شفت بالله عليك بنات آخر زمن..عمار يا مصر

**amir** · 12-10-2008 06:38 PM

المشاركة الأصلية كتبت بواسطة birdybirdy

مبدئياً الله ينور عليك يابشمهندس سبعاوي. :k49:

ثانيا بالنسبة للأخ صاحب الموضوع انا قريته اول مرة ومحبتش ارد وقلت افكر شوية واشوف الناس هاتقول ايه وبعدين اقول رأيي لإن العنوان بصراحة واسلوب الكلام عن البنات عموما والمصريات خصوصا ضايقني وعلى فكرة اي بنت مش مصرية كان ممكن تكون بتفكر كده واصعب كمان وبتشترط هيا كمان وتختار رغم ان برده عندهم عنوسة يعني.

اينعم الجواز بقي صعب وصعب جدا الحصول علي عريس جاهز مادياً بس الأصعب منه بقي الحصول على عريس مناسب دينياً وشخصياً ونفسياً وعاطفياً وانا قلت مناسب مش معاناها متفوق في كل شئ لكن يتناسب مع طبيعة البنت مش اكتر عشان الحياة تكمل بينهم.
ومش معني ان الجواز بقي صعب يبقي البنت المفروض انها اول مايجيلها عريس جاهز تقبله بكل طباعه وشروطه وشخصيته وتبوس ايديها وش وضهر وتشكره انه رحمها من العنوسة ومتفكرش لمجرد ان الجواز صعب طب ماهو الطلاق برده أصعب وأمر بمراحل لو لاقدر الله محصلش توافق بينهم بعد الجواز يبقي هي برده بتتبطر او بتدلع وعشان كده اتطلقوا؟ لا طبعا الموضوع في الأول والأخر توافق بين الاتنين سواء في الشخصيات أو في الظروف يعني هي مرفضتش شخصية حضرتك هي فقط رفضت الظروف اللي هاتتحط فيها لما تسيبها شهر كامل تكلم نفسها من غير زوج وكمان من غير شغل والفراغ وحش لأبعد الحدود اللي ممكن الواحد يتخيلها خصوصاً للبنت وللست المتجوزة اشد بكتير ولو مكنش ايمانها من حديد واخلاقها تمام يبقي وقوعها في اي خطأ لاقدر الله شئ وارد.
هي مش متمسكة بالشغل عشان حقوق المرأة والمساواة والشعارات والكلام ده بس هي سألت نفسها هي في الشهر اللي هاتغيبه عنها ده هاتعمل ايه وحتى في الشهر اللي حضرتك هاتنزل فيه متفتكرش انك هاتسخرلها وقتك كله وتقعد معاها ال 24 ساعة × 30 يوم بتوع الشهر وتقضوا الشهر ده حياة رومانسية هادئة حضرتك هايبقي عندك زيارات عائلية ومقابلة اصدقائك ومشاوير لمتطلبات اسرتك وواجبات عائلية واستعداد للسفر وترتيب للشغل للشهر الجاي.
انا مختلفة معاها بس في مواعيد العمل اللي من 7 لحد 7 دي لان فعلا مفيش راجل هايوافق علي ده وانا شخصياً لما اتجوز مش هاتحمل اشتغل من 7 الصبح ل 7 باليل ولو ده هايتعارض مع واجبات بيتي هاشوف شغل بمواعيد اقل او هاسيب الشغل فهي كان عندها مجموعة حلول ومش عارفة ليه مستخدمتهاش يإما كانت تكتفي بالدراسات العليا ودي هاتشغلها وقت بشكل كويس وكانت ممكن بجانبها يبقي في العمل التطوعي ده لو مفيش تعارض يإما كانت تشوف وظيفة بمواعيد مناسبة واجازة يومين في الإسبوع وتحاول تاخد اجازات اضافية من رصيد اجازاتها في الفترة اللي حضرتك هاتكون موجود معاها فيها واهي الحياة ممكن بعد كده تمشي وتوكبوا نفسكوا علي الظروف دي فيما بعد.
بس مش عارفة ليه انتوا قررتوا ان الحل الوحيد هو الإنفصال لو حضرتك رافض موضوع الشغل من اساسه فإسمحلي كان لازم يتقال الكلام ده في اول قعدة اتفاق مابينكوا وقبل الخطوبة كمان عشان كل واحد يبقي عارف هو داخل على ايه وميرجعش يعترض بعد كده وهي برده كانت المفروض انها تحسبها كويس وتفتح الموضوع ده معاك من قبل اي خطوبة عشان تقرروا ان كان الوضع مناسب ولا لأ.
وعلى فكرة جملة (وصل الدلع والاستهتار بالبنات لدرجة انهم عاوزين يتساوي بالرجاله؟؟) دي غريبة اوي هو عشان البنت بتفكر وتختار اللي يناسبها ويناسب عقليتها وظروفها وتقرر توافق او ترفض تبقي بتساوي نفسها بالرحالة او ماشية بسياسة العين بالعين والند بالند؟

انا مؤمنة جدا ان الرجال قوامون على النساء

قال الله تعالى : { الرجال قوامون على النساء بما فضل الله بعضهم على بعض وبما أنفقوا من أموالهم } النساء/34
قال الله تعالى : { وليس الذكر كالأنثى } آل عمران/36

بس ده لايتعارض مع ان من حقها تختار مواصفات شريك حياتها زيها زي الراجل بالضبط وتشترط عليه زي ماهو بيشترط عليها بالضبط طالما مش حرام وطالما ده كان بهدف الوصول لظروف مناسبة للاتنين وبس من غير ماحد يظلم حد :Angel_anim:

في النهاية اتمني ان حضرتك متزعلش من كلامي بس الدنيا مش وردية اوي ومش كل بنت هاتلاقيها فيها كل المواصفات 10/10 ولا كل راجل فيه المواصفات اللي البنت عايزاها 10/10 لازم يبقي في شوية تنازلات من الطرفين ولابد من وجود اوجه اتفاق وتناسب اساسية من البداية.
وزي ماحضرتك قلت ان شاء الله هي أكيد لها قدر من الله مع غيري وأنا ليا قدر من الله مع غيرها في ميعاد معين لا يعلمه إلا الله
وتقبل خالص تحياتي :Angel_anim:

اوافقك الرأي

**WalidAdel** · 12-10-2008 06:49 PM

المشاركة الأصلية كتبت بواسطة birdybirdy

انا مختلفة معاها بس في مواعيد العمل اللي من 7 لحد 7 دي لان فعلا مفيش راجل هايوافق علي ده وانا شخصياً لما اتجوز مش هاتحمل اشتغل من 7 الصبح ل 7 باليل ولو ده هايتعارض مع واجبات بيتي هاشوف شغل بمواعيد اقل او هاسيب الشغل فهي كان عندها مجموعة حلول ومش عارفة ليه مستخدمتهاش يإما كانت تكتفي بالدراسات العليا ودي هاتشغلها وقت بشكل كويس وكانت ممكن بجانبها يبقي في العمل التطوعي ده لو مفيش تعارض يإما كانت تشوف وظيفة بمواعيد مناسبة واجازة يومين في الإسبوع وتحاول تاخد اجازات اضافية من رصيد اجازاتها في الفترة اللي حضرتك هاتكون موجود معاها فيها واهي الحياة ممكن بعد كده تمشي وتوكبوا نفسكوا علي الظروف دي فيما بعد.

تعقيب علي النقطه دي انا عايز اقول حاجه بس ارجوا من صاحب الموضوع يتقبلها بصدر رحب
انجاح اي علاقه زوجيه تقوم علي الحب و الموده و تقديم بعض التناولات من قبل الطرفين لارضاء الطرف الاخر لانجاح هذه العلاقه لكن انا شايف ان هيا لا تقدم علي ابداء اي تنازلات عن وضعها قبل الخطوبه و كانها بتقول "هو كدا انا زي مانا" انها اذا كانت متمسكه بالعلاقه دي كانت تنازلت عن جزء من شغلها لارضائك و الموضوع
يمشي علي كده

و شكراً

**hazem_khidr** · 12-10-2008 08:04 PM

اولا كل شئ نصيب
ثانيا انت لو كنت شاريها فعلا كنت وافقت
هيا بعد الجواز و لما تخلف طفل او اتنين و تلاقي المسئوليه كبرت عليها
كانت حتسيب الشغل او الدراسات العليا و تتفرغ لبيتها بمزاجها!!
انما حضرتك ما صبرتش او ما اخدتش بالك من النقطه دي.
و زي ما الاخوه قالوا مش حتلاقي حد مطابق ليم في كل حاجه
لازم تيجي علي نفسك شويه

**bee** · 12-10-2008 08:30 PM

العضو العزيز
مع احترامي لرأي حضرتك .. المفروض تحترم وجهة نظرها وانها قالت كده من بدري كده أحسن بكتير من انه كان يسبب مشاكل بعد كده لا قدر الله

وردي عليك ببساطة

قال تعالى :
"كُتِبَ عَلَيْكُمُ الْقِتَالُ وَهُوَ كُرْهٌ لَكُمْ وَعَسَى أَنْ تَكْرَهُوا شَيْئًا وَهُوَ خَيْرٌ لَكُمْ وَعَسَى أَنْ تُحِبُّوا شَيْئًا وَهُوَ شَرٌّ لَكُمْ وَاللَّهُ يَعْلَمُ وَأَنْتُمْ لا تَعْلَمُونَ" البقرة الآية 216 صدق الله العظيم

**Abdelrahman** · 12-10-2008 09:47 PM

معاك حق كل شئ بقدر الله ......آسف لو كنت زعلت حد بالموضوع

**meza** · 12-10-2008 10:22 PM

المشاركة الأصلية كتبت بواسطة Abdelrahman

معاك حق كل شئ بقدر الله ......آسف لو كنت زعلت حد بالموضوع

ربنا يوفقك و تلاقى بنت الحلال اللى تسعدك ...

**R A N A** · 12-10-2008 11:30 PM

المشاركة الأصلية كتبت بواسطة Abdelrahman

شكرا لكل من قرأ او رد على الموضوع ...بس أنا حابب اوضح كام نقطه مهمه جدا علشان ماحدش يسئ الطن بيا
1-انا لم اقصد ابدا ان اهين او أتريق على البنت الي كنت مرتبط بيها والعياذ بالله او حتى اي بنت بتفكر بنفس الطريقه ..لانها وأحسبها كذلك عند الله كانت انسانه مؤدبه ومحترمه
2-أنا عارف وتأكد أن لكل واحد قدر مقدر عند الله باليوم والساعه والثانيه...مين هايتجوز مين ...ومين هايعيش مع مين ....بمعنى ان حتى لو كنا متفاهمين وزي العسل وربنا سبحانه وتعالى مش مقدر للعلاقه دي الاستمرار ..برضه ما كنتش هاتم
3-آسف لو كنت جرحت حد بكلمة الفراخ البيضه او غيره ...أنا كنت بس منفعل وأنا بكتب
4-أنا بحترم الرأي الآخر جدا جدا ومش شرط الآخر ده يكون بنت ...أنا بحترم كل الآراء والرغبات
...أنا مش معترض على الشغل وخصوصا إني ارتبط بيها وهي كانت بتشتغل ..دي نقطه مهمه للجميع ..أعتقد اني ما وضحتهاش من الاول...وأنا ماكنتش معترض عليها خالص
أنا الي دايقني وما زال مدايقني الافراط في الطموح ...لازم كانسان امسك العصايه من النص
الافراط في الطموح شئ غير مطلوب وغير محبب وبالعكس ده شئ مدمر
فبقه الموضوع مش موضوع شغل وبس
لا ...ده كمان موضوع ماجستير ودكتوراه ودراسات عليا ....لا ....وكمان أعمال خيريه ...
كل ده كلام جميل ومش عيب ولا غلط
والله العظيم أنا ما عنديش اي اعتراض عليه
بس أنا فين من ده كله
وللعلم برضه هي مش رافضه نظام شغلي ...هي المشكله اناه بدأت تساوم عليه
زي ما وضحت قبل كده ...بتقول زي ما انا بضحي بشهر وانت بعيد عني انت كمان ضحي في شهر اجازتك اني اكون بعيد عنك....
يا جماعه افهموا الكلام كويس قبل ما تردوا وتاخذكم العزة بالإثم
مش عيب ولا حرام كل واحد يفكر من وجهة نظره وباحترام وتفاهم
وأخيرا أحب اوضح الي أنا اتعلمته من الي حصلي ...يمكن الكل يفهمني ..ويستفيد
1-لازم يكون الطموح ليه حد وما يتجاوز حدود العقل والمنطق سواء للراجل او البنت علشان ما ننساش ان الجواز نص الدين وتنتشر العنوسه والفاحشه ونبقى زي اوروبا وامريكا ....العلم والفلوس فوق فوق ...والاخلاق والجواز تحت تحت ...وكل العلاقات مجرد علاقات عابره (زنا والعياذ بالله)
2-ما زلت مصر ان المرأه خلقت للبيت والي بيتكلم على الدين ياريت يقرأ قوله تعالى (وقرن في بيوتكن) ....وقوله تعالى (اتؤمنون ببعض الكتاب وتكفرون ببعض) الدين لا يجزأ
3-أنا كتبت العنوان بالصوره دي بس علشان الفت الانتباه للموضوع ...لأني عارف ومتأكد ان الحالات دي حالات خاصه وفي بنات كتير فعلا مش بيفكروا بالطريقه دي ...ولم اقصد الاهانه مطلقا لا للزمن والعياذ بالله ولا لمصر ولا بنات مصر او غيرهم
4-مازلت مصر اني وغيري بنفس الظروف دي ولله الحمد شباب لقطه في وقت قل فيه الشباب الملتزم دينيا واخلاقيا وماديا ...وبكرر قل مش اتعدم
وإلي بتتكلم على الدين برضه راجعي قول الرسول صلى الله عليه وسلم (إذا جاءكم من ترضون دينه وخلقه فزوجوه..إن لم تكن فتنة في الارض وفساد كبير).
5-التفاهم مطلوب بين الزوجين وان شاء الله وبعيد وبكرر هي اختارت وأنا اخترت ..ايوه مش مقتنع بفكرها ..بس ده فكرها وهي حره ..زي ما أنا كمان حر في فكري ...ربنا يرزقها بالاحسن مني ويرزقني بالاحسن منها ان شاء الله

أخيرا...ياريت نفهم الدين صح .....ياريت لو انا فاهم حاجه غلط الناس توضحلي
انا عمري ما مر عليا آية في القرآن او حديث على حد علمي بيقول للمرأه لازت تشتغلي وتشوفي طموحك وحياتك الخاصه واوعي تخلي الراجل يسيطر عليكي ويقعدك في البيت !!!

مبدئيا انا بشكر حضرتك على توضيح الصورة للناس وتجنب التعميم على البنات وليا تعقيب على بسيط وعلى فكرة انا مش من انصار عمل المرأة واثبات ذاتها حتى لو على حساب بيتها وجوزها والكلام ده خالص ومش هادافع دفاع اعمى عن عمل المرأة عموما ولو حضرتك شفت مشاركتي كويس هاتلاقيني كتبت ان لو الشغل تعارض مع واجبات بيتي يإما هاشوف وظيفة بوقت أقل يإما هاسيب الشغل خالص لاني حسيت من الجملة اللى حضرتك قولتها دي (وإلي بتتكلم على الدين برضه راجعي قول الرسول صلى الله عليه وسلم (إذا جاءكم من ترضون دينه وخلقه فزوجوه..إن لم تكن فتنة في الارض وفساد كبير)) ان حضرتك بتقصدني أنا والله اعلم طبعا واعتقد ان كلامي عن الدين مفيهوش اي تعارض مع الحديث اللي حضرتك ذكرته وانا قلت لازم يكون في تناسب ديني وشخصي ونفسي .... إلخ وذكرت الدين والخلق اول حاجة لانهم هما الأساس يعني انا برده حطيت الحديث في الإعتبار متجاهلتوش تماما ولا نقيت من الدين اللي يوافق رأيي ولا جزأت الدين
اما بالنسبة لـ (وقرن في بيوتكن) فأنا اقتبست فتوى للشيخ يوسف القرضاوي عن تفسير الآية دي وعلاقتها بمشروعية عمل المرأة من عدمه والمصدر موقع اسلام اونلاين على فكرة وده رد الشيخ يوسف القرضاوي:

آية : " وقرن في بيوتكن " :
وقد استدلت الفتوى على منع المرأة من الترشيح للانتخاب بقوله تعالى : (وقرن في بيوتكن ) (الأحزاب : 33) وللرد على ذلك نقول: .

من المعلوم الذي لا ينازع فيه أحد أن الآية خطاب لنساء النبي، كما يدل على ذلك السياق . ونساء النبي لهن أحكام خاصة من حيث مضاعفة العذاب لمن تأتي بفاحشة مبينة، ومضاعفة الأجر لمن تعمل صالحًا، وتحريم نكاحهن بعد رسول الله -صلى الله عليه وسلم- . وقد قال القرآن في نفس السياق : " يا نساء النبي لستن كأحد من النساء ".
ولهذا أجاز المسلمون من غير نكير للمرأة في عصرنا أن تخرج من بيتها للتعلم في المدرسة، ثم في الجامعة، وأن تذهب إلى السوق، وأن تعمل خارج بيتها معلمة وطبيبة وممرضة، وغير ذلك من الأعمال المشروعة، في إطار الشروط والضوابط الشرعية.

على أن الآية الكريمة : " وقرن في بيوتكن " لم تمنع أم المؤمنين، أفقه نساء الأمة، عائشة رضي الله عنها، أن تخرج من بيتها، بل من المدينة المنورة، وأن تسافر إلى البصرة على رأس جيش فيه الكثير من الصحابة، وفيهم اثنان من العشرة المبشرين بالجنة، ومن الستة المرشحين للخلافة، أصحاب الشورى : طلحة والزبير، تطالب بما تعتقد أنه حق وصواب، من المبادرة بالقصاص من قتلة عثمان رضي الله عنه.

وما يقال من أنها ندمت على هذا الخروج، فهذا ليس لأن خروجها كان غير مشروع، بل لأن رأيها في السياسة كان خطأ . وهذا أمر آخر.

على أن بعضهم اتخذ من آية : " وقرن في بيوتكن " حجة عامة على أن المرأة لا يجوز لها أن تخرج من بيتها إلا لضرورة أو حاجة تنزل منزلة الضرورة، حتى التعليم في المدرسة والجامعة توقفوا فيه ! ولا عجب أن حرموا عليها أن تشترك في الانتخابات بالتصويت، بأن تقول " نعم " أو " لا ".

وبهذا يعطل نصف الأمة عن الشهادة في هذا الجانب المهم .؟ وإن شئت التعبير عن الواقع، قلت : تعطل الصالحات من النساء عن أداء هذه الشهادة، على حين تذهب الأخريات لإعطاء أصواتهن للعلمانيين والمعادين لشريعة الإسلام.

وقد نسي هؤلاء أن بقية الآية الكريمة تدل بمفهومها على شرعية الخروج للمرأة من بيتها إذا التزمت الحشمة والأدب ولم تتبرج تبرج الجاهلية الأولى، فالنهي عن التبرج يفيد أن ذلك خارج البيت، فالمرأة في بيتها لا حرج عليها أن تتزين وتتبرج، فالتبرج المنهي عنه إذن لا يكون إلا خارج البيت.

وده لينك الفتوى
http://www.islamonline.net/servlet/S...AAskTheScholar

وفى النهاية تقبل خالص تحياتي برده :Angel_anim:

**Ghamrawy** · 12-10-2008 11:48 PM

المشاركة الأصلية كتبت بواسطة hazem_khidr

هيا بعد الجواز و لما تخلف طفل او اتنين و تلاقي المسئوليه كبرت عليها
كانت حتسيب الشغل او الدراسات العليا و تتفرغ لبيتها بمزاجها!!
انما حضرتك ما صبرتش او ما اخدتش بالك من النقطه دي.

مين اللى قال كده ؟؟
كنت فاكر زيك كده
امال الحضانات اللى بتروح ترمى فيها العيال و هما لسه 3 و 4 شهور اتعملت ليه ؟؟؟ و انت تشتغل و يطلع عينك و تروح ترمى 600 ملطوش على الاقل كل شهر من مرتبك علشان الحضانة !!!!!!!!!!
سيبك من الفلوس 600000 الف طظ فى الفلوس ........الطفل أو الطفلة هما اللى بيتبهدلوا و هما لسه زى ما بيقولوا فى الافلام حتة لحمة حمرة
و كل ده علشان المفاعل النووى اللى الهانم بتروح تفحت و تردم فيه و قال ايه بيقلقوا لما يتأخروا فى الحمل ؟!!! طيب ليه ؟؟ هو انتى اساسا عندك وقت للطفل اللى جاى ؟؟؟و لا هى صورة عايزة تكمليها و خلاص أو تقليد أو استجابة للزن ؟!!!
للاسف معظم ستات اليومين دول عايزين كل حاجة :الجواز من واحد شبه كامل (الكمال لله وحده) و ساكت ما يتكلمش،شغل،أطفال و و و و و..........
خلاص مافيش حد عنده استعداد يتنازل ....و الضحية هما الاطفال