عرض للطباعة
بسم الله الرحمن الرحيم
زملائي الاعزاء بقسم تويوتا ..... السلام عليكم
كنت بقلب في ورق الاستلام بتاع عربيتي , ولقيت ورقة المبايعة من المعرض اللي اشتريت منه طبعا انا كنت شاري عربيتي الفئة التانية ايام الرخص ب ۱۸٥الف .
اللي لفت نظري هو السعر الاساسي للعربية قبل الضرائب و و رسوم التنمية
السعر الاساسي قبل الضرائب ۱٥٦,٧۰۱ جنيه فقط
اجمالي ضريبة المبيعات ۲۳,٥۰٥ جنيه
اجمالي رسوم التنمية ٤,٧۹۳ جنيه
يعني من الاخر احنا دافعين زيادة ۲۸,۳۰۰ جنيه !!!
اترك لكم التعليق
اعذرني يا سيدي و لكن هذه قلة أدب و قمة استغلال للمشتري الغلبان اللي زينا
بص يا باشا انت بتاخد بنزين مدعم 300 في ال100 فدا حق الدولة عليك و انت لو مش عايز تدفع جمرك و ضرايب و تاخد البنزين بتمنه اللي هو 6.5 جم اللتر دي حاجة تانية..
و كله عشان خاطر مصر هههههه
بناء على هذه الأرقام السابقة:
1. ضريبة المبيعات = 15% وهذه هي النسبة المتعارف عليها
2. رسوم التنمية = 3% وهذا أيضا كلام مقبول
3. المشكلة الكبرى في الجمرك الذي يوازي 40% من سعر السيارة الأصلي
4. في المحصلة وفي النهاية: نحن تتم سرقتنا بالصريح ويا ليتنا نأخذ خدمات جيدة، في معاملة حسنة أو طرق جيدة أو كماليات ووسائل أمان أو حتى بنزين نظيف، بما يوازي رُبع الزيادة التي ندفعها في أسعار السيارات
كلامك صح و مضبوط 100 فى المية.اقتباس:
المشاركة الأصلية كتبت بواسطة darkdefender
و لكنهم هيرفعوا الدعم خلاص أهو على مدار 5 سنين. و السعر هيزيد فعلا. معنى كده ان كمان 5 سنين هتبقى بتدفع فى أقل مشوار جوة البلد 10 جنيه بنزين و مافيش مواصلات عامة. أنا عن نفسى رأيي يرفعوا الدعم الفظيع ده و ياخدوا الفلوس دى يعملوا قطاع مواصلات عن حق مش البهدلة اللى عندنا ده. و لما يبقى مصطفى النحاس مثلا بيتقسم عشان يعملوا حارات مخصوصة للملاكى, على عكس اللى بيتعمل فى الدول اللى فيها ناس بتفكر ماسكاها و تبقى حارات مخصوصة للمواصلات العامة يبقى من الواضح أنهم مش ناويين يعملوا أى حاجة فى قطاع المواصلات.
و بالتالى تبقى مسألة ضريبة المبيعات دى حاجة متخلفة أصلا و المفروض تتلغى لأن مالهاش أى لازمة طالما هيشتالوا الدعم و هنفضل بنفس المواصلات العامة اللى عندنا.
ده نصب عينى عينك وياريت فى مقابل حتى
اللى بيتعمل فى مصطفى النحاس ده كارثه و اللى فكر فيه و نفذه المفروض يتعدم فى ميدان عاماقتباس:
المشاركة الأصلية كتبت بواسطة ahmed_elshafey
عمار يا مصر
نورت مصر
ولسة جمارك 65% اصلا الرقم اقل من 156 الف بكتير سعر العربية الاصلى
فكرتنى بورق عربيتى الـ 301 كانت العربية تقريبا في الفاتورة بـ 80 الف بس قبل الضمان والضرايب !
"انا مش قادر اديك "
ويجعله عامر
علي فكرة الضرائب المماثلة في اوروبا 19% لكن مفيش جمارك تقريباً
حضرتك احنا هنا بدفع ضعف تمن اي سيارة بيكون النصف الثمن الحقيقي والنصف الثاني جمارك وضرائب وربح خرافي للوكيل
تحياتي
افقر بلد و بيتياع فيها اعلي سعر للعربيات !
سبحان الله
سعرها المتوسط في بلدها 19000 دولار يعني حوالي 142000 مصري.
انا بصراحه مش فاهم اية الى بيحصل الشارع بقي زباله وكله حارات وبعد ما شالوا سكه الترام القديم بيقولوا انهم هيعملوا ترام فائق السرعه فين وازاى مش عارف اتخيل المنظراقتباس:
المشاركة الأصلية كتبت بواسطة yasser100
استاذ محمد أساساً السعر من غير ضرائب مبالغ فيها
وبتتباع أغلا من الكامري 2014 2.5 بالدول الثانية
اكيد طبعا احنا في مصر و كل العربيات للاسف بالشكل دهاقتباس:
المشاركة الأصلية كتبت بواسطة jdmm
يا جماعة انا مش شايف ايه سبب التعجب.. ما كل العربيات و جميع المركات نفس الكلام و الدنيا مشية كدا بقلها 40 سنة و رد الحكومة ديما بيكون الدعم.... و خلي بلكم لو العربيات رخصت عن كدا و البنزين مغلاش الزحام هيكون فوق الوصف و كل بيت هيكون عنده عريتنين تلاته..... دي مشاكل متراكمة هتيجي تحل من نحية هتبوظ حاجة من النحية التانية و انا الصراحة شايف ان التعرفوا احسن من المتعرفوش مش عايز الصراحة يتجرب فيا فالفترة دي خلي الدنيا تعدي علي خير..
:36_1_1[1]:ما احنا بنقول يشتالوا الجمارك الفظيعة دي و يرفعوا الضرايب خالص و يشتالوا الدعم عن البنزين. مافيش دولة محترمة في العالم بتدعم الاستهلاك الفردي لسلعة غير أساسية زى البنزين.اقتباس:
المشاركة الأصلية كتبت بواسطة darkdefender
و عادي لما يبقى السعر 6 جنيه و نص، و على فكرة كده برضه بكون رخيص بالنسبة للي برا ( ما عدا معظم دول الخليج ). و ياخدوا الفلوس بتاعة الدعم فى ميزانية قطاع المواصلات و يجيبولنا الأتوبيس الدورين و يعملوله حارات مخصصة. نبقى زى الدول النظيفة و لو الدعم اتشال أصلا الزحمة هتروح خالص ﻷن ماحدش هيركب العربية ب 6 او 7 جنيه في الليتر الا للمشاوير الشديدة. و هنحافظ على البيئة على الأقل و نريح دماغنا من منظر الشارع المصري اللى يصعب على الكافر ده. و بدل ما تنزل المشوار نص ساعة بدري تنزل براحتك و متمزج.
أحلام يقظة يا جماعة بعيد عنكم :36_1_1[1]:
لا انا عايزك تجيب من الاول ياباشا من قبل الجمارك
انا شارى الكروز بسعر 150 الف سعرها قبل اى حاجه من الجمارو والضرايب والرسوم 88 الف تقريبا
ومفيش معنديش مش قادر اديك وحبرفع الدم ولنا الله
لا ياعم انا عايز العربيه بسعرها بدون جمارك وحدفع البنزين بالسعر الحر كده تمام يابلد ... فرق التمن يمشونى بالسعر الحر الى اخر عمرى ولسه حيكون ليا فلوس كمان
طب ما تيجي نحسبها؟اقتباس:
المشاركة الأصلية كتبت بواسطة hossam_elwani
أولا أنا هاخد ال 88 ألف مسلم بيه و ان كنت أشك أن الفرق للدرجة ديه.
المهم الحكومة واخدة منك 62000 جنيه في الجمارك تعالي نشوف يعيشوك بنزين أد ايه.
هنفترض اللتر بيمش 10 كم و أنت بتمشي 2000 كم في الشهر يعني محتاج 200 لتر كل شهر و أن السعر 1.85 و من غير دعم 6.5.
62000/(6.5- 1.85)=13333. يعني فلوس الجمارك بتخلي الحكومة تدعملي 13333 لتر.
13333/ لتر 200 = 66.6 شهر يعني حوالي 5 سنين و نص.
باختصار الحكومة لو ما خدتش 62000 جمارك من حضرتك يبقي أنت هتصرقهم علي البنزين غير المدعوم لمدة 6 سنين و نص و بعد كده تبتدي تدفع زيادة.
طبعا لو عملنا الحسبة ديه علي موتور كبير الجمارك أعلي ممكن تلاقي الجمرك يمشيه حوالي 30 سنة أو أكتر.
بافتراض أن الحسبة دقيقة, 6 سنين و نص دى ممتازة أوى.اقتباس:
المشاركة الأصلية كتبت بواسطة svneleven
واحنا فاهمين كويس ان دعم = جمارك. بنقول بقى احنا مش عايزين لا جمارك ولا دعم. العالم كله بيدفع فى البنزين أكتر من عندنا و هو ده الصح. مافيش دولة تهم نفسها بالاقتصاد الفردى الاستهلاكى فى السلع دى.
و هو ليه ما يبقاش عندنا اختيار؟؟ يعنى هى الدولة اللى هتمشينا؟؟ ما هى الجمارك بتمنعنى أخد ال 150 اللى بشترى بيهم كورولا و أجيب بيهم حاجة نظيفة, مش بقول أن الكورولا وحشة دا هى اللى ممشيانا بس برضه عربيات عن عربيات تفرق.
و لو فاكر ان الجمارك فى مصلحتك فأنت غلطان. الجمارك و القوانين الغبية هى اللى مانعة عربيات زى prius من مصر, و ساعة لما تدخلنا أظن أخر حاجة هنفكر فيها بعد كده البنزين.
و بعدين أصلا لو الجمارك اتشالت ناس كتير هتسيب الكورولا و تروح للألمانى. أنا عن نفسى هسيب اليابانى كله ماعدا نيسان و هوندا و مازدا. و بدل ما الواحد راكب عربية سيفيك من القرن اللى فات أقدر أجيبلى عربية تتساق مش القرف اللى عندنا.
لا تعليق دي الضريبة
ولسه الجمارك !!
لنا الله فى البلد دى
ولسه اللى جاى اسوأ :(
باافتراض ان الحسبه دقيقه وان كنت شاكك فى سعر 6.5 جنيهاقتباس:
المشاركة الأصلية كتبت بواسطة svneleven
انا عن نفسى بمشى 700 كيلو بس فى الشهر يعنى على حسيتك حوالى 12 سنه فل الفل قابل وراضى وتمام اوى
اما بخصوص سعر العربيه 88 الف فانا بتكلم من واقع الفاتوره وممكن ارفعهالك سكان
هي بلدنا كده وال مش عجبه يشوف ليه بلد تانية؟؟؟؟؟؟
لوى دراع يعنىاقتباس:
المشاركة الأصلية كتبت بواسطة hnh_75
يعنى حتكلونا يعنى يعنى حتموتونا يعنى
فاتورة الكروز
العربية 123 الف
ضريبة المبيعات 19 الف
الضمان 6500
ضريبة ضمان 650
وقبل الجمارك مكتوب عندك كام ؟؟اقتباس:
المشاركة الأصلية كتبت بواسطة skoda1996