الموضوع: الاخوه اللى حجزوا الاسبورتاج ٢٠١٥ والاخوه اللى استلموها

السلام عليكم
الاخوه اللى حجزوا سبورتاج ٢٠١٥
ياريت تفاصيل الحجز ازاى .. اروح فين واعمل ايه ... ؟
هلى فى حجز فى اماكن مختلفه بعضهم بيسلم قبل التانى ؟؟
انا ان شاء الله هاحجز الهاى لاين .. هلى فى اختلاف فى مواعيد التسليم بالنسبه للفئات ؟ يعنى هل فى فئه معينه عليها اقبال زياده عن باقى الفئات وده بياخر الاستلام؟؟

الاخوه اللى استلموا بالفعل سبورتاج ٢٠١٥
ايه فرقها عن ٢٠١٤ ؟؟ انطباعك العام عن العربيه
ايه تفاصيل الاستلام ؟؟ كنت بتابع مع مين ؟؟ انت اللى اتصلت بيهم ولا لما العربيه جت كلموك تروح تستلم
وتفاصيل الاستلام ايه بالظبط

بص يا فندم الفروق كالتالى:‏
العربية بقت بتنزل 3 فئات مش 4 زى 2014 واللى بقت بتنزل 4 فئات دلوقتى هى ‏ix 35‎‏ نيجى بقى للسبورتاج‏

الفئة الاولى 2015 ‏

بتزيد عن 2014 اضاءة داخلية حمراء عبارة عن لمبتين واحدة فى حامل الاكواب والثانية تحت التكييف ‏
اما التغييرات فهى: 1- وحدة ريموت جديدة (يعنى مفتاح ريموت شكلة جديد زى بتاع السيراتو الجديدة والريو)‏
‏2- تغيير شكل الجنط بقى خماسى كدة شبة الجنط ال 17 بتاع موديل 2014‏
3- الشبكة اتغيرت بقت الفراغات فيها اوسع للتهوية وبقت نيكل هى والحتيتين اللى تحت الفانوس الامامى بقوا نيكل ‏بردوا زى موديل 2014‏
واللى يبص على موديل 2014 الفئة الاولى هيلاقى الشبكة والحتيتين دول لونهم فضى مش نيكل‏
‏4- ودة الاهم الفانوس الخلفى بقى اضاءة كاملة مش زى 2014 الحتة الشمال فقط وهو قريب من سيراتو الهاى لاين ‏بس مش ليد ودة بينزل فى كل الفئات
‏5- خط فضى بيمر تحت زجاج البابين (فضى مش نيكل)‏
6- العفشة بقت انعم بجد عن 2014 كمان
كل دة طبعا بجانب الكماليات اللى كانت بتنزل فى 2014 من مثبت سرعة - بلوتوث - مالتى - فامية خلفى وفى ‏الابواب الخلفية ولازم يثبت على الرخصة - سينسور بارك خلفى - سبويلر بستوب - والباقى انتوا عارفينة بفى
وهى دى الفئة اللى جبتها والحمد لله

أما الفئة الثانية 2015‏


التغييرات فهى: 1- نفس شكل الريموت للفئة السابقة ‏
‏2- تغيير شكل الجنط وبينزل فى الهاى لاين ايضا
‏3- الشبكة اتغيرت بقت زى خلية النحل - وبتنزل فى الهاى لاين كمان
والباقى بتاع 2014 زى الاكر النيكل والطارة والفتيس الجلد والليدات الامامى .....‏

أما الفئة الثالثة (الهاى لاين) زادت‏
1- سينور امامى
‏2- كاسيت تاتش بكاميرا
‏3- سماعة انفينيتى فى الشنطة ما عرفش دة ساوند ولا صب مش عارف بصراحة‏
‏4- العدادات اتغير شكلها بشاشة فى النص
‏

يارب ما كونش نسيت حاجة واكون قدرت افيد‏

اما بخصوص الاختيار فانا اخترت الفئة الاولى لانى شفت ان كمالياتها كافية على الاقل بالنسبالى
كمان ممكن تكون فى ناس بتقرا الكلام دة ومحتارة بين الاسبورتاج وix 35 ‎‏ والقشقاى و ‏xv‏ ‏
فى حد من الاخوة الاعضاء قال فى موضوع مثبت قبل كدة اسباب تفضيلة للسبورتاج عن مثيلاتها ما اعتقدش حد ‏محتار بعد ما شاف الموضوع انة يحتار بعد كدة ‏
طبعا مش كدة بس كلام استاذ محمد بدر وكتير من الاعضاء المحترمين اللى اشتروا العربية واللى عملوا تقارير ‏عليها احب اشكرهم كلهم واحد واحد واحب اقولهم ان بسبب كلامهم عن العربية وتقاريرهم الممتازة اقبلت على شراء ‏السيارة والحمد لله العربية بسم الله ماشاء الله طلعت زى ما قالوا واكتر حبتين
يارب ماكونش طولت عليكم وتقبلوا مرورى