رفرف خلفى شمال لانوس1

**magdy gaafar** · 28-05-2014 01:51 PM

شكرا ليكم ياجماعة كتر خيركم
والله موضوع الصور دة ماكنت عاوز اعرضها
بس ماشى. هعرض لكم صور وضع التصادم
وبعض الشغل اللى بيتعمل حاليا وباذن الله هعرضها بعد الانتهاء
بالنسبة للأخ JAMاللى شاف الحادثة. طيب كنت بص ياعم :)
شكلنا كده لازم نحط استيكر كبييييييييييير يقول احنا فى نايل موتورز مع بعض
عشان لو فيه حاجة لاقدر الله نقف مع بعض
عموما الصور
1 من اثر التصادم القوى من الخلف انا صدمت الباص اللى قدامى وتسبب فى كسر الفانوس يمين وعديت الرصيف كما فى الصورة

ودى صورة السيارة الراما والسواق مركب اسياخ حديد للهواية بتاعة الردياتير عندة اخترقت الزجاج الخلفى عندى وراكب فوق العربية كما ترون

والصورة دى بتوضح الرفرف الشمال وحالتة بعد الحادث

والصورة دى لأخر وضع للحادث قبل حضور المرور والشرطة ( منهم لله )

تصادم قوى من الخلف ادى الى تصادم بالباص اللى امامى وتخطيت الرصيف الفاصل والاغرب فى كل دة ان صاحب الراما جاى من على شمالى كان ماشى عكس اتجاه الى القاهرة وتخطى الرصيف
من العكس الى اليمين لان الطريق العكسى اعلى من اللى كنت ماشى فيه لانه تم تجديدة من شهور
فأصبح الطريق أتجاه اعلى من اتجاه!
صورة مهمة جدا
للسواق وهى بيسرق شنطة الاسعاف وفيها بعض المحتويات الخاصة بى ( اوراق عمل ورسوم هندسية هامة )

ـــــــــــــــــــــــــ ــــــ
ودى صورتين للشغل اللى بيتم حالياً

ولسه السمكرى شغال وربنا يسهل ويكفيكم شر الحوادث

**popahly** · 28-05-2014 02:21 PM

لا حول ولا قوة الا بالله... الحمد لله انك بخير ودا اهم شئ.... وحسبى الله ونعم الوكيل فى اللى وصلنا ووصل البلد للحالة اللى بقينا فيها من إهمال وتسيب وفوضى...

ربنا يعوض عليك وفداك وفدا أى فرد من أسرتك.. قدر الله وما شاء فعل