shokrn leeeek
عرض للطباعة
shokrn leeeek
امال فين جدول صيانه الماتريكس
الأخ العزيز /أحمد علاوى
أريد التعرف عليك
أخوك/ محمد علاوى
انت اخو احمد علاوى الحمد لله المنتدى خلى الاخوات يشوفوا بعض
ياباشا انت ممكن تبعتله على الخاص
لو ممكن ياجماعة جدول صيانة السوناتا وياريت لو حد عنده اليوزرمانيوال بتاعها .وشكرا للجميع على هذا الموضوع الجميل
معلش يااحمد باشا انا بصيت علي جدول الفيرنا مفهمتش حاجة
انا دلوقتي عملت صيانة ال1000 وساعتها حطيت زيت 10000 كم
ودلوقتي انا قربت علي ال5000كم ياريت تقولي هيعملو ايه في صيانة ال5000كم وتمن الصيانة كام وهل ممكن اخليهم يغيرو الاكصدام الامامي انا لسه في الضمان والعربية متأمن عليها بس ياريت تفهمني ياباشا
بالنسبه لصيانه ال5000 انت تقولهم يعملولك الصيانه و ميغيروش الزيت علشان انت احطط زيت ال 10000 و كل اللى هاتدفعه حوالى 70 جنيه تمن المصنعيات بتاعه صيانه ال 5000
و كل اللى بيعملوه فى صيانه ال 5000 تربيط عفشه و الكشف على السياره بالكمبيوتر وو اصلاح اى عطل حضرتك تقولهم عليه
بالنسبه الاكصدام متهيالى انك لازم هاتسيبها عندهم علشان المعاينه بتاعه مندوب التامين و التقديرات و كده
شكرا ياابو حميد
طيب مش انا العربية في الضمان دلوقتي؟ يعني لو العربية فيها حاجة المفروض يغيروها زي الاكصدام مثلا ولا ايه؟
جسم العربيه مس بيدخل تبع الضمان لان انت اللى بتستهلكه زيه زى التيل بالظبط
يعنى الاكصدام ده مين اللى بوظه مش انت و لا هما جابوا واحد من التوكيل خبطها ههههههههههههههههههههههههه ه
جسم العربيه مس بيدخل تبع الضمان لان انت اللى بتستهلكه زيه زى التيل بالظبط
يعنى الاكصدام ده مين اللى بوظه مش انت و لا هما جابوا واحد من التوكيل خبطها ههههههههههههههههههههههههه ه
هههههههههه كلامك صح ياباشا
شكرا ياابو حميد ربنا يخليك للغلابة يامان
الموضوع مهم جدا ورائع .
وقد تم عرض هذا الموضوع بواسطتي منذ أربعة أشهر بهذا الرابط
http://www.nilemotors.net/Nile/showthread.php?t=37203
المهم في هذا الموضوع ان الأسعار زادت مع وجود عرض (صيانه عليك وصيانه علينا)والذي يبدأ من اول صياتة ال 10000 بمعنى انك بتدفع مثلا في صيانة ال 10000 للماتريكس 300 جنيه فتصبح صياتة ال 15000 مجانا وعند ملاحظة الجدول تجد الصيانات المجانيه هي مضاعفات ال 5 وسعرها 100 جنيه وكل الصيانات المرتفعه تقوم أنت بدفعها .
وكذلك يمكن استخدام النظام العادي بنفس الأسعار العاديه.
وبالنسبه للأسعار العاديه أنا شخصيا صيانة العربيه بعملها في (الكويت والبلاد العربيه) بالدقي وسعرها أرخص يعني مثلا النهارده بعمل صيانة ال 20000 وسعرها 150 جنيه غير شامل الضريبه أما في أبو رواش سعرها 220 جنيه غير شامل الضريبه
طيب تصدق إن دي فكرة تقلها فلوس!!! حضرتك تنفع مدير تسويق ناجح جدا في هيونداي.
هتقولي إزاي؟!!!
هقولك: يقوم الحاج غبور معين 20 واحد تلم و غلس و دمه بارد، و الأهم إنه يكون غشيم في السواقة، و يركبهم عربيات شيفورليه موديلات الخمسينات (زي اللي بتبقى في شربين ) و يسلطهم على العربيات الهيونداي الجديدة، إشي تخييش، و إشي تلبيس و هلم جرة، و النتيجة إن التوكيل هيشتغل شغل ما حصلش.
فى توكيلات اسعار الصيانة زى ما هيا
انا مهندس احمد
شركة الكويت والبلاد العربية
اسعار الصيانه فى مراكز الخدمه بتكون غير اللى موجوده فى مراكز الصيانه المعتمده زى ابور رواش و قليوب
بيكونوا ماشيين على النظام القديم
فين جدول صيانه الالنترا
يا جماعه غبور بيك زود أسعار الصيانات تاني :Copy of majd(4):
أنا كنت في أبو رواش أمبارح وطلبت منهم جداول الأسعار الجديده ومرضيوش يدوهاني :shyy:
أنا عملت صيانة ال 5000 للفيرنا ب 120 جنية :U_thin1[1]:
غربه الكلام ده مع ان اليومين دول فى كلام جامد جدا جدا على ان اسعار الصيانه هاترجع زى زمان
و اكبر دليل اللى حصل مع حضرتك صيانه ال5000 كانت زمان ب 120 و ده سعرها فعلا
هل جدول الصيانة الخاص بالاتوس اللي حضرتك منزلة هو بتاع اتوس موديل 2000 وشكرا
لا بتاع اعلى موديل فى الاتوس على ما اظن
و عموما مايضرش كل جداول الصيانه واحده شوف بتعمل ايه فى الموديل الحديث و اعمله على الموديل بتاعك
هى الأسعار المكتوبة تحت دى شاملة كل حاجة ولا دى غير قطع الغيار والضرائب .. ؟؟
لا دى اسعار مصنعيات الصيانه فقط بدون قطع الغيار ولا الضرايب
ممكن توضح الكيلو متر اكتر ايه اللي بيتعمل في كل كيلو
مشكوووور اخي الكريم
:biggrin:حلوة أوي موضوع تغيير زيت الكرونا دي مع ان العربية مافيهاش كرونا
كرونه ايه ياباشا العربيات الامامى فيها كرونه على فكره لكن بتكون داخل الفتيس
احمد باشا
ممكن تفيدنى
انا لسه شارى جيتز 2006
العربية عاملة 44000 ك
والراجل بيقول انه غير زيت على الكيلو 43000
وانا شفت الفاتورة كانت ب 106 تقريبا يعنى ممكن ده يكون زيت بيتغبر على 5000
انا مش عارف اعمل ايه دلوقتى
اروح اعمل صيانة على 45 الف وخلاص واغير الزيت تانى
ولا استنى عند 48000 ك واعمل صيانة ال 50000 وخلاص
ويا ريت تقولى سعرها كام
ياريت تفيدنى ولك جزيل الشكر
السلام عليكم
ممكن يجماعة حد يقولنا على مكان غير التوكيل يكون كويس فس الصيانة وأرخص شوية
لأني امبارح كنت في التوكيل وقالولي عايز تغير تيل فرامل أمامي قولتلهم بكام قالولي ب350 جم قولتلهم لا أنا حأبقى أنزل رجلي على الرض لما اعوز أقف
مشكورين
أنصحك تروح عند ال45000 ألف تغير زيت وفلتر وتعمل صيانة الموضوع كله مش حيتعدى ال270 جم ان شاء الله
يعني إيه يا عم أحمد كرونا في الفتيس معليش وضح شوية ربنا يبارك فيك
انا معلش كنت عايز اسال هي اسعار صيانة الفيرنا اتغيرت ؟
ارجو لو حد ممكن يفدنى في سعر صيانة 5000 كم انا عربيتى فيفا !! وياريت ايه الى هيحصل
وكمان في حاجة في الجدول من تحت 200 ج انا مش فاهم ديه هتضاف على المصنعيات ولا ايه , وهى السعار الى في الجدول ديه اسعار المصنعيات بس ....
اسف طولت عليكم بس ارجو الإفادة وجزاكم الله كل الخير
صيانه ال 5000 بتتكلف 150 جنيه غير الزيت و الفيلتر
الظريف مكتوب فى صيانة الفيرنا تغيير فلتر التكييف مع ان اساسا الفيرنا نازلة من غير فلتر تكيييف:8954[1]:
سؤال معلش انا دلوقتى مركب فلتر هواء سبورت و ديفيل و لسة فالضمان انا كدة طلعت برة الضمان ولا اييية ... لو عل فلتر من اركب الاصلى قبل ما ادخلها و لما اخلص ارجع الفلتر السبورت تانى انما الديفل اعمل فية اية دة
انا يا جماعة كدة برة الضمان ولا اية حد يرد عليا عشان رايح الصيانة الجمعة ومش عايزهم يستخفلونى:eee:
ابوس راسك ممكن كتالوج هيونداي اكسنت 1500 مو 1999