ان امى الميتة ليسن الزوجة الوحيدة وان هناك زوجة اخرى للاب واصر القاضى انة يعدل شكل الدعوى هكذا تاخر الاعلان الوراثى 6 شهور وبالتالى تاخر طلب رفع العداد ودخلت فى مديونية جديدة لعداد كهربا وعدت من حيث بدئت فى مشكلة رفع العداد لمستاجر لا يدفع ايجار او كهرباء من شهور !!!!!!!

نفذ الى انا قولتلك عليه لانك لو معملتش كده ومعملتلهمش وش هناك فى الكهربا هيخلوك تدفع انت الفلوس ولو حبيت بعد كده تصفي العداد نهائي هيرفعو العداد الى بأسمكم وهيروح هو يعمله عقد مضروب ويدافعلهم قرشين هيرحوا مدخلينله عداد بأسمه

فعلا قمة الفساد فى القوانين

القضاء الشامخ ولدي ليه ايصال امانه عند واحد من قبل ما يتوفي بحوالي سنتين والوالد اتوفي والراجل واخد حكم سجن وسافر الامارات ورجع وسافر تاني
في بند في العقد بيقول لو المستأجر مش بيدفع الايجار لمده معينه من حقكك تسترد المحل شوفلك محامي شاطر يا باشا