تم بحمد الله شراء الاوبل كورسا 96الى نفسى فيها اة غليه شوية بس مش مهم
كنت عايز اسأل عن شويت حجات اعملها سيرفيس فين احسن حتة و حيتكلف كام و سير التكيف الجى ام بيتباع فين بس خلاص
عرض للطباعة
تم بحمد الله شراء الاوبل كورسا 96الى نفسى فيها اة غليه شوية بس مش مهم
كنت عايز اسأل عن شويت حجات اعملها سيرفيس فين احسن حتة و حيتكلف كام و سير التكيف الجى ام بيتباع فين بس خلاص
فى ايه يا جماعة هى عربيه سيئه لهذة الدرجة
الف مبرووووووووووك وربنا يباركلك فيها
شوفت ياعم انا تبع الدايو واول واحد يرد عليك
بتوع اوبل محدش رد :k48:
ومعرفش قطع غيارها بس اى حد بتاع قطع غيار هتلاقى عنده
يسلم الدايو بناسه ولاهى مرسى ليك بس ولاهى رجالة الاوبل بردوا ناس جامدة هما الى حببونى اكتر فى العربيه دى علشان كدة كنت عايز اخد رئيهم فى شويت حجات
الف مبروك يا سيدي.. بس احب اقولك ان مفيش موديل 96..
يا اما 95 يا اما 97.. و ابقي قولي جيبتها بكام.. و الحالة ايه..
و قولي انت ساكن فين عشان نوصفلك اقرب واحد تعمل شغلك عنده..
و سير التكيف غالبا مش غالي.. بس مش عارف سعره..
في موضوع قطع غيار الكورسا الجديدة هتلاقيس ارقام قطع غيار..
اتصل و اسأل و هيقولولك كل حاجة..
و صيانه التكييف احسن مكان تعملها فيه عند ديافيا في كوبري القبة..
وليد بك راح عندهم و اتبسط من شغلهم جدا عشان ناس متخصصة..
و الف مبروك تاني و ربنا يباركلك فيها و يحفظهالك..
ميرسى يا جماعة كلكم انتوا بجد خير عون و يا استاذ احمد انا جبتها موديل 96 و هى موجودة بالفعل ادخل على النت و انت تشوفها بس هى موصفات خاصة جاية اسبيشيال اوردر من المنيا هى كانت بتاعت مستشار هو بيحب الاول و عندو اوبل فيكترا 2003 و لسه جايب الفكترا 2008 مشاء الله موصفتها كلاتى هى نازلة مكيفة بتكيف جى ام طبعا و فتحة سقف و الجنوط الاصلى الجى ام و باور و الماتور و دة الى عايز اسأل عليه 1200 سىسى بس 16 v , الى هو اتنين كامة
فكنت عايز اسأل ايه اخبار المتور دة هل هو هو المتور الكويس الى انتوا بتقولوا عليه انا رحت رفعتها فى البنزيمة قالولى ان المتور 85 % و هى اصلا تعتبر ممشتش بالنسبه لعمرها 102000 كم فيها بور و كمان سنتر و ازاز كهرباء ادام و مريات كهرباء و بالكاسيت الاصلى و بيشتغل على الشاشة دى موصفتها بالظبط و فبريكة برة و جوة على كلام السمكرى المهم الحجات الى فيها
اولا السير بتاع التكيف بيصفر و محتاج يتغير
ثانيا فانوس و لمبه الشبورة الى فى الاكسدم النحية الشمال مكسورة لكن اليمين شغاله المشكله عايز اجيب الى مكسورة دى مش عارف اجبها منين و خصوصا انا مش بشوف عربيات كورسا فيها موضوع فوانيس الشبورة الى تحت دول
ثالثا حاسس ان المتور صوتة عالى شويه و مش عارف من ايه بس بيقولى انة تمام و مفهوش حاجة و طبيعى عايز طبعا اغير السيور و الذى منة و الزيت كمان علشان نصحنى المكانيكى انى اغير زيت و لو غيرت صوت المتور حيقل طيب اجيب زيت ايه انصحونى يا جماعة فى الختام انا ساكن فى الدقى و العربيه خلصت بالعفيه ب38500بس انا كنت مبسوط علشان حاسس انها مختلفة كفايه ان التكيف موجود لوحدة ب3700 و مش الاصلى كفايه ان دفيرت الكهربة متلعبش فيها و دة نادر بجد عن تجربه قولولى ايه رئيكم يا رجالة معلش طولت عليكم تنصحونى بأيه افيدونى افادكم الله
ايه رئيك فى المنيا دى من المنيا عدل (المانيا)
الف الف مبرووووووووووك
شكرا يا ويل و شكرا لكل الناس الى شرفونا وليد باشا مش لازم نولع بسرعة بئى الدنيا بتبرد :funny34d:و يا جماعة بليز حد يرد عليا فى الكام حاجة الى سألت عليهم :helpsmilie:
كل لما اقرا اوبل بحس بالحنين لعربيتى القديمه كانت كورسا برضه ... برضه العربيه دى حلوه جدا وليها ذكريات حلوه
المهم الف مبروك وربنا يباركلك فيها ويكفيك شرها وحاول تطلع صدقه
مبروووووووووووووووووووووو ووووووووووووووووووووووووو وووووووووووووووووووووووك:k 49::k49::k49::k49::k49::k49::k49::k49::k49:
إن شاء الله يا استاذ حسام حعمل بنصحتك و شكرا ليك انت عضو محترم و شكر كبير لكل الى شرفونى و بركولى و عقبال ما ابركلكم على الكريرا و يا ريت بردوا حد يرد عليا فى الى سألت عليه ؟؟؟
الف مبروك يا باشا.. بس احب اوضح شوبة نقاط مهمة.. و للأسف انت ماخدتش رأي حد فيها لما جيت تشتري..
أولا: اكيد في كورسا موديل 96.. محدش ينكر بس منزلتش مصر.. من التوكيل يعني..
و هي مش مواصفات خاصة ولا حاجة علي فكرة.. هي كده العادية اللي بتنزل برة.. مفيهاش حاجة خاصة..
بس كل اللي فيها انها مواصفات مختلفة عن اللي التوكيل نزلها هنا..
(كان فغي واحدة انا كنت هاروح اشوفها كانت موديل 95 موتور 1400 2 كامة اوتوماتيك كمان.. باور و تكييف.. كانت نازلة استيراد من اليابان..و كان مطلوب فيها 48 الف باين.. بس لما سألت صرفت نظر عنها..)
المهم.. نيجي بقي للمشكلة الكبيرة.. الموتور..
هتتعب جدا في قطع غيار الموتور ده.. عشان ممكن متلاقيش ليه قطع غيار اصلا.. (سيور و جوانات و اي حاجة تانية جوة.. و المهم جدا سير الكاتينة و طلمبة المية.. و اللي بيتغيروا كل 40-50 الف كم.. لو الكاتينة كاوتش مش جنزير)
مش هتلاقيها جديدة.. و المشكلة الاكبر انك ممكن متلاقيهاش استيراد كمان.. عشان كل الاستيراد اللي بييجي بيكون 1400 كامة واحدة و كامتين.. (لو حظك كويس ممكن تكون حاجة ال1400 ال2 كامة تركب عليه.. الله اعلم..)
دع غير انه الله اعلم بقي الفتيس بتاعها نفس ال1200 العادية ولا لأ.. و الدبرياج كذلك..
كفائة الموتور كده تمام قوي.. كده يبقي الراجل محافظ عليها انا عربيتي نفس النظام بس ماشية 140 الف الحمد لله..
السنتر و الزجاج الكهربا عادي جدا.. و الكاسيت الاصلي و الشاشة ده الطبيعي.. غير كده يبقي ملعوب فيها..
هي العربةي ما شاء الله شكلها متحافظ عليها جدا.. بس المشكلة بقي ف حوار الموتور ده..
سير التكييف انت هتحتاج تفكه و تشتري زيه.. عشان ممكن يكون مختلف عن العادية.. و خلي بالك من اللارقام اللي هي المقاسات بتاعته..
فوانيس الشبورة مش هتلاقيهم في حتة الا استيراد ف الحرفيين ولا حاجة.. و انت وحظك برضه الشكل ده موجود ولا مش كتير..
الزيت حسب استهلاكك للعربية.. و يفضل انك تحط زيت معدني.. اللي هو كل 5 الاف كم ده.. ده الافضل للعربيات القديمة..
النوع اللي انت تحبه بقي.. كالتكس ولا شيل ولا اللي يريحك.. المهم متقعدش بيه اكتر من سنة ف العربية.. حتي لو مقفلتش بيه ال5 الاف.. و تكون متابعه كويس قوي من بعد ال6 شهور..
موضوع السعر ده بقي انا مش هاتكلم فيه عشان انت اشتريت و الحمد لله..
متفكرش تاني بقي.. استمتع بعربيتك.. و ربنا يباركلك فيها..
عندك توكيل مقار اللي جنبك ف البحوث.. ممكن تخطف رجلك كده و تسأل حد هناك علي الحاجات اللي قولتهالك دي السيور و الحاجات دي و اختلاف الموتور.. و هل حاجات ال1200 الكامة واحدة تركب عليه ولا لأ.. و حاجات ال1400 تركب عليه ولا لأ..
وشوف حاجاته متوفرة ولا لأ.. و الاهم انك تتعامل مع حد متخصص اوبل عشان تحافظ علي عربيتك..
و هاحاول اسأل و اشوفلك حد قريب منك..كان في ناس بتقول ان في ناس كويسة قوي في فيصل باين او الهرم..
هنشوف كده و ربك يسهل..
احمد باشا صباح الخير الاول انت راجل من اول مرة كلمتك و انا حسيت انك راجل محترم انا بس كنت عايز اقولك ان عربيتى 1200 مش 1400 دة اول حاجة و الماتور هو هو الى موجود فى مصر دة كلام المكانيكى و دة الى عرفتوا بعدين هو طلع كامة واحدة بس طلعت نازلة بحاجة اسمها تربوا شارجر انا بجد اول مرة اسمع عنها و مخدتش بالى انها حاجة زيادة و الراجل كان اصدة انها مشيها زى ال 1600 2 كامة ال gti بس هى اصلا نزلة بالتعديل دة يعنى اخرها لو التربو حصلوا حاجة انا خلاص اشيلوا و ارميه اريحلى بس الحاجة الوحيدة الى عجبانى انة بردوا اوبل او على الاقل عليه علامة اوبل علشان كدة كنت حاسس ان المتور شكلة مختلف و الدنيا زحمة فى الكبوت ( التكيف و البور و التربو شارجر مش الشكمان حاجة كدة ركبة على المتور بتزود الهورس بور على السرعات العليه ) معرفش حضرتك جبت ال1400 دة منين انا مجبتش سيرتوا
حبيبي..
انا مش فاهم غلط ولا حاجة..
هو انت كنت قايل انه موتور 2 كامة.. فقولتلك انه هيبقي لو كان 2 كامة فعلا يعني.. زي الموتور ال1400..
مقولتش انه 1400..
بس مش اكتر..
و كده كويس قوي انه طلع الموتور العادي.. و كده تمام.. و التربو و الكلام ده انا بصراحة مش بافهم فيه.. فشوف حد ممكن يفتيك اكتر لو هتلغيه او كده.. لا قدر الله لو جراله حاجة..
انا موضوع زحمة حوض الموتور و كده.. :) :)
انت مبسوط بيها.. لكن اللي هيشتغل ف العربية.. هيكره نففسه و يكرهك.. :) :) :)
متزعلش مني انا باهزر معاك.. عشان هتبقي الدنيا ضيقة و هتقرفه.. :)
و ابقي قولنا اسمك الحقيقي ايه يا مان..
الف مبرووك ياباشا!!
اولا احب اضيف على احمد علاوى باشا ان الموتور دة احسن من الموجود فى عربياتنا ال95
لان horse power اعلى اكيد هيكون من 75 ل 80 حصان و متقلقش من موضوع الصوت العالى لان دة مش الموتور دة صوت التيربو
اما موضوع التيربو فهو بياخد من عادم العربية على تبربو تشارجر عشان يشحن هواء زيادة جوا الكاربراتير ودة بيدى قدرة اعلى للموتور وعلى فكرة دة زى الفل السعر دة!!!
اخبار سحب العربية ايه؟؟هتحس بكلامى فالشد لان العربيات اللى فيها تيبو تجميعها اسرع
الف مبروك عليك العربية وبالنسبة للصيانة اكيد احمد علاوى هيفيدك اكتر منى لان انا من اسكندرية !!!
معلش طولت بس يارب اكون فيدتك بحاجة و100000000000000مبروك:018:
شد جيلك بقي كده و خليك متابع معانا..
و عايزين نشوفك معانا في المقابلات.. عشان عايزين نتفرج و نجرب الكورسا التربو..
:) :)
ميرسى يا رجالة لزوقم و ميرسى لمشركتى فرحتى بالنسبة لموضوع انى مخدش رئى المنتدى فى الشراء دة كلام غلط لانى اعتبرت نفسى عندى خبرة فى العربية دى و الفضل كان ليكم اصلا ( اعضاء المنتدى ) بس انا يوم ما رحت اشوف العربية كان فيه ناس تانية بيشوفوها بس انا كنت رحت الاول:funny34d:لو مكنتش خلصت كان هما حيخلصوا و مع العلم كانوا تجار و انا كان معايا الميكانيكى بتاعى و كمان بتاع العفشة و الاتنين شكروا فيها جدا و انا استغربت انهم بيشكروا فيها ادام الراجل معنى انا الى جيبهم و جرانى يعنى فاتجين جانبى و الراجل فى مصر الجديدة المهم حسيت انهم عايزن يخدوها :) فقلت انا اولى :err:و الحمد لله متلعطش ارعة انا اسمى محمد كسيبة يا احمد يا علاوى و فعلا الصوت العالى دة طلع التربوا و عادى خالص و جبت بيها على طريق اكتوبر 160 بسهولة جدا بس خفت ازود علشان كان فيه و كان السبب الرئيسى انى خايف كان صوت المتور زى العربيات الفولكس الاديمة الناس كانت بتفضى خايفين من الصوت بس انا متأكد اول ما يشوفوا العربية يضحكوا الصوت دة كلوا مطلعاة عربية اد علبت الكبريت
تمام يا محمد بك..
تشرفنا و يا رب يباركلك فيها ان شاء الله..
موضوع ماخدتش رأي حد كان علي انك كنت قايل انها 2 كامة 16 صباب.. اي لأنك انت اللي كنت كاتب معلومات غلط بس..
لكن كونها عادية جدا زي اللي نزلت هنا كده تمام.. عشان ميبقاش في مشاكل في قطع الغيار..
و انت كده عمال تحجمسني اني اجرب العربية دي.. اهو الواحد يبقي جرب التربو .. :)
يا ياشا انا تحت امرك انا و التربو و العربيه كلها ....
و إن شاء الله ابئى اجى الاجتمعات بتاعت نايل موتورز ....
الف مبروك يا باشا ع العربية ....
ربنا يحفظها ....
انا من الناس اللى بحترم الاوبل جدا ....وبحبها جدا وخاصة الفيكترا
تانى مرة مبروك يا مان ....
ما الفرق بين ال عزم(1700 Cc) و الحصان(80حصان)مثلا
ما الفرق بين ال عزم(1700 CC) و الحصان(80حصان)مثلا
ال1700 سي سي دي.. سعة الموتور..
1700 سم مكعب.. و دي بتفرق عادة في قوة الموتور..
لكن في تكنولوجي كتير ممكن تطبق في المواتير اللي السعة الليترية بتاعتها صغيرة و تطلع منها كفائة اعلي..,
لكن الحصان فدي وحدة لقياس قدرة العربية..
يا جماعة فى موضوع محيرنى جدا انا العربيه بتعتى موديل 96 المهم انا اكتشفت ان المتور مش كربراتير طلع انجيكشن فهل دة طبيعى حاجة كمان انا كنت شاكك فى موضوع 16 فلف الى كنت بقول عليها طلع فعلا 1200 سىسى 16 فلف مش 8 هو انا اتصلت بصحبها قالى هو دة الى جاى بيها و دة بردوا الى مثبوت على الملف بتعها من ساعت ما جت رجعت للمكانيكى قالى عادى المتور دة موجود فى بعض العربيات الكورسا و نزل مصر كان بيبيعة منصور بس كان فى العربيات الاسترا موديل 2000 السيدان و انه مش فيه حساسات زى 1000 سىسى بس انا بئى عايز اسأل المتور دة كويس حد يعرف عنه حاجة بصراحة الموضوع دة قلقنى الحاجة الوحيدة الى مريحانى ان منصور نزله فى الاسترا قطع غيارة متوافرة يعنى علشان كدة الراجل قالى عليه عادى و حلو انا مش عارف حد عندة فكرة عن الموضوع دة
علي فكرة بس..
الموتور ال8 فالف ده الكامة الوحدة.. اصلا مش كاربيراتير..
ده انجيكشن برضه بس حاجة اسمها سينجل بوينت انجيكشن..
انت روح لحد كويس و بيفهم في اوبل و اسأله..
1000000000 مبروك
مش الموتور دة Ecotec ؟ يبقى ازاي مافيهوش حساسات ؟!!!
أكيد الراجل المكانيكي بتاعك دة مش فاهم في الأوبل كويس ، لأن الموتور ال-1000cc Ecotec و الموتور ال-1200cc 16V دة برضه Ecotec يعني الاتنين نفس الحساسات و نفس كل حاجة ، يمكن بس في فرق بسيط في نوع وحدة الكنترول بتاع الموتور (ال-ECU )، غير كدة باقي الحاجات هتكون واحدة إلى حد كبير
باشا ممكن تصور لنا الموتور ؟ يا ريت بعد إذنك
ملحوظة سريعة .. كل مواتير العربيات الأوروبي من أول التسعينات كنت إنجكشن ، بس الانجكشن أنواع و مازال فيه تطوير فيها لحد إنهاردة و فيه أنواع جديدة بتظهر
مبروك يا احدث اوبلاوى فى المنتدى
بارك الله لك فيها
مع تحياتى
اسامه سليمان
شكرا يا اسامة و ربنا يخليك و انا اسف انا لسه شايف دلوقتى الموضوع إن شاء الله حرفع صور للمتور علشان الخبراء هنا يفدونى بخصوصة