شفت بالله عليك بنات آخر زمن..عمار يا مصر

**ams** · 14-10-2008 12:16 AM

المشاركة الأصلية كتبت بواسطة دموع الثلج

الشباب متشائم ومرعوب والبنات بتدلع ومفيش حد عنده استعداد يشيل مسئوليه تكوين اسره وبيت

فعلا واقع أمر من الصبر

بس ايه رايكو فى الفرق بين "المساواة بين الرجل والمراه" و "العدل بين الرجل والمراه" ؟

**gade2** · 14-10-2008 07:55 PM

لسه النصيب مجاش واسأل ربنا من فضله وهو يكرمك بما تتمناه

**abdelaziz-waleed** · 14-10-2008 09:19 PM

استاذ عبد الرحمن
انا ظروفي نفس ظروف حضرتك بالظبط
انا بشتغل في مجال البترول برة مصر وبشتغل شهر وشهر اجازة
انا متزوج منذ اكتر من خمس سنوات والحمد لله
اولا شغل المرأة مش عيب ولا حرام والبنت من حقها انها تختار حياتها وتختار الراجل اللي يناسبها
علشان التمن بعد كدة بيبقى اكبر بعد الجواز واكبر بعد وجود الاطفال لو فكرت في الانفصال

انا اول ما خطبت كان شرطي الاول عدم العمل بس لأسباب مش كدة وخلاص
اولا انا لا اقبل ابدا ان مراتي تتبهدل في مواصلات كل يوم رايح جاي
ثانيا انا ضد الاختلاط تماما خاصة في العمل او بصراحة دة انا غيور جدا
ثالثا انا مرضاش لزوجتي ان مدير يديها كلمتين او يتنرفز عليها علشان غلطت في حاجة
وكلنا بشر وبنغلط
رابعا انا مؤمن جدا ان كفاية قوي على الست تعب البيت والاولاد حتى لو هية مش واخدة بالها من الموضوع ده قبل الجواز (غسيل تنظيف طبخ لبس تزين رعاية اطفال ........ الخ) اعتقد ان مافيش راجل يستحمل يقوم بشغل البيت زي الست. صدقني مش هاتستحمل

انا بس عندي ميزة اني مش عايش لوحدي. انا عايش في نفس العمارة مع والدي ووالدتي واخواتي يعني تقدر تقول كدة بيت عيلة. وده مخلي زوجتي مبسوطة جدا بالوضع ومش حاسة بملل غير وانا مسافر ممكن تروح تقعد عند اهلها كل اسبوع يومين

دلوقتي ابني دخل المدرسة وزوجتي حامل والحمد لله واقدر اقولك انها حتى مابيبقاش عندها وقت كفاية علشان تكلمني على النت وانا مسافر الله يكون في عونها
وبصراحة لما انا بنزل اجازة بحس اني زودت عليها الشغل كمان بقيت انا والعيال والبيت والحمل

كل اللي انا عاوز اقوله لحضرتك ان مافيش انسان كامل وعمر حضرتك ما هتلاقي انسانة فيها كل المواصفات اللي حضرتك تحبها
كل الموضوع انكم انتو الاتنين بتكملو بعض وكل شيء بيجي بالاقناع مش قفش
يعني كان ممكن حضرتك تقرا هية عاوزة ايه وتحاول تقنعها او تعالج المشكلة بالحكمة

على فكرة موضوع شهر وشهر ده ممتاز جدا في حاجات كتير
اولا بيجدد الحب بين الطرفين يعني حضرتك بتكون راجع عريس جديد
ثانيا بيدوب المشاكل لأن شهر بيكون كفاية اوي ان المشاكل تمحى تماما

المشكلة بس هية البعد عن البيت. انا بحس ان شهر كتير شوية يعني لو يخلوها اسبوعين شغل وشهر اجازة هاتكون كويسة جدا :k5:
معلش عموما لسة نصيبك ماجاش وربنا اكيد شايلك الخير

**Abdelrahman** · 14-10-2008 10:42 PM

الف شكر لكل من تفاعل مع الموضوع
كلامك الصراحه مريح جدا يا استاذ وليد ...يعني اداني أمل في نجاح العلاقه الزوجيه مع العاملين في مجال البترول.........ههههههههه الظاهر كانت لعنه وأنا ماعرفش

المشكله ان بعض من شارك في الموضوع وكان بيتكلم على إني كنت برضه لازم اشوف شغل في مصر..مايعرفش بتوع البترول في مصر بياخده كام...والله يمكن بعض المصالح الحكوميه الموظف فيها بياخد أكتر من مهندس البترول في مصر.....ههههههه

والله العظيم لولا ان كلمة لو غلط ....لكنت غيرت تخصصي تماما لو رجع بيا الزمان
بس ارجع واقولك العائد المادي فعلا مجزي جدا انك تبعد عن بيتك شهر ...وكمان شهر كامل اجازه دي فعلا ميزه قويه جدا جدا مش عيب للاسباب الي انت ذكرتها بالضبط
تخيل لما كنت خاطب رحت ابارك لواحد زميلي دكتور صيدلي ومتجوز من دكتوره صيدلانيه ولقيت عنده اسرتين كل اسره من زوج وزوجه طبعا وبالصدفه كلهم صيادليه ودكاتره ..المهم خطيبتي كانت معايا في الزياره دي....والله العظيم الذي لا إله إلا هو الكل بلا استثناء قد يقر ويحسد على النعمه الي أنا وخطيبتي فيها بسبب موضوع شهر وشهر....وإزاي ان كل واحده فيهم ما بتشوفش جوزها غير ساعه او ساعتين في اليوم قبل النوم وبيكون الراجل خلصان تماما ...طبعا شغل الصبح وبعد الظهر وزحمة المواصلات والتلوث وغيره ...وبعد ده كله موتب لا يغني ولا يسمن من جوع ..ولولا ان الاهل اصلا مرتاحين ماديا من الطرفين لكانت الجوازات دي بقت غم والعياذ بالله...
طبعا انا مش هاعمم الموضوع على كل الي عايشين في مصر ...أكيد في ناس عايشه في مصر ومرتاحه ومبسوطه ماديا ومعنويا ...بس ده مثال بسيط جدا على حاجه شفتها بعيني

والله يوفق الجميع للخير

**Abdelrahman** · 14-10-2008 10:45 PM

شغل المرأه عمره ما كان عيب ...بس ياريت تكون هي من الحكمه والعقل بحيث تقدر توازن ما بينه وبين جوزها وبيتها
للاسف الموضوع ده ما كنش من حظي
يعني كانت نشيطه ما شاء الله زياده عن اللزوم قوي
وطموحه زياده عن اللزوم
ولو صح التعبير علشان ما حدش يزعل مني
كان زياده عن قدرتي للتحمل

الحمد لله رب العالمين

**ENG\AHMED** · 14-10-2008 11:08 PM

المشاركة الأصلية كتبت بواسطة Abdelrahman

الف شكر لكل من تفاعل مع الموضوع
كلامك الصراحه مريح جدا يا استاذ وليد ...يعني اداني أمل في نجاح العلاقه الزوجيه مع العاملين في مجال البترول.........ههههههههه الظاهر كانت لعنه وأنا ماعرفش

المشكله ان بعض من شارك في الموضوع وكان بيتكلم على إني كنت برضه لازم اشوف شغل في مصر..مايعرفش بتوع البترول في مصر بياخده كام...والله يمكن بعض المصالح الحكوميه الموظف فيها بياخد أكتر من مهندس البترول في مصر.....ههههههه

والله العظيم لولا ان كلمة لو غلط ....لكنت غيرت تخصصي تماما لو رجع بيا الزمان
بس ارجع واقولك العائد المادي فعلا مجزي جدا انك تبعد عن بيتك شهر ...وكمان شهر كامل اجازه دي فعلا ميزه قويه جدا جدا مش عيب للاسباب الي انت ذكرتها بالضبط
تخيل لما كنت خاطب رحت ابارك لواحد زميلي دكتور صيدلي ومتجوز من دكتوره صيدلانيه ولقيت عنده اسرتين كل اسره من زوج وزوجه طبعا وبالصدفه كلهم صيادليه ودكاتره ..المهم خطيبتي كانت معايا في الزياره دي....والله العظيم الذي لا إله إلا هو الكل بلا استثناء قد يقر ويحسد على النعمه الي أنا وخطيبتي فيها بسبب موضوع شهر وشهر....وإزاي ان كل واحده فيهم ما بتشوفش جوزها غير ساعه او ساعتين في اليوم قبل النوم وبيكون الراجل خلصان تماما ...طبعا شغل الصبح وبعد الظهر وزحمة المواصلات والتلوث وغيره ...وبعد ده كله موتب لا يغني ولا يسمن من جوع ..ولولا ان الاهل اصلا مرتاحين ماديا من الطرفين لكانت الجوازات دي بقت غم والعياذ بالله...
طبعا انا مش هاعمم الموضوع على كل الي عايشين في مصر ...أكيد في ناس عايشه في مصر ومرتاحه ومبسوطه ماديا ومعنويا ...بس ده مثال بسيط جدا على حاجه شفتها بعيني

والله يوفق الجميع للخير

عموما دى مش اخر الدنيا جايز يبقى كدة فية خير ليكوا انتو الاتنين وجايز نصيبك مع انسانة احسن منها , مش معنى كدة انها مش كويسة بالعكس ممكن انتو الاتنين ممتازين بس مش مناسبين لبعض كل انسان لية ظروفة وتفكيرة فى امور حياتة بالطريقة اللى تناسبة ويمكن لو كملتم مع بعض كان يحصل مشاكل

بالنسبة لموضوع السفر محدش قال تسيب الشغل بس كل واحد بيفكر فى الموضوع دة من وجة نظرة وظروفة وطبيعة شغلة , فى مجالات فعلا مرتباتها ضعيفة فى مصر والعكس برة وفى مجالات كويسة فى مصر وفى ناس بغض النظر عن مرتباتها ومجال شغلهم عايزين يسافرو وخلاص فانت بتشوف انهى انسبلك حسب ظروفك بحيث تعمل توازن فى حياتك متبقاش حاجة على حساب حاجة