كلاريون فى القاهرة فى المهندسين شارع احمد عرابى ( امتداد جامعة الدول ) ... جايب من عندهم الكاميرا الخلفية المخصوصة لكورولا 2013 لفيت مصر كلها ملقتهاش غير عندهم
عرض للطباعة
كلاريون فى القاهرة فى المهندسين شارع احمد عرابى ( امتداد جامعة الدول ) ... جايب من عندهم الكاميرا الخلفية المخصوصة لكورولا 2013 لفيت مصر كلها ملقتهاش غير عندهم
شكرا جدا على الفيديو اللى خلانى فى قلب الحدث ....
مبروك يا دكتور بصراحه انا بستناك تغير عربيتك عشان التقارير الجميله دي هههههه
بس معلش ماتزعلش مني الشاشه دي بحسها تليق اكتر على تاكسي او ميكروباظ بحس انها بتبوظ شكل العربيه من جوه لو شاشه بيلت ان تبقى تمام ومستنيين تقاريرك
الف مبروك
وشكرا ع التقرير المفصل الجميل
انا مركب عندي ف الكروز ٢٠١٢ الشاشه اللي ف الكونسول والكاميرا السيمفوني
جايبهم من عند كلاريون اللي ف عرابي وفعلا الحاجات دي بتكمل العربيه وبتخليك مش محتاج حاجه من منصور اللي بينزل عربيه مفيهاش usb ف ٢٠١٢
عندي بس ملاحظتين على التركيب ممكن تراجعها مع بتوع كلاريون للاطمئنان
ليه الكاميرا بتتاخر ٤ ثواني عشان تفتح عشان انا عندي بتفتح اول ما اجيب R فورا بدون انتظار
المفروض انه بيركبلك الكاميرا مكان احد لمبتين النمره. بيشيل واحده منهم والكاميرا بتبقى جايه تركب مكانها وبيركب اللمبه اللي اتشالت تاني عادي (فريم الكاميرا البلاستيك مقسوم جزء للكاميرا وجزء للمبه) .
عندي سؤال بس لو حضرتك تعرف هل موجود ف مصر سيستم ال مايلينك الاصلي بتاع الكروز ٢٠١٣ وسعره كام
عشان عربية واحد زميلي.
مبررروك وجزاك الله خيرا :)
مبروك ياباشا
ههههه ما هو لما تلاقي البيلت ان ب 5000جنية ودى ب 500 بس عشان مش محتاج غير كاميرا يبقي ومالوا التاكسي ولا الميكروباظ !!!!!!!!!!!!!!!!
المشكلة ان التابلوة اتغير واللى موجود بتاع التابلوة القديم ... الجديد بييجي استيراد و حيقف حواللى ب 5000 جنية
موضوع الكاميرا بتتأخر لا هي مش بتتأخر هى على ما الشاشة بتفتح ... لأن لو الشاشة مفتوحة already بتلقط لحظيا
بالنسبة للماى لينك مش موجود طبعا والشاشة ال بيلت ان ب 5تلاف جنية
الله يبارك فيكم :)
طب الكلام ده فين ف القاهره !!!!!
ألف ألف مبروك
والله انا كنت متردد في موضوع الكاميرا والشاشة دول لأن اسعارهم كانت عالية زي ما شوفت ع النت بس كده الموضوع بسيط وسهل واهم حاجة مش بيخرج العربية من الضمان ... بس انت كده طمنتني
كده هتخليني اضرب عصفورين بحجر .. انا اصلا معنديش كاسيت وده هيحل مكانه مع السماعتين وكله يبقى تمام وبسعر قليل ........... :)
بس كان في ناس كتير في المنتدى هنا مش بتشكر في توكيل كلاريون خالص ... انت ايه رأيك في القصة دي ؟؟؟؟
سؤال للدكتور شهدي .. كل سنه وانت طيب اولا ياكبير .. يا ترى أخبار المرايا والكاميرا ايه .. سؤالي بقى انت بتشوف بيها عادي زي المرايا العاديه وخصوصا بليل ولا بتزاول في الشارع...والف شكر يا باشا
الحمد لله شغالين ذى الفل ذى يوم ما ركبتهم
بليل عادى بتشوف عادى جدا بس مش وضوح 100 100 اديلة 85% .. انا اصلا مركب ستارة كبس ورا فا مش فارق معايا
مفيش غير موضوع ال 4 ثوانى اللى قلتلكم علية ومصورة في الفيديو بس اتعودت علية خلاص
و كل عام وحضراتكم بخير
الف الف مبروك ياباشا ، موضوع اكثر من رائع و متابعة حضرتك للمشاركات و الرد عليها فعلا جميلة اووى ، بجد من اكتر المواضيع اللى عجبتنى فى المنتدى
عنوان المكان اللي ركبت فية والتكلفة بالكامل لو سمحت
مبارك عليك يا باشا
ممكن القيها فين في القاهرة و الف مبروك
لو سمحت انا كلمت فرع الشركة فى الاسكندرية قالولى الكاسيت التاتش كورى تجميع مصرى مش صينى وفيه جميع الكماليات gps وكاميرا خلفيه وmp3 mp4 وبيشغل اى امتدادت سواء كانت فيديو او اوديو وبيشتغل علي المالتميديا فى الدركسيون دا غير فيه فلاشة وميمورى ووصلة اى فون واى بود وبيبدا من 2800 الي 3500
وبيجى مع الهاوسنج دا غير ممكن تركب معاه سنسور امامى بس ده بتكلفته
بس انا عاوز اعرف احسن مكان بيركب لان انا سمعت ان مصر الجديدة سمعته وحشة
متابع
الف مبروووووووك يا باشا
السلام عليكم
انا مركب كاسيت فى العربية نوعه
boss BV 9986BI فيه شاشة بتتفرد وتطبق هى معلقة دلوقت ومش بتطلع لو حد عنده فكرة او يعرف توكيل بوس او حد ف القاهرة يصلحها ويكون مضمون يبقى الف شكر ارجو ارد للاهمية
متابع
عاوز شاشه كاسيت للتويوتا 2006 (dvd- mb3 - usb - ومش مهم gbs ولو موجود عادى بس المشكله عاوزه يركب فيشه بفيشه ويكون المقاس بالظبط محدش يعرف اجيبه منين وبكام ونوعه ايه
أنا مركب شاشة اسمها تانجو و دلوقتي مش عارف الباسورد بتعها اعمل إيه وبرده ال r بطل يطلع الصورة من الكاميرا