تمام يا باشا جزاك اللة خيرا
ماعلش اتعبك يعنى اية ثباتها بيقل يعنى بصورة ملحوظة وهل فى المنحنيات ممكن تنقلب ماعلش للسؤال
لانة بتاع الكاوتش غيرها لاكتر من شخص يعنى لو الموضوع خطير دة ممكن يسبب مصايب للناس
عرض للطباعة
يا باشا سيبك من الكفتجي ده و ركب ال175/70r13 اللي هو بتاع العربية لسبب واحد
الارتفاع الخاص بجوانب الاطارفي المقاس الاصلي175x70%=12.25cm
المقاس 185/70r13 الارتفاع الخاص بجوانب الاطار بتاعه 185x70%=12.95cm
وده هيفرق في الثبات
متغيرش الارتفاع بتاع الكاوتش و لو العربية واطية وبتحف منك في المطبات تركب صدادات للمساعدين الخلفي فقط
و بالنسبة لمقاس الكاوتش اللى ذكرتة سابقا فهو للنوبيرا او اللانوس لو الجنط مقاس 14 انش
الصدادات للامامى هتعلى العربية من قدام و هتعوم معاك على الملفات في السرعة فبلاش لكن اللى ورا موجهه و الداون فورس بتعاها مش هيأثر كتير لو فرق العلو اقل عن او يساوى 5 سم
و الحكات اغلبها بتحصل من العلبة الشكمان اللى في النص و من ورا فنركز على الاغلب لضبط العربية صح
انا مركب 185/r13/65 يوكوهاما
الثبات بمشى 100 فى عز مطر اسكندريه وانا مطمن - دوارانات وكله زى الفل
الفرامل هتتغير تماما بعد اليكوهاما للأحسن
.
.
لو العربيه بتحك فى المطبات الكاوتش مش هيحل المشكله
علبة الشكمان اللى فى النص تحت الهاند بريك بتبقى نازله ومحتاجه تتسند لفوق من غير ميأثر على حرية حركه الشكمان ... هتعملها شماعة من عند دوران ماسورة الشكمان (( الــ u اللى تحت الكنبه من ناحية السواق ))
هترفع العبله عن المطبات تماما ويحافظ على عمر الشكمان
متشكر لحضرتك وردك
انا فعلا ملاحظ انة الغربية بقيت بتحك بعد ماعملت شغل فى العلبة ورجعت مرتين لبتاع الشكمان علشان الحكة واكد لى انة كلة تمام كدة اشوف حد غيرة وشكرا للنصيحة
ماعلش نرجع لموضوع الكاوتش لانى خايف بعد مااشترى يطلع مقاس موش صح
هو مقاس الجنط عند حضرتك 13 صح والمفروض يكون الكاوتش 175\ 13 \ 70 صح كدة طيب حضرتك المقاس الذى عندك دة بيعطى ارتفاع اكتر ماعلش موش فاهم ومعنى كدة المقاس الذى قالة لى بتاع الكاوتش 185\13\70 دة صح ولا غلط وايهم انسب للجنط الحديد الاصلى 13 مقاس حضرتك الذى مركبة ولا المقاس الذى قالة بتاع الكاوتش ولا المقاس الاصلى بتاع العربية
متشكر لتعب حضرتك وجازاك اللة خيرا
تحياتى
يا باشا المقاس الصح 175/r13/70 ولكن انا مركب المقاس اللى قولته لأن ال185 اعرض 1سم ومخلى شكل العربيه وافقه عدل من وجة نظرى وليس للموضوع اى علاقه بالإرتفاع وبالعكس العربيه فى الملفات اتعدلت علما إن الجنوط عندى حديد الأصلى
اما ال70 اللى فى المقاس ده الإرتقاع فده ثابت كده كده ..
يمكن انا للأسف مركب 65 ((اقل 0.5 سم !!!))لأنى ملقتش غيره وانا طريقى سريع كله فمكنش فارق معايا
شوف بقى إنتى تختار إيه (( تمشى على الكتالوج ,,,,,اشترى 175/70 )))
او تعدل فى العربيه للثبات مش اكتر يبقى (((( 185/65)) او ((185/70 لو لقيته)))
اما تعدبل الارتفاع فبكون بالجنط لأن الفرق بين r13 , r14
بيكون 2.5 سم !!!! هنا بقى ممكن تعدل الارتفاع بشراء جنط 14 ولكن مع الانوس منصحش
لو عايز تعرض على نفس الجنط على نفس الارتفاع يبقى انت محتاج 185/65 r13 و معرفش اساسا المقاس ده موجود اساسا ولا لأ