الموضوع: إللي إشتري ماروتي او ألتو تقسيط يشارك معانا

انا اشتريت ماروتى سنة 2007 من معرض أحمد موتورز فى الهرم
الموضوع كلة استغرق يومين فقط لا غير وتالت يوم استلمت العربية ورخصتها
دفعت 8500 جنية مقدم وتأمين 800 جنية ومصايف ادارية 300 جنية وأخدت تليفزيون فيليبس 14 بوصة جميل جدا هدية كمان وبأقسط مع سيتى بانك بفايدة سنوية 8% فقط وكانت الاوراق المطلوبة هى الرقم القومى ومفردات مرتب ووصل نور او تليفونات او ماية او غاز وبس
رحت قدمت الاوراق دى فى المعرض يوم بالليل الساعة 9 مساءا تانى يوم واحد من البنك جه استعلم عنى فى المصنع هنا واتاكد من مفردات مرتبى وعقدى وانى مهندس فى المصنع بالفعل وبعديها بحوالى ساعتين اتصلوا بالبيت عندى واتأكدو من العنوان ورقم التليفون اونى مقيم فى العنوان وبالليل الساعه 8 اتصل واحد من البنك يباغنى انة مبروك خلاص اجرات القرض خلصت وبيطلب منى اروح تانى يوم اكمل باقى المقدم والمصاريف حيث اننى كنت قد دفعت فى المعرض 1000 جنية فقط عربون واستلم العربية واتوجه للمرور بصحبة واحد من المعرض علشان اسلمه صورة الرخصة بعد ما تطلع
وبالفعل رحت تانى يوم الصبح كملت ال 8500 جنية وطلع معايا واحد من المعرض لمرور 6 اكتوبر رخصنا العربية فى حوالى ساعتين واخد صورة الرخصة ورجعت معاه المعرض علشان استلم الضمان والتلفزيون وحصل ورجعت بتنا تانى فى 6 اكتوبر يعنى الموضوع كله استغرق يومين فقط