| تسجيل عضوية جديدة | استرجاع كلمة المرور ؟
Follow us on Twitter Follow us on Facebook Watch us on YouTube
صفحة 1 من 5 1 2 3 4 5 الأخيرةالأخيرة
النتائج 1 إلى 10 من 46

  1. #1

    الصورة الرمزية Abdelrahman

    رقم العضوية : 2403

    تاريخ التسجيل : 30Sep2007

    المشاركات : 196

    النوع : ذكر

    الاقامة : ard el golf - cairo

    السيارة: mazda

    السيارة[2]: nissan - sunny

    دراجة بخارية: no

    الحالة : Abdelrahman غير متواجد حالياً

    Exclamation شفت بالله عليك بنات آخر زمن..عمار يا مصر - Facebook Twitter whatsapp انشر الموضوع فى :

    hasad">

    السلام عليكم يا أحلى منتدى..
    مش هاطول عليكم علشان ما تزهقوش بس حبيت اقول قصتي باختصار مع الحب والارتباط ...يمكن الناس تتعظ
    أنا مهندس بترول خريج هندسه بترول 2004 وبشتغل في مجال الحفر والتنقيب (شهر في الموقع وشهر أجازه)ولله الحمد من قبل ومن بعد كنت طول عمري بعيد عن موضوع الصداقات مع البنات .أولا بحكم الدراسه والشغل (طبعا ما فيش بنات) ثانيا نوع من الالتزام الاجتماعي والديني (أنا متدين عادي جدا زيي زي اي مصري بصلي وأصوم ...الخ)من سنه قررت الارتباط وكان طبعا لازم يكون جواز صالونات لأني ما أعرفش حد وكانت كل شروطي هي
    1-تكون بنت مسلمه ومؤدبه وطيبه ومن عيله محترمه ومترابطه .............تمام مفيش مشكله دي الناحيه الادبيه والدينيه
    2-تكون طويله ورفيعه وجميلة .................ده من الناحيه الجنسيه....لاني طويل 186 سم وبحب البنت الرفيعه ....أعتقد برضه مش عيب ولا غلط
    المهم واحد من الاصدقاء عرفني على زميلته في الشغل دكتوره صيدلانيه وحصل الحمد لله القبول ثم الخطوبه ثم بدأ التقارب والتعارف يزداد
    المهم بعد 10 شهور خطوبه (طبعا نصهم كنت بره مصر).....اكتشفت هي انها عاوزه واحد يقعد جنبها ....(مش عيب ولا غلط ) بس وكمان عاوزاه بياخد قد كده على قلبه ....وكمان عاوزاه قاعد 24 ساعه بيحب فيها .....وأخيرا
    طلبت مني ان اقبل انها تستمر في الشغل وكمان الدراسات العليا وكمان العمل الخيري التطوعي ...بحجة انه طالما انا مش عاوز اشوف شغل في مصر (قال يعني الشغل بالهبل والمرتبات بالعبيط!!!!) وهي بتستحمل بعدي عنها شهر كامل ...أنا كمان في شهر أجازتي لازم أستحمل بعدها عني!!!(عاوزه تشتغل من 7 الصبح ل 7 بليل والجمعه أجازه ...واديني 2 كيلو بلح زغلول)
    بالله عليكم ده اسمه كلام....
    وصل الدلع والاستهتار بالبنات لدرجة انهم عاوزين يتساوي بالرجاله؟؟انا مش ضد عمل المرأه بس أنا ضد نظرية الند بالند والعين بالعين
    يعني انا قلتلها لو الموضوع موضوع فلوس انا هاديلك 3 اضعاف مرتبك واقعدي في البيت
    أنا بدور على السكينه والراحه النفسيه والجنسيه بالجواز ..أنا ما بدورش على مركز اجتماعي او فلوس ...الحمد لله الاتنين متوفرين عندي وعند اسرتي....سبحان الله
    وبرضه مش عاجب...فعلا لا حول ولا قوة إلا بالله
    المهم اني وبعد محاولات عديده لاقناعها ان الرجال قوامون على النساء ..مش لاني راجل ...ده بحكم الفطره والتكوين البشري ...وبرضه القوامه دي تكون بالحب والتفاهم والعشره الطيبه ...مش أوامر ...إحنا مش في الجيش
    وبرضه ما فيش فايده
    وقررت أخيرا أنا وهي الانفصال
    وقد كان ....وسبحان الله ارتحت جدا جدا ...بس صعبان عليا كل البنات الي كده والي بيعملوا في نفسهم كده ....فعلا بقه قليل جدا جدا الشباب المحترم والقادر على تكاليف الجواز ...دي فعلا حقيقه
    أنا عارف ان ان شاء الله هي أكيد لها قدر من الله مع غيري وأنا ليا قدر من الله مع غيرها في ميعاد معين لا يعلمه إلا الله
    بس أنا حبيت أكتب قصتي لكل بنت بتفكر او قررت انها تضيع منها شخص بيحبها علشان الشغل والطموح ..وبقولها فكري الف مره قبل القرار ده...العمر بيجري ...والفراخ البيضه المتهرمنه بوظت الدنيا
    والله المستعان


  2. #2

    الصورة الرمزية fiatto

    رقم العضوية : 11234

    تاريخ التسجيل : 22May2008

    المشاركات : 208

    النوع : ذكر

    الاقامة : cairo

    السيارة: ???

    السيارة[2]: suzuki

    الحالة : fiatto غير متواجد حالياً

    افتراضي -

    قبل اى شئ أحيى حضرتك على ثباتك الايمانى ماشاء الله الله اكبر على اعتقادك الراسخ بان ما اصابك لم يكن ليخطئك وان ما اخطأك لم يكن ليصيبك , حد غيرك اما كان عملها مناحة او رضخ لشروطها بس احيى موقفك بشدة .
    اعلم ان شريكة حياتك موجودة ومستنياك وقابلاك زى ماانت بكل ظروفك لان الزوجة من ضمن رزقك اللى ربنا كتبهولك وربك مبيظلمش حد وانا مؤمن ان الثواب على قدر المشقة يعنى انت فضلت طول عمرك محافظ وماشى بمبدأ اتقوا الله ما استطتعتم ولما نضجت وحبيت تتجوز برضو مشيت كويس , ان شاء الله ربنا هيبدلك خير منها اللى تفهمك وتقدر ظروفك كويس بالفعل مش بالكلام .
    بس اخى الفاضل انا عوز الفت انتباه حضرتك لحاجة , ان مش بالضرورة تكون البنت خطيبتك وحشة ومش متفهمة هو يمكن انتو متفقتوش , حاجة تانية ان طبيعة البنات كدة عوزة كل حاجة وفى وقت واحد ومن غير اى خسارة وبعد ده هتطلع برضو مقصر بشكل او بآخر , هى مشكلة احساس بالامان عندهم بس فيه واحدة بتسيطر على الموضوع ده شوية وواحدة تانية بتتدلع وواحدة تالتة مش فاهمة هى عوزة ايه اصلا .
    تذكر ما قاله المصطفى عليه الصلاة والسلام خلقن من ضلع اعوج ان انت أقمته كسرته , يعنى اقبل الاعوجاج واللا منطق فى معظم كلامهم واحتويهم بالحسنى , لكن لما تبقى مش قادر تتعامل مع الاعوجاج الزائد ده يبقى اللى انت عملته مظبوط
    وربنا يوفقك ان شاء الله



    My Jet Fiat


  3. #3

    الصورة الرمزية Abdelrahman

    رقم العضوية : 2403

    تاريخ التسجيل : 30Sep2007

    المشاركات : 196

    النوع : ذكر

    الاقامة : ard el golf - cairo

    السيارة: mazda

    السيارة[2]: nissan - sunny

    دراجة بخارية: no

    الحالة : Abdelrahman غير متواجد حالياً

    افتراضي -

    جزاك الله كل الخير على كلامك وذوقك الجميل...والله انا ما بقولش انها وحشه ...انا بس مستغرب طريقة التفكير قوي ....يعني بالامانه أنا لو بنت ومتخرجه من كلية الذره النوويه جامعة بوش الدوليه للغات وجالي واحد ابن حلال في عرف هذا الزمان تقدر تقول عليه ملتزم دينيا وأخلاقيا ونظرا لطبيعة شغله محتاج لما ينزل شهر الاجازه يلاقي الحب والحنان والرعايه في انتظاره وفي المقابل برضه علشان ما تقولش عليا أناني كمان هو (الراجل) يقدم الحب والحنيه والرعايه والاهتمام والمال...بدون أي تفكير هاخلي كل حياتي واهتمامي إزاي أسعد الراجل ده وأحافظ عليه
    مش عارف كده أنا بفكر صح ولا أنا أناني ولا ايه بالضبط...أنا إحترت


  4. #4

    الصورة الرمزية fiatto

    رقم العضوية : 11234

    تاريخ التسجيل : 22May2008

    المشاركات : 208

    النوع : ذكر

    الاقامة : cairo

    السيارة: ???

    السيارة[2]: suzuki

    الحالة : fiatto غير متواجد حالياً

    افتراضي -

    اقتباس المشاركة الأصلية كتبت بواسطة Abdelrahman مشاهدة المشاركة
    مش عارف كده أنا بفكر صح ولا أنا أناني ولا ايه بالضبط...أنا إحترت
    لا يا اخى الفاضل حضرتك بتفكر صح ودى مش انانية اطلاقا بس المشكلة ان مش بالضرورة اللى حضرتك اتربيت عليه ومؤمن بيه ومفترضه فى الآخرين انه بالضرورة يحصل , فيه عامل تربية وبيئة محيطة وثقافة مجتمعية وروح قطيع احيانا كل ده بيخلى كثير من البنات تتجه بأحلامها فى زوج المستقبل نحو منظومة قد لاتتبع المنطق اللى حضرتك بتتكلم بيه , انا معاك ان المفروض يبقى فيه شوية عقل تقدر بيه البنى آدم اللى قدامها وتعرف انها بترفض نعمة ربنا بعتهالها , وانا افترض فى حضرتك الخير من كلامك , لكن تعمل ايه فى عقل مجتمع بحاله بقى يبص على كل حاجة الا الانسان .
    والله ساعات اضحك لما الاقى بنت عوزة كل حاجة برفكت , طيب ما اهو انتى فى حد ذاتك مش برفكت , وصدقنى محدش بيعرف قيمة اللى راح منه غير لما يشوف الأسوأ , وكذلك الواحد مبيعرفش قد ايه ربنا مدخرله الأفضل غير لما يمر بالأسوأ

    استنى شوية وباذن الله ربنا هيوفقك بس انت ركز فى شغلك



    My Jet Fiat


  5. #5

    الصورة الرمزية OlaOsman

    رقم العضوية : 3891

    تاريخ التسجيل : 29Dec2007

    المشاركات : 3,655

    النوع : انثى

    الاقامة : القاهرة

    السيارة: لا يوجد

    السيارة[2]: Daihatsu Sirion GLX 2008

    الحالة : OlaOsman غير متواجد حالياً

    افتراضي -

    كل شئ نصيب و ان شاء الله ربنا يعوضكوا انتوا الاتنين خير و يرزقك كل واحد منكوا اللي يقدر يفهم التاني :)

    طبعا حضرتك متألم من التجربة ده شئ واضح.. 10 شهور خطوبة برضه مش قليلين.. انما برضه بلاش التعميم على كل البنات من تجربة واحدة و بلاش حتة الفراخ المتهرمنة و الكلام اللي مالوش لازمة ده الله يكرمك.. حاول تراعي ان ليك أخوات بنات هنا في المنتدى.


  6. #6

    الصورة الرمزية Mohd_Adel_Amin

    رقم العضوية : 15462

    تاريخ التسجيل : 30Jul2008

    المشاركات : 900

    النوع : ذكر

    الاقامة : Tanta & Alexandria

    السيارة: Renault Megane II 2006

    السيارة[2]: Renault Megane I 1999

    دراجة بخارية: ---

    الحالة : Mohd_Adel_Amin غير متواجد حالياً

    افتراضي -

    طبع انا مقدر ما مريت به وماشاء الله عليك وعلى صبرك ربنا يثبتك ويوفقك....

    بس عندي استفسار بسيط , ما دخل هذا بالزمن وبمصر (المذكورين في العنوان)؟؟

    الاختلافات بين الزوجين موجودة منذ خلق الله الذكر والانثى !!
    وفي عهد الرسول صلى الله عليه وسلم حدث كثير من هذه الإختلافات بين الصحابة الكرام بل بين الرسول الكريم وزوجاته امهاتنا وامهات المؤمنين .
    بس المهم انها اتحلت بطرق سليمة وقرآنية .
    والاختلافات موجودة في كل مكان بس بتختلف طريقة ظهورها على السطح باختلاف الثقافات والعادات ..

    ده كان تعليق بسيط بس حبيت انبهك ليه و ان شاء الله ربنا يوفقك للخير و للوصول لتوأم روحك بإذنه .


  7. #7

    الصورة الرمزية sh21s

    رقم العضوية : 10184

    تاريخ التسجيل : 06May2008

    المشاركات : 117

    النوع : ذكر

    الاقامة : 6 October

    السيارة: Toyota Corolla MMT

    السيارة[2]: Hyundai Accent

    دراجة بخارية: No

    الحالة : sh21s غير متواجد حالياً

    افتراضي -

    الموضوع اللى حصل معاك بيحصل كتير هذه الأيام، و بيضايق الواحد و فعلا بيكون محتاج يفضفض عشان يرتاح نفسيا.
    أنا و مجموعة من زملائى عندنا تجارب مشابه لك، الغريب إننا كلنا مهندسين و من نفس السن و تقريبا نفس التفكير: احترام الآخرين , الالتزام الاجتماعي والديني، اسلوب التعامل مع البنات ... الخ. لما فكرنا فى الجواز كان بعد استقرارنا فى العمل و القدرة على الوفاء بالتزمات الحياة و طبعا حل المعضلة الكبرى و هى مشكلة مسكن الزوجية :smile:.
    كنا فاكرين إن كده الموضوع بقى بيسط و إن شاء الله باقى الأمور ميسرة وبسيطة بس كل واحد اتعرض لتجربة شكل و فى النهاية سمعنا كلمة من الناس اللى أكبر منا هى :
    هو حد لاقى جواز ، إزاى البنات تسيب الشباب أو ترفضهم.

    أحسن حاجة هى اللى أنت نهيب بيه رسالتك:

    ان شاء الله هي أكيد لها قدر من الله مع غيري وأنا ليا قدر من الله مع غيرها في ميعاد معين لا يعلمه إلا الله

    م/ شريف


  8. #8

    الصورة الرمزية Goodle

    رقم العضوية : 3544

    تاريخ التسجيل : 03Dec2007

    المشاركات : 1,882

    النوع : ذكر

    الاقامة : حلوان

    السيارة: لا توجد

    السيارة[2]: Mazda 3

    الحالة : Goodle غير متواجد حالياً

    افتراضي -

    فعلا أحسن حاجة اللي انت نهيت بيه المشاركة
    والتعميم غير مقصود

    Goodle

    محمد عبد الجواد

    موضوع الساعة: الفن المسماري- حقائق تاريخية - متجدد
    http://www.nilemotors.com/Nile/showthread.php?t=29892



    مصر يامّة يا سفينة :)
    شكلك كده.. هاتغرقينا :)


  9. #9

    hh

    الصورة الرمزية hh

    رقم العضوية : 3040

    تاريخ التسجيل : 06Nov2007

    المشاركات : 772

    النوع : انثى

    الاقامة : cairo

    السيارة: toyota corolla 2009

    السيارة[2]: Nissan Sunny 2008

    دراجة بخارية: لا يوجد

    الحالة : hh غير متواجد حالياً

    افتراضي -

    انا طبعا مقدرة احباطك لانهاء الخطوبة بعد الفترة دي كلها. بس بصراحة انا مش شايفة ان خطيبتك عملت حاجة غلط عشان تحط العنوان اللي انت مختاره ده و تقول دلع و استهتار و الكلام ده كله. هي بمنتهى البساطة بعد فترة من الخطوبة اكتشفت مدى صعوبة نوع الحياه اللي انت اخترته لنفسك و مدى الوحدة اللي هي حتحس بيها لما تبعد عنها شهر كامل. ففكرت انها لازم يكون في حاجة تانية بتشغلها زي الشغل. انت ده مانسبش تفكيرك و قررتوا تسيبوا بعض, محدش غلط و حد صح انتوا بس ماتفقتوش. انما بصراحة انا مستغربة انك مفترض ان طالما ان ظروفك المادية متيسرة يبقي هي كدة تبوس ايديها وش و ضهر و الكلام بتاع هي البنات لاقية تتجوز و الكلام العجيب ده. يعنيالرجالة دايما بتشتكي ان البنات تفكيرها مادي و مبتفكرش غير في الفلوس. طيب البنت دي مش هاممها الفلوس بتاعتك بس مفيش تفاهم يبقى بتقطع فيها ليه؟ هو اهم حاجة ان الراجل يكون مبسوط و مستريح و يختار الحياه اللي تناسبه و تتفلق الست بقى مش مهم هي عايزة ايه؟


  10. #10

    الصورة الرمزية Dr.A.Nabil

    رقم العضوية : 10106

    تاريخ التسجيل : 04May2008

    المشاركات : 1,165

    النوع : ذكر

    الاقامة : mohandseen

    السيارة: /punto evo 2011

    السيارة[2]: terios 2008/PUNTO 2003

    دراجة بخارية: لأ

    الحالة : Dr.A.Nabil غير متواجد حالياً

    افتراضي -

    hasad">

    أعذرني يا اخي

    انت بتقول انها كويسه اخلاقيا ودينيا

    وكمان بتقول:

    .اكتشفت هي انها عاوزه واحد يقعد جنبها ....(مش عيب ولا غلط ) بس وكمان عاوزاه بياخد قد كده على قلبه ....وكمان عاوزاه قاعد 24 ساعه بيحب فيها .....وأخيرا
    طلبت مني ان اقبل انها تستمر في الشغل وكمان الدراسات العليا وكمان العمل الخيري التطوعي ...بحجة انه طالما انا مش عاوز اشوف شغل في مصر (قال يعني الشغل بالهبل والمرتبات بالعبيط!!!!) وهي بتستحمل بعدي عنها شهر كامل ...أنا كمان في شهر أجازتي لازم أستحمل بعدها عني!!!(عاوزه تشتغل من 7 الصبح ل 7 بليل والجمعه أجازه ...واديني 2 كيلو بلح زغلول)


    يا سيدي هي بتحبك ومش عايزه تبعد عنك ودي بنت اكيد عمرها مثلا 22 سنه...يعني عندها مشاعر فياضه وعاطفه تكسر الدنيا كلها
    ومش قادره على بعدك
    ياعم حد لاقي بنت تحبه
    خللي بالك ان البنت بيكون عندها فراغ عاطفي.. زيها زي الولد بس العاطفع هندها اقوى..وما صدقت انها تلاقي اللي يحبها وتحبه في الاطار الصحيح....
    وكمان خللي بالك حضرتك عندك مثلا 26 او 27 سنه... يعني راجل اشتغلت وسافرت... يعني من الاخر راجل عملي ... والعاطفه عندك مش زيها خالص



    ثانيا :
    انا معاك ان مواعيد الشغل بتاعتها كتير...
    بس راعي انك بتغيب عنها بالشهر..

    وبعدين مفبش حياه من غير مشاكل
    انا ومراتي كل يوم بنتخانق ويمكن مرتين تلاته في اليوم
    بس مفيش يوم بنبات واحنا زعلانين من بعض

    وخدها كلمه مني

    انت عشان دي اول تجربه ليك...
    البنات كلهم تفكيرهم مش زي تفكيرك
    هاتلاقيهم كلهم بيفكروا بالعاطفه امتر
    وده الاختلاف الجوهري اللي بيننا وبينهم

    وكلهم زي بعض

    [sor2]http://www.syarat4sale.com/wp-content/uploads/2010/12/nissan-tiida-002.jpg[/sor2]



 
صفحة 1 من 5 1 2 3 4 5 الأخيرةالأخيرة

المواضيع المتشابهه

  1. بالله عليك . . هل هذه حملة ضد الإسلام و المسلمين ام ضد جماعات او ما شابه!
    بواسطة ahmedbatoos في المنتدى المنتــــــدى الاجتمــاعى
    مشاركات: 2
    آخر مشاركة: 31-03-2011, 02:31 PM
  2. بالله عليك اقرا الموضوع ونفذه ومش مهم تعلق عليه
    بواسطة abo_anas في المنتدى المنتــــــدى الاجتمــاعى
    مشاركات: 13
    آخر مشاركة: 20-12-2010, 07:16 PM
  3. شاهد الصورة واقراء المقارنة ..... وبطلها بالله عليك
    بواسطة abogogo في المنتدى المنتــــــدى الاجتمــاعى
    مشاركات: 9
    آخر مشاركة: 15-06-2010, 02:05 AM
  4. البنك مش راضى ياخد فلوسة الزيادة وبيقولى انت عملت الى عليك ...عمار يا مصر
    بواسطة eng.octooo في المنتدى المنتــــــدى الاجتمــاعى
    مشاركات: 57
    آخر مشاركة: 13-12-2009, 12:27 PM
  5. مشاركات: 32
    آخر مشاركة: 11-09-2009, 12:01 AM

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

Content Relevant URLs by vBSEO 3.6.0 PL2