تجربه للافاده .. زيت باور gunk ,, فرق للاحسن

السلام عليكم يا رجاله .. يارب تكونو كلكم بخير

الباور عندى رخم و ماتعرفش تاخد يوتيرن بايد واحده ابدا الا لو داخل بسرعه شويه .. وطبعا ع الواقف حدث ولا حرج .. المهم قريت كتير عن gunk وسمعت كتير عن انه للعربيات اللى باورها كهربا (بالمناسبه هو الباور الكهربا بياخد زيت ولا لأ عشان فى فتى جامد فى الموضوع دا) ..المهم كبرت دماغى وقلت هاجربه يعنى هجربه واشتريته من الألايلى فى السابع ب 70 جنيه علبه صفرا لتر (المفروض عندنا بتاخد لتر الا حاجات بسيطه لو فاضيه خالص ) .. و رحت لعجوره عند صابر .. فك خرطوم الضغط و ساب الزيت القديم الاحمر ينزل وقالى دور وهات الدركسيون يمين وشمال قلتله ماكده هيفضل لسه بقايا من القديم قالى لا وبتاع المهم حطينا الجديد و العربيه بجد بقت حلاااااااااااوه ومشيت متكيف جدا ..بس الحلو مايكملش ..بعد ساعه ولا حاجه الباور تقل تانى (بس غير التقل اللى كان قبل كدا برده خالص ) بابص على قربه الباور لقيت لونها بقا بمبى كدا ودا معناه ان الزيت القديم اتخلط مع الجديد ( لونه شفاف )

السؤال دلوقتى :
1- كان فى وسط الكلام وهفكركم بيه "هو الباور الكهربا بياخد زيت ولا لأ عشان فى فتى جامد فى الموضوع دا" دا للعلم مش اكتر ..
2- ايه احسن طريقه واسرعها لتفريغ قربه الباور ودورتها تماما من الزيت القديم ؟ وهل ينفع بمكنه الشفط ؟عشان معنديش مشكله اجيب علبه تانيه واحطها فى سبيل انى اوصل للباور اللى شفته بعد ماحطيته علطول ..اااااااه كان ملوش حل يا جودعان :018A1D~146:

مستنى ارائكم :M_yes[1]:

http://www.nilemotors.net/Nile/343796-a.html

موضوع ممتاز يا دكتور هلال..ماشاء الله ..بس ماعتقدش للاسف ان فى صنايعى هيقعد يعمل كل دا عشان كده بفكر فى مكنه الشفط ..

اقتباس:

---

المشاركة الأصلية كتبت بواسطة m7nsh

موضوع ممتاز يا دكتور هلال..ماشاء الله ..بس ماعتقدش للاسف ان فى صنايعى هيقعد يعمل كل دا عشان كده بفكر فى مكنه الشفط ..

---

شكرا أخي الحبيب على كلماتك الرقيقة
وربنا يوفقك لكل خير

الباور الكهربا مش بياخد زيت خالص يامحمد باشا .... ده بيبقى عباره عن موتور صغير كده راكب تحت الدريكسيون .... وبرضه لو مزهقك عرفنى وانا اجيلك مانت عارف اللى فيها

1-في باور كهرباء من غير زيت زي الكورسا الهاتش باك وفي باور زيت وكهرباء وهو ده اللي تقصده وفيه الفتي الكتير , بيبقي فيه موتور بيشتغل بالكهربا ويحرك زيت لتحريك الاسكاترا وده بيتحط له زيت ابيض زي اللي معاك
موجود في الفيكترا سي والاسترا ال1600
2-مريت بنفس تجربتك بالضبط ..انا شفطت الزيت الاحمر من العلبه عادي بس كنت رافع العربيه من قدام علي 2 كوريك وكل مالعلبه تفضي اروح الف الدركسيون لفه يمين ولفه شمال ع الاخر علشان الزيت اللي في الاسكاترا يروح العلبه واشفطه تاني لغايه مايبقي مفيش زيت .هتنجح معاك الفكره دي بنسبه 85% ولازم يبقي في بواقي..
-بالمناسبه علبه جنك دي عندنا ب55ج فيها 945 ملي

بيبقي الزيت لونه احمر ولا ابيض يا استاذ فادي

طرمبه الباور لما بتضعف بتلاقي الباور كويس لما تكون العربيه بارده , بس لما بتسخن الباور بيتقل
ودا اللي حصل معاك لما غيرت الزيت كانت العربيه بردت ف الباور بقي كويس ولما مشيت شويه سخنت والباور تقل
مالهاش لازمه انك تغير زيت تاني , كدا كدا الطرمبه ضعيفه

على فكره تقل الباور مالهوش علاقه بالزيت و نوعيته عموما كل انواع الزيوت ليها عمر افتراضى ولازم تتغير بعد فتره وانا عن نفسى لسه مشترى طرمبه باور من 3 شهور و حاطط فيها زيت باور مصرى من ابو 10 جنيه للتر وشغال زى الساعه و الباور ناعم على السخن والبارد وكنت قبل كده بستخدم زيت موبيل اللتر ب 40 جنيه و مافيش فرق بينه وبين المصرى

انا رائى استغلى فى زيت الماتور و زيت الباور حط اى حاجه كله شغال

اقتباس:

---

المشاركة الأصلية كتبت بواسطة amrgamal1

طرمبه الباور لما بتضعف بتلاقي الباور كويس لما تكون العربيه بارده , بس لما بتسخن الباور بيتقل
ودا اللي حصل معاك لما غيرت الزيت كانت العربيه بردت ف الباور بقي كويس ولما مشيت شويه سخنت والباور تقل
مالهاش لازمه انك تغير زيت تاني , كدا كدا الطرمبه ضعيفه

---

+11111111111111111111111111111

اقتباس:

---

المشاركة الأصلية كتبت بواسطة hagagatc

بيبقي الزيت لونه احمر ولا ابيض يا استاذ فادي

---

الاصلي او الريكومندد لعربياتنا هو الزيت الاحمر , اي طرمبه باور استيراد لو ميلتها هتنقط زيت احمر - الابيض للفيكترا سي والاسترا واللي نظام الباور عندهم زيت وكهرباء..
انما لو عاوز تحط ابيض مفيش اي مشكله..
انا حطيت ابيض لانه امريكي ( جوده عاليه جدااا) + معاه اضافه منع التسريب من اويل سيلات الاسكاترا

هو فعلا طرمبه الباور ضعيفه شويه .. طيب الطرمبه جديده ولا استيراد و بكام ؟ واسمع ان فى منها زهر و حاجه تانيه .. ايه احسن وتتعرف منين ؟؟

وشاكريييييين للردود الجامده اووى يا شباب الله ينور :)

زهر او انتيمون ..
هتركب زي اللي عندك بالضبط لان في اختلاف بينهم..

الزهر افضل من الانتيمونيا لانها تعيش فتره اطول من الانتيمونيا واغلب الي بيجي استيراد زهر