كنت بدور علي شاليه في الساحل يفضل يكون ارضي و مساحة صغيرة علشان السعر ميكونش عالي و شكرا
عرض للطباعة
كنت بدور علي شاليه في الساحل يفضل يكون ارضي و مساحة صغيرة علشان السعر ميكونش عالي و شكرا
تم ارسال رسالة على الخاص
عندى واحد فى النخيل 6 اكتوبر ومتسجل فى القوات المسلحة مسحتة 40 متر على البحر على طول 01223534022
عندنا فى القرية الى انا شارى فيها فى شاليهات باسعار ممتازه
انت امكانياتك كام
ممكن ادلك على كذاحد عارض شالية للبيع وانت تتفاوض معاه براحتك
و بلتوفيق ومتتسرعش
أسمها قريه الجوهره
بعد مارينا العلمين ب 100 كيلو بلضبط
فيها شاليهات على البحر للبيع و بعيد عن البحر كمان
القريه من اكبر قرى الساحل الشمالى ولكن الخدمات فيها مش قد كدا و لسه قدامها فتره عشان تبقى فيها خدمات ترفيهية زى القرى التانية بس فيها فى الصيف الخدمات الاساسيه زى مطعم و كافيه و سوبر ماركت و قهوه و منطقه لعب للاطفال " مراجيح و الحجات دى"
وحمام سباحة و مسجدين
واهم ميزه فى القريه انها والحمد لله تأمن فيها على اهلك و مفيهاش اى مناظر خارجة او اى حاجه مش كويسه و الامن فيها ممتاز تقدر تيجى اى وقت و تبقى متطمن على حاجتك
القريه كلها نظام فيلات ومفيهاش شاليهات
يعنى غلبا المساحه بتبقى 250-300 متىر ارض و المبنى على مساحه 100-110 متر دور ارضى ودور اول و الباقى باركينج و جنينة
و السعر لو مش على البحر من اول 150 الف ممكن تلاقى بس الغالب كله بيطلب 200 الف لو بعيد عن البحر يعنى 8 نمر من البحر مثلا
وعلى البحر المساحه بتبقى 350 متى و ممكن اكبر و بتبتدى الاسعار من 400 الف تقريبا
الف الف شكر على التفاصيل يا باشمهندس. جزاك الله كل خير
يعني هي قبل مطروح بحوالي 180 كيلو صح؟
طب هل فيه حواليها من برة مطاعم او خدمات الواحد يقدر يستخدمها ولا الواحد مجبر انه يستخدم المطعم بتاع القرية؟
والفلل اللي هي على البحر بتكون على البحر مباشرة ولا مجرد شايفة البحر؟
هى قبل مطروح ب 82 كيلو
الفيلات شايفه البحر لان فى شاطىء اكيد قدامها مش فاهم قصدك بانها على البحر علطول
بره القريه مفيش غير بتاع كاوتش قريب و بتاع فواكه و خضروات و سوبر ماركت
و القريه الى جمبنها فيها مطاعم برده لو عاوز
وبعد القريه ب 10 كيلو في مدينه راس الحكمه فيها مستشفى و بنزينتين و محلات كتييييييييير
الف الف شكر على التوضيح يا باش مهندس.
اعتقد ان فيه طريق جديد بيعملوه من القاهرة للضبعة. هيقرب المسافة كتير جدا
بخصوص الفيلات اللي على البحر. انا اقصد ان الفيلا تكون مواجهة للشاطئ مباشرة مش مجرد انها فقط شايفة البحر بالجانب من خلال الشارع مثلا بحيث ما يكونشي فيه اي حاجة قدامها تماما