الموضوع: تقرير تركيب شاشة مراية+كاميرا للكروز

المشاركة الأصلية كتبت بواسطة ashouhdy

الشاشة ماركة سيمفوني صنع في مصر بضمان 3 سنوات من كلاريون اسكندرية

الكاميرا ماركة سيمفونى صنع في مصر ضمان 3 سنوات من كلاريون اسكندرية

التركيب بواسطة فنى كلاريون فى حوالي ساعة فقط


لية سيمفونى؟ لأن لقيت كل الشاشات دى صنع في الصين وبضمان محل اللى يقولك 3 شهور واللى يقولك 6 وماركات مغمورة فأتجهت للسيمفونى لانة اسم قديم و بضمان 3 سنوات ومن محل لة سمعة

سعر الشاشة 400 جنية والكاميرا 150 جنية

الشاشة 7 بوصة بتشغل كل امتداد الملفات والاغانى من خلال usb و ميمورى كارد بالاضافة انها بتقلب اوتوماتيك كاميرا عند وضع الفتيس عالمارشدير R

>
>

مميزات: عدم لعب في ضفيرة العربية نهائي ولا اتلمست ... كهربا الشاشة من الولاعة وكهربا الكاميرا من لمبة المارشدير فقط ومفيش حاجة اتلمست تانى ودة كان من اهم شروطي عشان ضمان العربية ميضعش


الشاشة بتركب فوق المراية الاصلية كبس يعنى حتى المراية متفكتش

كان فى نوع تانى اعلي سيمفونى برضة ببلوتوث بس كان خلص وبما انى مش بستخدم موضوع البلوتوث دة في حاجة فلم اهتم بالانتظار.


طبعا الصوت بيطلع من ال fm على اى موجة تختارها


تركيب الكاميرا للاسف اضطر يخرم في صاجة العربية دائرة على قد الكاميرا بالضبط وحتى لو مضايق فيما بعد حتة الصاجة دى ممكن تجيب غيرها لانها بتتشال وتتحط ... الصاجة اللى فيها لمبات اللوح


بقية السلك مشي عادى تحت العتب البلاستيك بتاع الباب ثم القايم وبس

لا في اسلاك ظاهرة ولا كركبة ولا لعب فى الضفيرة والحمد لله

(لرفقاء الكروز : كدة معتقدش ان بقي ناقص حاجة للعربية غير المرايات الضم وتبقي فيها كل الكماليات اللى ناقصاها)


اسيبكم مع الصور

الف مبروك و فعلا تقريبا دى انسب حل لموضوع سنسور الباركنج اللى واجع دماغنا, طيب سؤال بالنسبه للصوت حضرتك بتقول اى موجة fm يشتغل ده بالنسبه لصوت التنبيه بتاع الاصطدام ولا صوت الجهاز نفسه لو هتشغل حاجه عليه؟ لان لو صوت التنبيه هتبقى مشكله اعتقد