انا انصحك بالاتوماتيك عندىسخصيا من سنة 2002 وماشية زى الفل
انا انصحك بالاتوماتيك عندىسخصيا من سنة 2002 وماشية زى الفل
الاوتومتك افضل بس في الالماني وليباني الكوري معتقدش الجودة مختلفة
انا لا اثق في الكوري علي الاطلاق
كان معاي نوبيرا وجبت نيسان مفيش مقارنة علي الاطلاق غير اني العربيتيين بيجرو بنفس السرعة تقريبا ويمكن النوبيرة اسرع من النيسان
المنيوال أفضل
يا اخى الفاضل ده افضليات وفلوس المهم انت من جواك عايز ايه
وانا من رأيى جيب الا انت مقتنع بيه ومتسمعش كلام حد بللذات فى المنيوال او الاتوماتيك لان المنيوال فى مميزات وعيوب والاتوماتيك فى
مميزات وعيوب الا عايز الراحة يفضل الاتوماتيك وإلا عايز متعة
القيادة يفضل المنيوال
الاوتوماتيك اسهل لكن المانيول بيعيش اكتر وصيانته اسهل مشاكله اقل
معرفش اجابتي ح تكون متأخرة ولا لأ
انا معايا نيو اكسنت اتوماتيك
بصراحة عربية تحفة
سحب عالي والأفضل من كده
لو انت سرعتك في حدود 100 او 110 اعتقد ح يكون نفس معدل المانيول في استهلاك الوقود
والافضل وافضل السيارة بها تكنولوجيا cvt للمواتير وشرحها في اللينك ده
http://en.wikipedia.org/wiki/Continu...e_transmission
التكنولوجيا ديه عمرك ما تشعر بعملية الانتقال من غيار لاخر سواء لأعلى او اسفل
العربية اكثر من رائعة انا عملت بيها 2000 كيلو لحد دلوقتي مفيش اي مشكلة بفضل الله لحد دلوقتي
بالنسبة لجزئية ان المانيول افضل بالبلدي (للغرز) في زر over drive قوي جدا في العربية بيخطف العربية في الزنقة
وفي النهاية ...ربنا يوفقك للافضل
الـ Od Or Over Drive
ده زر موجود عند حضرتك في الفتيس
حضرتك في زر كبير وده لتحريك الذراع
وفيه زر تاني صغير تحته هو ده الـ Over Drive
ده الغرض منه بالبلدي بيعمل غيار عكسي يعني العربية على الغيار الرابع تنقل على الثالث وده طبعا بيعطى عزم عالي للعربية وقوة دفع جمدة جدا (انا بتكلم بالنسبة للنيو اكسنت) وهو تقريبا مايشتغلش الا على الغيار الرابع فقط
وده استخدامه طبعا في الحالات الطارئة يعني مش للاستخدام المستمرلأنه طبعا بيحمل على الموتور
المعلومات البسيطة ديه هي اللي انا اعرفها يمكن اكيد حد من الزملاء يكون عنده معلومات اكتر
انا معايا صني اوتوماتك و برضو فيها زرار الاوفر درايف
و الموضوع ببساطه ان العربيات الاواوماتك 4 نقلات اماميه و واحده خلفيه
انما المانيوال 5 سرعات اماميه و واحده خلفيه
لما بتسوق مانيوال و جايب سرعه فوق ال 80 او 90 بتجيب الخامس, ليه علشان تريح الماتور بدل ما يبقي مقرب يدخل في المنطقه الحمراء بتاعت لفات الموتور
طيب لما تعوز سرعه اكبر و انت ماشي علي الخامس و بسرعه بتعمل ايه؟
بتجيب الرابع علشان العربيه تجري معاك بسرعه (بس تاخد بالك بردو انك متدخلش في المنطقه الحمراء)
و كذلك الموضوع في النقله الرابعه ممكن تسقط نقله و تجيب التالت
الموضوع ده في الاوتوماتك بيتعمل ببساطه شديده انك تدوس بنزين جامد
العربيه بتسقط نقله لوحدها و تجري زي ما انت عايز لغايه قرب المنطقه الحمراء و بعدين تجيب النقله الاعلي
طيب ده الكيك داون امال الاوفر درايف بيعمل ايه؟
الاوفر درايف في الاوتوماتك هو ببساطه السماح للعربيه باستخدام النقله الرابعه الاماميه
و لما بنطفي الاوفر درايف (لما بندوس علي الزرار بتاعه) بنلغي النقله الرابعه و بنخلي العربيه تنقل علي تلات نقلات اماميه فقط
و في المجمل العربيه بتحرق علي كافه النقلات التلاته و بتديك تسارع رائع و كأنك راكب عربيه مانيوال
لكن لو وصلت لسرعه 100 كيلو فما فوق الار بي ام هيعلي قوي و يفضل كده و العربيه سحبها يثبت و سرعتها متعلاش
ساعتها لو عايز تريح الماتور تبقي تدوس زرار الاوفر درايف تاني و بكده تسمح ليه انه يجيب السرعه الرابعه
اتمني اني اكون وصلت المعلومه