استفسار في اوبتر اوتوماتيك

**tayson54** · 12-10-2008 04:15 AM

انا عندي صوت تزييق في دركسيون العربيه بس لما اكون جايب D (لكن لما تكون علي N او P مفيهاش الصوت ده)والف الدركسيون والعربيه واقفه فاسمع صوت تزييق واضح .
وكمان لما بدوس فرامل والعربيه تقف واجي اشيل رجلي من علي الفرامل اسمع صوت تكه معدنيه واضحه جدا .
امبارح رحت التوكيل الهرم وشرحت لواحد اسمه المهندس هاني المشكله وجرب العربيه بنفسه وقالي لي ان صوت التزييق ده نتيجه انتقال زيت الباور من العجله الشمال لليمين حسب ما بوجه الدركسيون وعلي ذلك فان الصوت ده طبيعي
اما المشكله التانيه بتاعه الفرامل قال لي انه ده شئ عادي في العربيات الأوتوماتيك لان تحميل العربيه كله بيكون علي الفرامل وعلشان كده لما بتشيل رجلك فالعربيه بتتحرك علي طول وبيكون ده صوت الفرامل وهي بتسيب من علي الطنابير وده صوت طبيعي في العربيه الأوتوماتيك برده .
هل الكلام ده صحيح يا اخونا وهل فيه حد عنده عربيه اوبترا اوتوماتيك فيها الصوتين دول برده ولا مفيش اي اصوات والراجل ده بيتشغلني ؟
ارجو التعليق علشان اعرف اتصرف بناء علي ارائكم وشكرا

**islamkhidr** · 12-10-2008 04:50 AM

فعلا الكلام دة مظبوط 100 %

أنا معايا دايو لانوس أوتوماتيك

وبرضة نفس الكلام لان هية دية طبيعة الاوتوماتيك خصوصا فى موضوع الفرامل دة الصوت الطبيعى بتاعها ماتقلقش ولازم تبقى عارف إن العربيات الاوتوماتيك إستهلاكها فى تيل الفرامل و البنزين أعلى من المانويل

وربنا يباركلك فيها ويديك خيرها ويكفيك شرها

**Abdo_Eldesokey** · 12-10-2008 06:21 AM

الكلام مظبوط يا باشا ...

الأتوماتيك معايا لازم تسمع التكة دي لما تسيب رجل من على الفرامل بالراحة

**tayson54** · 12-10-2008 08:54 AM

الف شكر يا شباب الله يطمنكم وجزاكم الله كل خير ..
طيب دي نقطه يا ريت اي حد عنده معلومه بتاعه تزييق الدركسيون يفدنا برده هل كلام المهندس سليم بالنسبه ليها عند اي حد عنده اوبترا اوتوماتيك ؟

**dinow** · 12-10-2008 11:28 AM

كلنا كده يا باشا

**tayson54** · 12-10-2008 01:47 PM

انا بس خايف بالنسبه لصوت التزييق اللي في الدركسيون ده يكون علبه الدركسيون بايظه وهو مش واخد باله او بيستعبط الله اعلم فلذلك عايز اعرف ان كان صوت التزييق ده طبيعي وهو غير صوت التزييق اللي بيطلع لما بتكون علبه الدركسيون بايظه فأعمل ايه ؟

ممكن حد من الشباب اللي كان عندهم علبه الدركسيون بايظه في الأوبترا اوتوماتيك وغيرها في التوكيل نتقابل في حته مثلا ويسوق عربيتي ويقولي ان كان الصوت ده زي اللي كان عنده ولا ؟