سوال لاهل الخبره ....... مياه قربه المساحات فضيت وعايز احظ حاجه ولا تبوظ الموتور بتاع القربه ولا تبوظ الزجاج مع الوقت ارجو الافاده
عرض للطباعة
سوال لاهل الخبره ....... مياه قربه المساحات فضيت وعايز احظ حاجه ولا تبوظ الموتور بتاع القربه ولا تبوظ الزجاج مع الوقت ارجو الافاده
ملمع الزجاج وفيه منه أنواع كتير وفيه نوع عليه عرض العبوتين ب 6.5 جنيه بس مش فاكر إسمه وموجد فى محلات بيع المنظفات وفيه حاجات تانية أغلى زى وينديكس بس ملهاش لازمة التكلفة العالية أى نوع حيقضى الغرض
http://nileup.com/up/uploads/nilemotors_14012024471.jpg
بسم الله الرحمن الرحيم
الأخ الفاضل السائل عن مياه قربة المساحات
المشكله كلها تتلخص فى . . الرواسب و التكوينات
و الأمر ليس له أى علاقه بالسائل أو المياه.
و إليك التفاصيل:
1 - إذا كان فى المياه رواسب مثل العكاره مثلآ فإن هذه العكاره تكون تجمعات راسبه تسبب إنسدادات الأمرالذى قد يؤدى لتلف مواتير ضخ المياه
2 - بعض الملوثات و التى قد تكون موجوده فى المياه بمرور الوقت (شهور دون إستخدام مياه المساحات) تسبب تكوينات أو تجمعات تشبه الطحالب. هى أيضآ تسبب إنسدادات
الحل الوسط هى إستخدام مياه معدنيه وهو حل ليس مكلف إطلاقآ لأننا فى بلادنا لا نستخدم مياه المساحات يوميآ. و إن شئت فيمكنك إضافة عليه شىء من منظف زجاج و أفضل نوع إستعملته على الإطلاق هو منظف زجاج كارفور
أما إن كنت ممن الذين لا يلقون بالآ للتكلفه قيمكنك إستخدام منظف زجاج كارفور بدون التخفيف بالمياه المعدنيه
السلام عليكم و رحمة الله و بركاته
انا باستخدم مياه عاديه من الفلتر بدون اي اضافات بس المهم تستعمل رشارات المياه كل فتره علشان المياه تتغير باستمرار
بس فعلا فكره اضافه ملمع زجاج ممكن تكون افضل هاجرب اكيد اللموضوع ده
يا جماعة أنا جايب عربية كيا سبورتاج جديدة لسة زيرو والمية اللي في القربة عليها كحول بدجة كبيرة جدا إن لم تكن كلها عبارة عن كحول وسريع التطاير من على الزجاج حد عنده تفسير وهل ده نوع مياه جديد
المشكلة انه بيتفاعل مع التراب و يعمل رغاوى على الزجاج و الواحد ماشى
طيب ممكن نستخدم المياه المقطرة افضل ولا المياه المعدنية
انا دأئما بحط على كل لتر مياه معدنيه غطه ازازة ويندكس و ده من الاخر
من غير رخاوى و من غير بقع و اقتصادى جدا
المياه من غير حاجه لا تكفى
مياه عادية وسائل تنظيف زى الجلانس او ما يشبهه بنسبة مش كبيرة عشان الرغاوى
مياه لوحدها لا تكفى
جلانس لوحده مبالغه
مياه معدنية ( فى رأيى مبالغة ) بالاضافة ان المعدنية بيبقى فيها أملاح .. لو عايز بقى يبقى مقطره