الموضوع: ارجز الرد

المشاركة الأصلية كتبت بواسطة MMamdouh

برضة مش صح لسببين:

1- وضع المور هيسمح للعربية بزيادة سرعتها و انت على منزل الكوبرى و بالتالى اما العربية هتجرى جامد و تفقد السيطرة او انك هتحاول تسيطر على العربية بالفرملة و دة بيستهلك التيل و بيرفع من حرارة الطنابير... لو المنزل طويل شويتين او منحدر شديد ممكن الطنابير تسخن لدرجة ان الفرامل تضعف و هنا هتفقد السيطرة على العربية و هتجرى منك و مش هتعرف تعملها حاجة

2- لما بتمور الموتور بيفضل يستهلك بنزين عشان يحافظ على لفاتة فى حدود 1050 او 1100 انما لو سيبت العربية معشقة و انت رافع رجلك من على البنزين الكونترول هيقفل الرشاشات و استهلاك البنزين هيبقى صفر لحد ما تدوس بنزين تانى او تمور (و دى تجربة عملية عملها طارق و طالع على السكانر ان زمن فتح الرشاشات فى الحالة دى بيبقى صفر) بالتالى لو عايز توفر بنزين شيل رجلك من على الدواسة و انت معشق

MMamdouh

خالص الشكر والتحيه

يعني دلوقتي لو شلت رجلي من على الدرياش هياكل في تيل وحرارة في الطنابير
ولو دنيتني دايس على الدبرياش هياكل في الديسك والاسطوانة
انا دلوقتي اعمل اية مش عارف ؟؟؟؟؟؟؟؟؟؟؟؟

المشاركة الأصلية كتبت بواسطة mhemoo_sale

يعني دلوقتي لو شلت رجلي من على الدرياش هياكل في تيل وحرارة في الطنابير
ولو دنيتني دايس على الدبرياش هياكل في الديسك والاسطوانة
انا دلوقتي اعمل اية مش عارف ؟؟؟؟؟؟؟؟؟؟؟؟

ماتحطش رجلك على الدبرياج أساسا إلا لما تكون هاتقف أو محتاج تنقل..... حاول لما تكون ماشي وحبيت تهدي شوية سيب دواسة البنزين ودوس سنة فرامل منها تبقى وفرت تيل وطنابير واستهلاك بنزين وبلية دبرياج... ولما العربية تبقى خلاص هتقف مورها علشان ماتبطلش.... بس وانت ممورها شيل رجلك من على الدبرياج...... الموضوع مش اكتر من تعود