هام جدا
عرض للطباعة
هام جدا
هام جدا يا شباب
كل ملاك ال 60 وال 90 اللى متعذبين فى موضوع ضعف التكييف
الحمد لله اكتشفت حل المشكله بعد ما كنت يأست
التكييف كان بيطلع هوا سخن لو اتركنت ف الشمس...ولما بيشتغل بيكون ضعيف جدا....برغم ان الفريون تمام ومافيش تسريب
الكشف الابتدائى قالولى الكومبيرسور مش بيلقط ويبقى كده هو بايظ... لحد مارحت لمهندس مجدى مقار خبير التكييف
قاللى حطها على الجهاز وشوف الحساسات اخبارها ايه
كشفت عند الشيخ طارق وقاللى ان فيه 4 سنسور باينين فيهم مشكله...واللى غالبا السبب هو حساس الحراره داخل التابلوه
فكيناه وحاولت اجيب واحد زيه استعمال بعد عذاب 4 ساعات فى الحرفيين طلع مش فارق !
الشاب بتاع الحرفيين قاللى اطلع لحازم الشربينى يكشفلك تانى عليها
كشف عليها شاب عند حازم اسمه محمد ماشاء الله عليه...قاللى السنسور بتاع التابلوه مش السبب...السبب حساس تانى جنب الموتور وورهولى
رجعت لمجدى مقار عشان يقفلى التابلوه تانى وانا ناوى اروح التوكيل اجيب الحساس ده منه.....
الفنى عند مجدى قاللى طب استنى اشوفهولك اصل الحساس ده كتير بيعلق!!!
فكه ونضفه ورجعه مكانه وكانت المفاجأه!!!!
التكييف تلاجه وزى الزيرو فى عز حر امبارح!! الله اكبر ولله الحمد
ربنا يبارك للولد محمد بتاع حازم الشربينى والفنى بتاع مجدى مقار (ناس محترمه جدا)
اى واحد عنده مشكله تكييف يبص كويس على الحساس ده قبل ما يغير كباس او كويل
وشكرا
الحمد لله. يا ريت بقي تليفون ال اتنين عشان يبقي الموضوع متكامل.
الحمد لله ؟، والف مبروك يا باشا علي التكييف .
يا ريت لو اسم الحساس اللي جنب الماتور اللي بتقول عليه علشان نبقي فاهمين بس ؟
مجدى مقار للتكييف 01223401079 و 23781151
حازم الشربينى مش معايا نمرته بس هو اشهر من نار على علم ف الحرفيين
هو حساس كنترول التكييف والسخن ..هاحاول اصوره وارفع الصور
ياريت تصوره ضرورى جدا
والف شكر بجد رديت فيا الروح :)
أنا عندي نفس المشكلة ورحت عند مجدي مقار وبردو قال لي الكباس والكويل لازم يتغيروا
قلتلو علي الحساس الي جنب الموتور ده قال لي لا مفيش حساس بالاسم ده ولا جنب الموتور
ياريت صوره ياررررررررررررررررتاقتباس:
المشاركة الأصلية كتبت بواسطة maskeen
حاضر والله انا بس نسيت الموضوع
هو واضح جدا جدا شمال الموتور وانت فاتح الكبوت...بيعدى فوق منه ماسوره تخينه بتلمع كده
مش عارف الصور مش ظاهره ليه!
انا رافعهم من على موقع بسيط وحاطط اللينك عادى
معلش احنا تعبينك معانا ممكن ترفع الصورة علي اي موقع او علي الفيسبوك وتأخذ اللينك بتاعه cope وتحطو paste في المشاركة بتاعتكاقتباس:
المشاركة الأصلية كتبت بواسطة maskeen
https://www.facebook.com/photo.php?f...type=1&theater
ده رابط الصوره فى جروب بيمرز ايجبت
يارب تعرفوا تشوفوها هناك