-
بخصوص الصينيه و الديسك
ممكن يا جماعه اعرف افضل نوع للصينيه و الديسك ايه المتاح في الاسواق و هل لو في استيراد افضل و لا ايه و يا ريت سعرهم كام و لو الاسطوانه بس هي اللي بايظه هل ممكن اغير الاسطوانه بس و لا لا
يا ريت كمان السعر التقريبي للمصنعيه لان الراجل عندي عايز ياخد 500 جنيه مصنعيه مع العلم انه مش ح يفك الموتور
-
احسن حاجه luk من امريكان ستارز ولازم تغير الطقم كامل ديسك واسطوانه , كان سعرهم من فتره 1350ج
وتبقي تبص علي ترس الفولام لو فيه ريجه تجيبه استيراد ضروري ب150ج
المصنعيه غاليه جداا طبعا .لو مش هيرفع الموتور ( هيركب من فجوه العجله الشمال) كفايه 250ج بالكتير..
-
انا ح اغيرهم بسبب الرجرجه اللي بتحصل دي في اول الطلعه على الغيار الاول و ربنا يصبرني
-
الرجرجه في الطلعه اما ترس الفولام مريج او سوست الاسطوانه ضعيفه . مش هتعرف الا لما تفك .معلش ربنا معاك
بس نصيحه لوجه الله. اعمل كله مره واحده علشان ترتاح. لو هتغير ديسك واسطوانه يبقي ترس فولام ( لو بايظ)
وبالمره تبص علي اويل سايل الكرنك ( خلف الفولام) لو في اي حاجه بتهرب زيت غيره برده
-
العربيه كده دخلت معايا في ال 70 الف انا ابتديت ادايق منها بفكر اجيب حاجه فيكترا بي 1 تكون اقل شويه في السعر و اهو كل المستعمل بيصرف
-
بقوللك ايه هي تستحمل السفر يعني لو حبيت اسافر بيها و اوديها عند طناني في المركز بتاعه بحيث اكون جنب صناعي بيفهم + قطع الغيار بدا ما اجيب الحاجه من مصر و في الاخر يكون في حاجات زياده او ناقصه
هي مفيهاش غير موضوع الرجرجه دي و مش قوي يعني فين و فين
-
مشكله البي2 في حاجه واحده بس فتيسها f23 ديسك واسطوانه وبليه اغلي كتير من فتيس البي1 ال f18 ومش ملاحظ اي فرق في الاداء بين الفتيسين بصراحه ..وفكره وايرات الغيارات دي فكره غبيه قوي زي مايكون الواحد راكب حنطور !!
-العربيه تسافر طبعا مفيش مشكله .ولو العربيه مش مضايقاك غير الفتيس , سيبه يجيب اخره وفي النهايه هات فتيس f18 استيراد ب800ج + 200ج عقربه الغيارات وريح نفسك..
-
-
بس مش ممكن يكون السبب قاعده من قواعد الموتور او حماله او شداد
-
صدقني انا حافظ عمايل العربيه دي ..
لو رعشه في الطلعه بس ولكن التجميع تمام ومفيش مشاكل = ترس الفولام . بس بالمره هتغير طقم الدبرياج طالما فكيت .. يبقي سيبه يجيب اخره ( وخلي بالك معمر جداااااا) وفي الاخر بدل او غير .. اللي يريحك بس مش دلوقتي
Content Relevant URLs by
vBSEO 3.6.0 PL2