الموضوع: ساعدونى ارجوكم-شراء اوبل b

السلام عليكم..اخوكم محمد بركات دخلت كلية هندسة و الحمد لله ..و الحج وعدنى بعربية اول ما ادخل الكلية قولتله ميزانيتك كام يا حج قلى 55 الف..انا اساسا من عاشقين الــ اوبل فلقيت احسن حاجة بالسعر ده هى اوبل B مو 2001 او 2002 المهم لقيت عربية مو 2002 لونها زيتى بيقول صاحبها انها فابريكا من الداخل و رشه نظافة من الخارج .. المهم العربية ديه 2000 cc مانيوال و انا الى اعرفه ان مفيش اوبل فكترا b مو 2002 و متور 2000 cc مانيوال فكنت عايز ماشورتكم و خبرتكم و لو متورها الاصلى اعرفه ازاى و ا بص على ايه بالظبت فى العربية عشان اعرف ازا كانت نضيفة ولا لأ ..و حاجة كمان بخصوص عداد السرعة..لو العربية فعلا 2000 سى سى مانيوال المفروض يكون عدادها اخره 240 او 260 km/h ولا 220 زى العادى 1600 ؟ العربية عاملة 142 كيلو

العربية دي كانت ١٦٠٠ مانيوال وصاحبها غيرلها الموتور
بس لو حالته كويسة ونفيهوش مشاكل توكل علي الله هتنبسط اوي منها بس اهم حاجة ابتكييف يكون شغال والحرارة متكونش بتعلي مع التكييف عشان لو كدة مش هتعرف تظبطها تاني خالص من الاخر استلم العربية تكيفها شغال بدون اي عييب بأما بلاش العربية دي لو التكيف بايظ

الف الف شكر يا جماعة والله العظيم خدمتونى خدمة العمر ..بلاشها احسن ولا ايه اروح اشوف مشيها و درجة الحرارة و التكيف, انا قصدى متبقاش عربية هلكانة كده عايزة ميكانيكى على طول؟ ..ليها عيوب الحكاية ديه ولا عادى مش فارقة كثير عن الــ1600 ؟ ولا اجيب 1600 نضيف و اظبطها انا بعدين ؟ و الف شكر يا جماعة .

بص يا باشا مبروك مقدما ع العربيه بس الفلوس دي هات بيها فيكترا بي 1 حالتها ممتازه احسن ما تجيب بي 2 نص نص و خليك في ال 1600 ال منوال المكنه السودا اخف اعطال و ارخص في بعض قطع الغيار خصوصا انك لسه طالب و مستعجلش دور كويس و اكشف ع العربيه كويس

المشاركة الأصلية كتبت بواسطة raef.atia

بص يا باشا مبروك مقدما ع العربيه بس الفلوس دي هات بيها فيكترا بي 1 حالتها ممتازه احسن ما تجيب بي 2 نص نص و خليك في ال 1600 ال منوال المكنه السودا اخف اعطال و ارخص في بعض قطع الغيار خصوصا انك لسه طالب و مستعجلش دور كويس و اكشف ع العربيه كويس

ياباشا خلاصه الهلرى فى شراء الاوبل فيكترا مع احترامى لكل الاراء السليمه للاعضاء الكرام

اهم حاجتين يكشفلك عليهم الميكانيكى

اولا : الشاسيه و القوايم عشان لو كانت عامله حادثه

ثانىا : الموتور تبص عليه كويس عند ميكانيكى شاطر وتخصص اوبل و سيبك من ان العربيه عامله 142000 كم عشان طقم العدادت كامل بالشاشه انا مشتريه من بورسعيد ب500 جنيه وكانت عربيتى عمله 310000كم ولما ركبت العدادت الجديده بقت عامله 120000كم وانا اللى مغير العدادت فى البيت عشان عداد الrpm كان بايظ

وكمان دايره الفرامل كلها و التكييف زى ما ذكر الاخ الكريم قبل كده


ونصيحه كمان لو لقيت الشاسيه او القوايم فيهم حاجه سيبك من العربيه خالص

والعربيه الاوبل فيكترا b هاتعجبك خالص