مبروك يا ريس على العربية الجديده و ربنا يديك خيرها ويكفيك شرها
بالنسبه للحاجات اللى لازم تخلى بالك منها وطبعا خطيره جدا
اولا الحراره وتبقى مركز بالذات فى الصيف مع مؤشر الحراره
ثانيا مواعيد غيار الزيت اوعى تكسل عن المعاد او تقصر فيه
ثالثا طبعا الكاتينه انك تبقى عارف بردو مواعيدها وتلتزم بيها
غير كده الباقى ان شاء الله سهل
انا معتقدش انه وانت على طريق معين لو حصل لا قدر الله اى عطل بالنسبه للسيارات الحديثه بالاخص ممكن يتحل بالعده البسيطه اللى هتبقى معاك هتحتاج تنقل العربيه بونش لاي ورشه او توكيل لانه اكيد هتكون متحتاج قطعة غيار مكان اللى عطلت
و طبعا بما ان انت مش متمرس فى الصيانه او عندك خلفيه على الاغلب مش انت اللى هتستخدم العده اللى هتخليها معاك هيستخدمها اى حد ممكن يساعدك فى الطريق وممكن مثلا تخلى معاك اسلاك توصيل البطاريه دى وممكن مفك عاده صغير ووسط ومفك صليبه صغير ووسط و بنسه و انت مع التجربه طبعا هتتعلم ايه اللى هتحتاجه معاك
واحنا تحت امرك يا باشا فى اى استفسار