مشكلة في العجلات الخلفية مش عارف أتصرف فيها ازاي...
مساء الخير يا رجالة... أرجو المساعدة لأني مش عارف أتصرف فعلا...
دلوقتي أنا كنت عامل حادثة كدة كبيرة شوية والعربية اتعمل فيها شغل سمكرة كتير... بس بالنسبة للعفشة فانا غيرت مقص وطارة دركسيون قدام وبس...
المهم بعد ما خلصت شغل رحت اظبط زوايا... الراجل قالي ان العربية فيها شغل زناجير في ٣ عجلات لازم يتعمل قبل ما اظبط زوايا، لان فيه عجلة محتاجة تتفتح وواحدة تتقفل وواحدة تتقدم... المهم طلعت من عنده رحت علي عمرو بدوي بتاع الزويا يشوف لي الحوار، كتبلي مقاسات تتعمل بالزراجين في العجل الأمامي، وقال لازم تغير الدنجل الخلفي... رحت عملت الكلام ده وجبت دنجل استيراد... ورجعت اظبط الزوايا لقي العوجة ورا هي هي بالدنجل الجديد، واداني مقاسات زراجين ورا... رحت عند بتاع زوايا تاني قالي نفس الكلام... رجعت للي عمل الزراجين قدام قالي مباشتغلش فيها لان السيتي ناشفة من ورا أوي... وقالي ملكش غير تروح لسمير علي وكمبيوتر وبتاع... رحت قال معنديش مقاساتها...
المهم كذا حد مرضيش او معرفش يشتغلها وأنا تهت وبقالي اكتر من أسبوع في الحوار ده مش عارف اخلصه ازاي...
