الموضوع: هل يحمى الحجاب الفتيات من التحرش والمعكاسات

المشاركة الأصلية كتبت بواسطة sab3aawy

نفس الحالة، وجود واحدة فى الشارع ايا كان شكل لبسها .......... يدى الحق لكأئن ايا من كان انه يفضل يبحلق فيها او يقول لها كلام نابى او يمد يده عليها او يهين خصوصيتها بأى شكل من الأشكال؟

المذنب والمذنب الوحيد فى التحرش هو السافل الذى تحرش، فكما ان مظهر السيارة ليس مببرا لسرقتها ورائحة الطعام ليست مبررا لسرقته فمظهر الفتاه ليس مببرا لاختراق خصوصيتها،

كلنا نتفق على هذا الكلام بكل تأكيد
فالمذنب الكبير هو ذلك المنحط السافل الذي فعل الجريمة الشنعاء بالمعاكسة والتحرش

ولكننا لن نغفل ذريعة مهمة
فعندما نضع النار بجوار البنزين ستأكه النار بكل تأكيد
لماذا
لأن النار لا تحترم الحدود وليس عندها أدب الخصوصية
لذلك نحن نضطر أن نبعد عنها البنزين لمسافات كبيرة

وكذلك إذا قال الله تعالى: (زُيِّنَ لِلنَّاسِ حُبُّ الشَّهَوَاتِ مِنَ النِّسَاءِ ) آية 14 من سورة آل عمران
ولكن الله جعل لكل رجل قدرة على التحكم بشهواته
وإذا غلبته شهواته فهو المذنب الوحيد ويستحق العقاب وحده
وهذا لا يجعلنا نبرر لكل من تذهب أمام نوعية من الناس من الساقطين أخلاقيا ولا يتحكمون في شهواتهم وللعلم فهم قد ملأو الشوارع والطرقات
ثم تثير غرائزهم وشهواتهم بعريها أو بلبسها الخليع أو بحجابها الذي يشف ويصف تفاصيل جسمها وهو في ذاته زينه (عكس شروط الحجاب الإسلامي)
فإذا قام أحدهم وهو مثل النار في المثال السابق وإعتدى على حرمها الأمين فهو مذنب حقير وسافل ولكنها أعانته على ذلك بقصد منها أو بجهل

هذا ما أقصده

وليس المقصود هو تبرير جريمة
ولكن دراسة أسباب جريمة
وبالتأكيد من أسبابها الأخرى إنعدام التربية وغير ذلك

هو انا لو شوفت عربية بى ام دبليو الفئة السابعة آخر موديل واقفة فى الشارع ، هل وجودها وشكلها الملفت يدينى الحق فى انى اروح اكسر قزازها وادورها بطريقة او بأخرى واخدها لفة وبعدين ابقى اقول لصاحبها معلش اصل شكلها مغرى مدقرتش اقاومها؟

هوه فيه حد برضه يسيب عربية غالية زي ديه مش مقفولة و ازازها مفتوح
و يرجع يلوم اخلاق الناس لما تسرق كلها او حاجة منها ..
عربية غالية زي ديه لازم صاحبها يكون حريص عليها اوي ..
و ان كان لازال اللي يقربلها سافل و حرامي و فيه العبر ..
عندي انا سؤال لحضرتك يا استاذ خالد ..
هوه ليه حضرتك بتقفل العربية بعد ما تركنها ؟
من اول المذنب الوحيد انا متفق معاك ..

المشاركة الأصلية كتبت بواسطة alaa_dash

عندي انا سؤال لحضرتك يا استاذ خالد ..
هوه ليه حضرتك بتقفل العربية بعد ما تركنها ؟

بقفل العربية لأنها دابة من الحديد والبلاستيك لا عقل لها ولا تعى من امر نفسها شيئا وسوف ستستجيب لكل من يستطيع تدوير محركها دون تمييز لكونه صاحبها ام لها

ومثلها اكون مسئولا عن ابنائى القصر ممن لا يعون من امر نفسهم الكثير ولم يصلوا للمرحلة التى يكونون مسئولين فيها عن افعالهم

لكن الانسان البالغ اللى ربنا اداله العقل والتكليف وحمله الأمانة سواء كان ذكرا او انثى (وكلامنا هنا عن الانثى تحديدا) فهى تعى امر نفسها ومش محتاجة حد يقفلها بالمفتاح لأن مفروض انها بمجرد وصولها لسن الرشد مفاتيحها بقت معاها هى شخصيا واصبحت مسئولة عن اختيارتها لأن ربنا هيحاسبها عليها

وطبعا احترم رايك حتى لو اختلفت معاه

المشاركة الأصلية كتبت بواسطة sab3aawy

هو باعتبارنا مسكنا فى مثال البى ام دبليو فخلينى اوضحه لانى مقلتش ان صاحب العربية سابها مفتوحة،(حتى والله قلت انى هكسر القزاز) كل اللى قلته ان شكلها مغرى

وهو ما اعتبره المثال الأقرب لحالتنا لأن الفتيات اللى بيتعرضوا للتحرش فى بلدنا مش ماشيين يعنى لابسين من غير هدوم لا سمح الله لكن كل ذنبهم انهم فتيات وايا كان لبسهم فيه اللى هيعتبره مغرى

متهيألى ان كدة وجهة نظرى وضحت شوية

الحجاب هو الحماية يعني زيه زي المفتاح والانذار