ما هى افضل سيارة اعتمادية من حيث قلة الاعطال والسعر وتحمل اصعب الطرق وطول عمر المحرك شارك برأيك
عرض للطباعة
ما هى افضل سيارة اعتمادية من حيث قلة الاعطال والسعر وتحمل اصعب الطرق وطول عمر المحرك شارك برأيك
اعتمادية يعني ياباني و ياباني يعني تويوتا و تويوتا يعني كورولا
و ياسلام لو تقفيل ياباني
الاعتمادية معناها باختصار إنك تسوق عربيتك دون أعطال..
وبتتقاس إما بالفترة الزمنية بين عطلين متتاليين.. أو بعدد الأعطال خلال مدة معينة (سنة أو سنتين أو 5 سنوات مثلا)
طبعا... أعلى اعتمادية حاليا مسجلة إجمالا للسيارات اليابانية.. وتحديدا.. تويوتا وهوندا
يأتي بعدها السيارات الألمانية الفارهة.. وتحديدا بورش ومرسيدس
ويأتي بعد ذلك الكورية.. وتحديدا هيونداي وكيا
وفي ذيل القائمة... تتربع السيارات الفرنسية على عرش مؤخرة الاعتمادية للسيارات في العالم
...
تويوتا و لانسر ونيسان وطبعا فولكس فاجن
تقرير jd power الخاص بعام 2014 وضع ماركة ليكزس كرقم 1 ثم بعدها بفرق كبير مرسيدس بنز ( وعموما هاتان الماركتان غاليتان في السعر وخارج الحسابات ) أما هوندا ففي المركز السادس، وتويوتا ففي المركز الثامن.
حضرتك ما كملتش باقي القايمة...
بورشه في المركز التاسع. . وBMW في المركز ال11. .. وجاجوار في المركز ال14
وأودي في المركز ال19 .. وفولزفاجن في المركز ال24
وآدي القائمة بالتفصيل
https://pictures.dealer.com/j/jdpowe...81ccf78b2x.jpg
12234
كيا اعتمادية عن فولفو وفولكس فاجن وميتسوبيشى و دودج ومينى !!!!
و الفرنسية ذيل القائمة !!!
بص يا باشا السواقين عندنا فى مصر بصمو بالعشرة للمرسيدس والبيجو
و زائد الاعتمادية فى حاجة مهمة جدا اسمها المتانة
وحتى تقرير الاعتمادية اللى المحلة عاملاه مش موضح نوعية الاعطال ، يعنى عربية فيها مشكلة متكررة فى خرطوم مش زى مشكلة فى موتور
فيه حاجة "معادلة السعر مقابل القيمة"
تخيل حضرتك بتدفع كام في عربية أوروبية المفروض تكون شغالة كويس، وفي المقابل بتدفع كام في عربية كوري المفروض تكون أعطالها أكتر
وفي الآخر تلاقي أعطال الاتنين زي بعض...
كده أكيد هروح على العربية اللي أضمن توصلني لمشواري بدون تعب أعصاب... ولو تعب الأعصاب واحد... ليه أدفع أكتر ما دام ممكن أدفع أقل
على العموم... قرار شراء العربية مش مبني على الاعتمادية بس
العربيات الأوروبية متفوقة في حاجات تانية... وفي مؤسسة J.D. Power بيقيموا الحاجات دي في تقرير منفصل إسمه APEAL..
ودي اختصار لجملة Automotive Performance, Execution And Layout يعني أداء وتنفيذ وتصميم السيارات
التقييم اللي بيعمله ناس عاديين وبيدوا النتايج للمؤسسة..
وبيشمل 5 حاجات:
الأداء
الراحة
الكماليات ولوحة الأجهزة (التابلوه)
الشكل والاستايل
التقييم العام للأداء والتصميم
وفعليا... الحاجات دي هي اللي بتخلي الناس تدفع أكتر وتشتري... لإنك بتغري الحواس الإنسانية
على فكرة... هتلاقي إن العربيات اليابانية متأخرة جدا في التصنيف ده
هنا بيبان مين اللي بيفكر بعقله أكتر ومين اللي بيفكر بقلبه أكتر!!
...
الأوروبي لا يعلى عليه وخصوصا الألماني، وخصوصا الخصوصا المرسيدس.. والله أعلم.