الموضوع دة حصل من فترة قريبة جداً

كنت في زيارة لأحد الاصدقاء لي في محافظة تانية وركنت العربية في مكان ما أمام النادي عندهم

خرجت من النادي أنا وصديقي علشان نركب العربيه لقيته بيقوللي فين المساحه ؟!

مساحة؟ مساحة مين؟! ، وأنا ببوص على القزاز قدام

قالي لأ ورى

بصيت على القزاز ورى مالقيتش المساحه مكانها ، مخلوعة كاملةً قلت واحد سرقها يبيعها

لقيت صاحبي فطسان على نفسه من الضحك وبيقوللي بص تحت العربيه كده!!

لقيت واحد مفكك المساحة حته حته وراصص القطع بتاعتها بشكل ديكوري تحت الاكصدام الخلفي !!

وإيه كمان كسر القاعده بتاعتها وحاططهالي على الارض نصين ومكسر المكونات الداخليه لها من سست وشدادات وراصصهالي بردو !!!

الله هو في إيه ؟

أنا محدش عارفني هنا أساساً وأساساً الحمد لله مليش أعداء

لأ وكمان واضح أثار محاولة إنه يخلع الموتور إلي تحت القزاز لأنه مش مظبوط في مكانه !!!

طيب ليييييييه !

إيه الهدف ؟!

استفاد إيه لما عمل كده ؟!

لو كان سرقها كنت هديله أي عذر ولو وهمي حقول محتاج تمنها مثلاً

انما ده كان بيكسر حاجة في عربية واحد ميعرفوش

مزاج ، غل ، رخامة أو يمكن تصميمها معجبوش قال احتج عليه ؟!!
مش لاقي تفسير منطقي لما حدث والله

وأطالب بتمن المساحه كاملةً من أهل المحافظة التانية دي وللعلم المساحه الخلفية في الليون غالية جداً على ما سمعت .


Thanks
Eng.Sherif Shaker