ارجز الرد

**mhemoo_sale** · 26-05-2014 11:52 AM

صباح الفل
عندي كام سوال كده
1- انهرده وانا ماشي بالعربية ركنتها اجيب طلبات ورجعت تاني لقيت عداد rpm عند 3 وبنزل 2.5 ويطلع تاني 3 رحت ليمكانيكي قالي البوابة عايزة تتغير الكلام دا صح ولا اية ولو عايزة تتغير هيا باظت من اية
2- ازاي احافظ على الدسك والاسطوانة
3- عداد البنزين عندي مهيس الميكانيكي برضو بيقولي روح للكهرباىي تكلفة تصليحة هتبقى كام ؟

**MMamdouh** · 26-05-2014 12:00 PM

مشكلة الRPM غالبا حساس TPS... حطها على سكانر الاول قبل ما تغير اى حاجة

المحافظة على الدسك و الاسطوانة: مستعملش الدبرياج الا لو محتاج تنقل فقط و متمورش العربية الا لو هتتوقف تماما عن الحركة... و طول ما انت ماشى ابعد رجلك تماما عن دواسة الدبرياج

عدادا البنزين: ممكن تبقى الشريحة بتاعت العوامة عايزة تتنضف

MMamdouh

**svneleven** · 26-05-2014 12:10 PM

ممكن يكون tps اللي هو حساس البوابة مش البوابة نفسها.
عربية حضرتك نوبيرا تقريبا ممكن يكون في حدود 120 أو 130 جنيه.
الديسك و الاسطوانة لو هتقف كتير مور و بلاش تعشق ة تفضل دايس دبرياج. بلاش تقرص كتير علي النقلات بالذات النقلات الصغيرة و طبعا الأمريكاني بلاش.
عداد البنزين التكلفة حسب المشكلة فين يعني العوامة و الا العداد نفسه و الا مجرد اسلاك مش مظبطة و توصيلات عاوزة تتنضف و طبعا ده شغل الكهربائي.

**mhemoo_sale** · 26-05-2014 12:10 PM

ميرسي

**عمرولبيب** · 26-05-2014 12:48 PM

المشاركة الأصلية كتبت بواسطة mmamdouh

المحافظة على الدسك و الاسطوانة: مستعملش الدبرياج الا لو محتاج تنقل فقط و متمورش العربية الا لو هتتوقف تماما عن الحركة... و طول ما انت ماشى ابعد رجلك تماما عن دواسة الدبرياج

mmamdouh

طيب انا لو بحب افصل الدبرياج ديما .. يعنى ابقى على سرعه كبيره وههدى خالص وداخل على مطب .. بأمور وأفضل دايس على الدبرياش وفاصله لغايه المطب وأرجع اخد نقله وامشى عادى .. المهم انى بأحب افصل الدسك عن الاسطوانه ديما فى كل الأحوال .. الكلام دا سليم .؟؟

**mostafa8085** · 26-05-2014 01:27 PM

المشاركة الأصلية كتبت بواسطة عمرولبيب

طيب انا لو بحب افصل الدبرياج ديما .. يعنى ابقى على سرعه كبيره وههدى خالص وداخل على مطب .. بأمور وأفضل دايس على الدبرياش وفاصله لغايه المطب وأرجع اخد نقله وامشى عادى .. المهم انى بأحب افصل الدسك عن الاسطوانه ديما فى كل الأحوال .. الكلام دا سليم .؟؟

طالما بتمور العربية بتفضل دايس على الدبرياج ليه ؟

**abohend** · 26-05-2014 01:52 PM

المشاركة الأصلية كتبت بواسطة mmamdouh

مشكلة الrpm غالبا حساس tps... حطها على سكانر الاول قبل ما تغير اى حاجة

المحافظة على الدسك و الاسطوانة: مستعملش الدبرياج الا لو محتاج تنقل فقط و متمورش العربية الا لو هتتوقف تماما عن الحركة... و طول ما انت ماشى ابعد رجلك تماما عن دواسة الدبرياج

عدادا البنزين: ممكن تبقى الشريحة بتاعت العوامة عايزة تتنضف

mmamdouh

طب أنا بمور و أنا نازل من على كوبري أو لو داخل على مطب من باب الحفاظ على البنزين...في مشكلة؟؟؟؟

**gadoo30** · 26-05-2014 02:08 PM

المشاركة الأصلية كتبت بواسطة عمرولبيب

طيب انا لو بحب افصل الدبرياج ديما .. يعنى ابقى على سرعه كبيره وههدى خالص وداخل على مطب .. بأمور وأفضل دايس على الدبرياش وفاصله لغايه المطب وأرجع اخد نقله وامشى عادى .. المهم انى بأحب افصل الدسك عن الاسطوانه ديما فى كل الأحوال .. الكلام دا سليم .؟؟

تمور اة بس تشيل رجلك من على الدبرياش متفضلش دايس علية

**MMamdouh** · 26-05-2014 03:47 PM

المشاركة الأصلية كتبت بواسطة عمرولبيب

طيب انا لو بحب افصل الدبرياج ديما .. يعنى ابقى على سرعه كبيره وههدى خالص وداخل على مطب .. بأمور وأفضل دايس على الدبرياش وفاصله لغايه المطب وأرجع اخد نقله وامشى عادى .. المهم انى بأحب افصل الدسك عن الاسطوانه ديما فى كل الأحوال .. الكلام دا سليم .؟؟

دا مش صح لسببين:

1- وضع المور بيحمل على الفرامل...لما تشيل رجلك من على البنزين الموتور بيبداء يقلل سرعتة و دة بيقلل من سرعة اندفاع العربية و بالتالى بيساعد فى شغل الفرامل... لما بتمور الفرامل هى اللى بتقوم بالشغل كلة و دة بسرع من عملية استهلاك التيل و بيرفع من حرارة الطنابير

2- لما بتمور و تفضل دايس دبرياج انت كدة بتحمل على بلية الدبرياج لانها بتفضل شغالة طول فترة ما انت دايس على الدبرياج و دة بيقلل من عمرها الافتراضى و بيعجل من تلفها

MMamdouh