قصتى مع الربع جنيه

**محمد ابراهيم 1** · 12-10-2008 03:18 AM

فى الواقع أنا حبيت أحكى لكم عن قصتى مع الربع جنيه لعل الموضوع يكون فيه فائده
الموضوع بإختصار إنى إشتريت عربيتى الجديده بالتقسيط ومن الآخر القسط عبء عليا وبما إنى من المواطنين محدودى الدخل فهدانى ربى لفكره حققت معى نجاح لا بأس به
إيه هى الفكره ؟
الفكره هى أحوش ربع جنيه عن كل كيلو أعمله وطبعا مش بالحرف لكن كل لما أمون ألاقى نفسى عملت مثلا 300 كم أروح حاطط مبلغ 75 جنيه فى حصاله خاصه بالعربيه بس بدفع منهم البنزين وأشيل الباقى
مونت بعد 400 أحط 100 جنيه أدفع البنزين وأشيل الباقى
المهم عن كل كيلو بعمله ربع جنيه
بعد ما عديت 5000 كم لقيت معايا مبلغ 690 جنيه

رحت الصيانه بتاعة ال 5000 دفعت فيها 380 تقريبا
إتبقى معايا 310 جنيه تحفظت عليهم
للأسف بعد صيانه ال 5000 البنزين زاد
فإضطريت إنى أرفع المبلغ إلى 35 قرش عن كل كيلو
وبرضه بمون منهم
المهم إنى دلوقتى وصلت 12000 كم حوشت فيهم 1300 جنيه بعد البنزين وغسيل العربيه كل فتره من المبلغ اللى بحوشه

المهم المرايه إتكسرت إشتريت القزازه والكفر بحوالى 360 جنيه

إتبقى معايا حاليا 1250 جنيه
خلاصة الكلام إن المبلغ اللى بحوشه مبحسش بيه وبصرف منه على العربيه والحمد لله معايا فائض للصيانه والغسيل
حبيت اشرككم معايا فى التجربه دى لعلها تفيد

**mohamed_88sk** · 12-10-2008 03:32 AM

بسم الله ما شاء الله,,
والله فكرة حلوة تصدق ....
ألف شكر أبقى أجربها بإذن الله ...
ربنا يفتح علينا وعليك بإذن الله .

**Noha.M** · 12-10-2008 03:59 AM

فكرة جامدة جدااااا

بس انا ايدي عاملة زى الربع جنيه بس المخروم :(

للاسف لو معايا فلوس مبعرفش اهدي ولا ارتاح غير لما اصرفها و فى تفاهات و لو حتى قدرت اصمد و حوشت مبلغ محترم كدة هلاقي نفسي رحت جبت بيه اى هبل
نفسي ربنا يخلصني من العادة السيئة دى :(
جزاك الله كل خير على النصيحة

**theking2690** · 12-10-2008 09:12 AM

والله فكره حلوه و انا عن نفسى هجربها وشكرا لمشاركة حضرتك التجربه

**د.أحمد سمير** · 12-10-2008 09:21 AM

المشاركة الأصلية كتبت بواسطة محمد ابراهيم 1

إتبقى معايا 310 جنيه تحفظت عليهم

جامدة جداً اتحفظت عليهم دي يا محمد
هذا فيما يخص الشكل
وفي الموضوع ..
تجربة جميلة ومفيدة فعلاً
تقبل خالص مودتي

**Mido80** · 12-10-2008 11:33 AM

فكرة جامدة اوي يا مان بس للاسف سعرالبنزين في مصر يخلي الواحد يستلف ربع جنية مش يحوشة. انا كنت في مصر اجازة بعربيتي (تويوتا برادو 2004 6 سلندر) كنت بمونها كل يومين المرة تتكلف حوالي من 80 الي 120 جنية (بنزين 92 لاني ما كنتش بلاقي ال 95) لما حسيت اني لو اجرت تاكسي كان ارحم لي.

**دموع الثلج** · 12-10-2008 12:16 PM

فكرررررررررررررره هايله بس متنفعش مع البنات خالص
انا معرفش احوش بريزه وعمرى ما اعرف اجمع جنيه فى ايدى

**ahmed_su** · 12-10-2008 12:21 PM

هى فكرة حلوة ...

واعتبر نفسك كأنك بتركب تاكسى

سعر البنزين + 35 قرش لكل كيلو

بس الفلوس على اد البنزين بالعافية ... صعبة شوية

**R A N A** · 12-10-2008 12:31 PM

المشاركة الأصلية كتبت بواسطة دموع الثلج

فكرررررررررررررره هايله بس متنفعش مع البنات خالص
انا معرفش احوش بريزه وعمرى ما اعرف اجمع جنيه فى ايدى

+11111111

انا بردة فيا العادة المنيلة دي ولما بحوش بحوش عشان اشتري بيهم حاجة يعني بحوش عشان اصرف تاني :D
لما كنت بقبض المرتب فلوس كنت بفضل مخلية المرتب كله معايا طول مانا ماشية الاقي حاجة عجبتني اشتريها ادخل مع واحدة صاحبتي عشان تشتري لبس اشتري انا ويمكن هي متشتريش اصلا :D ده غير طبعا ان الاكل كله دليفري وماأدراكم مالدليفري طبعا كل مرتبي رايح ومش بحوش مليم

لحد مابقيت اقبض مرتبي بالفيزا قلت بس كده الموضوع ممكن يقيدني شوية واكسل اروح البنك عشان اجيب الفلوس واقدر احوش لاقيتني برده كل كام يوم اروح البنك اسحب فلوس اواشتري بالفيزا مباشرة :k41:.

بس ابتديت اتغلب علي العادة دي شوية بشوية وحوشت وجبت العربية

بس من ساعتها ومش عارفة احوش تاني :k17: :K14:

بس ان شاء الله اديني بحاول اشد حيلي تاني واحوش عشان اقدر اغير العربية بقي :D
بس فكرة الربع جنيه دي فكرة جامدة جدا بصراحة :k49:

-

الموضوع: قصتى مع الربع جنيه

LinkBack

أدوات الموضوع

عرض

قصتى مع الربع جنيه - انشر الموضوع فى :

-

-

-

-

-

-

-

المواضيع المتشابهه

عندى حراره العربيه تحت الربع و لما اقرص او اكون ناشى فى الزحمه تيجى على الربع و المرو

قصتى مع ظبط الزوايا

لو ما ضحكتش ليك عندى ربع جنيه بس لو ضحكت هات بقى الربع جنيه

قصتى الحزينة

( قصتى مع الإلنترا)

الكلمات الدلالية لهذا الموضوع

المفضلات

المفضلات

ضوابط المشاركة