الموضوع: احكموا بينا وبين مركز الصفا عايز حقى اخواتى الاعزاء

المشاركة الأصلية كتبت بواسطة ادوارد

السلام عليكم اخواتى الاعزاء

انا ذهبت لمركز الصفا والهم عندنا هنا دعاية كمصدر موثوق فية

وهذا الحوار تم فى الصفحة بتاعتهم فى منتدانا الرائع

احكموا بينا اخواتى
لان مش عايزين يصلحوا العربية بعد ما اخدوا كل حقوقهم

انا كنت فى الصفا يوم السبت وتم الكشف اسكان لايوجد مشكلة والرشاشات تمام وضغط البنزين وضغط الهواء
ووجد ضعف الطرمبة نتيجة انسداد الراجع
تم تغيير الطرمبة 225 جنية و170 مصنعية وكشف وريجلاتور راجع اشتريتة ب100 جنية
لى سؤال الطرمبة اللى كانت راكبة عندى بتاعة الهيونداى هل هى افضل من اللى ركبت جديدة عندكم نوع دانسو
لان كان فية شكوك انها ضعيفة او الضعف بسبب الريجلاتور
عشان اخليها احتياطى ولا تركب احسن بدل الدانسو
ودى صورة الطرمبة اللى كانت راكبة عندى


دى معاملة دى حرام عليكم
بعد ما تغيروا الطلمبة والريجلاتور وتقولوا لى العربية بقيت مظبوطة وكنت جى اشتكى من استهلاك بنزين عالى
العربية ماتدورش خالص ومفيش مشكلة كهرباء ولا اى شىء
الموتور مش راضى يدور
واتصل بيكم بدل ماترسلوا حد يحل المشكلة
تقولوا اقطر العربية بونش
لية كدة لية المعاملة دى دة انا بثنى عليكم وبعملكم دعاية كويسة
دى اخرتها معندبيش غير اقول الله يسامحكم
الله يسامحكم الله يسامحكم


تردوا او لم تردوا
انا عايز اعرف العربية بتاعتى كانت عندكم وفحصتوها وقولتوا احتاج ريجلاتور وطلمبة بنزين
ودفعت حقهم وغيرتوهم.
والسلك ساح بتاع العوامة والعربية كانت هتولع بيا حرام عليكم
ازاى ماكشفتوش على العربية كويس
وجايين تقولوا ادفع كمان 100 جنية ونغير لك العوامة كاملة دى مساومة ولا اية بالظبط
انا هجيب العربية وهتصلحهوا واحملكم هذا الاهمال الجسيم
ارواااح الناااس مش لعبة فى ايديكم
حسب الله ونعمة الوكيل

دة كلامهم رد على كلامى

السلام عليكم الاستاذ الفاضل المحترم ارجو من سيادتكم ان تكتب عن الموضوع بالكامل
1 حضرتك تقريبا كنت تتابع عملية الاصلاح بالكامل و شوفت قوة ضغط الطلمبة على الجهاز و مفيش راجع بسبب الريجيليور و بعد الاصلاح تحققت من الضغط و الراجع بنفسك
2 حضرتك موضحتش اننا رحنالك ميدان ترينف مع مدير المركز بنفسه لمعرفة سسب التوقف و حتى مقدرتش هذه الخدمة و تعاملنا معك بكل الاحترام
3 حضرتك مذكرتش العربية عطلة علشات فيشة العوامة الرئيسة غير صالحة ووصلناهة مباشر بالسلك الخارجى و بلغناك اننا مش السبب فى ده و ماخدناش اى مصنعية او قيمة اصلاح خارج المركز
4 حضرتك سالتنا عن سعر هذه القطعة و قلنا لسادتك سعرها و ماجبرتكش على شرائها من عندنا و لو كنت مستغل عطلة سيادتك فى الشارع مكنتش وصلتها لك مباشر لغاية متيجى نركبهالك
5 اظن ان حضرتك جبت الريجليتولر من الحرافيين بنفسك ب80 ج فقط مش ب100ج اشترى حضرتك الفيشة زى مشتريت الريجليتور بس و الموضوع مش مستاهل الحضرتك قلته ده


عموما شكرا على الاحترام و الصراحة
و حسبنا الله و نعم الوكيل
للعلم ان عمل كشف الكمبيوتر 35ج و العادم 25ج و تغيير الطلمبة 75ج و كشف على الضغط و فك و تركيب مسترة الرشاشات و الريجيلتور 50ج ياعنى المجموع 185ج و ده الى فى قائمة التكاليف الموجودة النيت و المركز و حضرتك دفعت 150جنيه فقط برده مذكرتش الحقيقة الله يجازيك على القلته علينا

ودة كلامى رد على كلامهم


الاستاذ المحترم الفاضل

دة رابط موضوعى هنا اقرى وشوف كاتب عنكم اية اقرى يافندم
وشوف كل اللى بتقولوا حضرتك كتابتة

وكاتب انكم جيتم تعملوا كوبرى مؤقت

http://www.nilemotors.net/nile/423109-a.html (اوعى الرجلاتور راجع البنزين ياعم الحاج هتخسر طرمبة البنزين)

ودة رابط موضوعى التانى اقرى يافندم مش بظلم حد انا حضرتك

http://www.nilemotors.net/nile/423530-a.html (الحقوونى العربية مش بتدور خالص بعد ماراحت مركز الصفا)

ودة الرابط وواضح فية انكم جيتم عملتوا كوبرى

http://www.nilemotors.net/nile/423576-a.html (ارجوكم المساعدة الطرمبة الجديدة سيحت وحرقت السلك والفيش)

الريجلاتور اللى جبتة ب 100 لان مخلوع من مسطرة ال ب 80 جنية دة كان مرمى يخوف

ان اجيبة ويطلع بايظ

كلة مذكور فى الراوبط والموضيع شوف بنفسك كاتب اية
كل تكلفة كاتبها

حضرتك يافندم

انا لم اتكلم فى تكلفة خالص بس اتكلفت من حقى عربيتى اخدها مظبوطة
مش اروح بيها سلك يولع فيها

اخر حاجة اقولها لحضرتك
ازاى تفك عوامة عشان تركب موتور جديد للعوامة بدون ان تراجع كهرباء العوامة وفيش العوامة
وعدم مراجعة حضرتك ادى الى ان السلك ساح

وجيتم عملتوا كوبرى وتقول تعالى نغيرلك وش العوامة بسلك جديد وفيشة وتدفع 100 جنية
بجيب انا عوامة حتة حتة
ماكنت غيرت العوامة كلها وريحت دماخى

حضرتك كلمتنى تعاتبنى على ما كتبت ولو اى حد حضرتك نفسك حصل معاك كدة هتكتب اكتر من كدة

مفيش عذر لحضرتك لى ان اتحرق دمى ونشف دمى ان سلك كهرباء بجوار بنزين يسيح

حضرتك هتقول لا مش هيحصل حاجة دة حضرتك اللى تعرفة

لكن واحد مثلى مش فنى يعرف ازاى ها

وفى الاخر بتقول اسف مش هشتغل فى عربيتك بعد اللى كتبتة

يعنى لا راعيت حرقة اعصابى ولا اى شىء

ويلا اغور انا بقة

اشكركم الف شكر

ملحوظة هامة حضرتك قولتى اصل ماشوفتش السلك بتاع عومتك والفيشة انهم عايزين يتغيروا اها

لاتمام كدة صح حضرتك يافندم كان لازم انا اشوف بنفسى مش حضرتك

الف شكر لكم وربنا يزيدكم


دة اخر كلامهم

سبحان الله هو حضرتك صاحب العربية و النت واحد تانى حضرتك مش كنت بتتكلم مع المهندس محمود و عتبناك فعلا و قلت مش انا الى كاتب الموضوع و اظاهر اخوية الكتب ده و مكنتش اعرف و برده مصمم على الغلط فينا احنا قلنا غوور الله يسمحك ملحوظة انا لا ادافع عن مركزنا لاننا إن شاء الله على الحق و بامكاننا الغاء الموضوع من اسساسه لاننا اعضاء تجاريين و من حقنا نلغى اى اسائة لنا و لكن لنزاهتنا و نزاهت المنتدى ساترك هذا الحور الشيق و شكرا

ودة ردى

العربية بتاعتى انا واخويا واظن احنا جينا احنا الاتنين
وانا اللى مدخل العربية باسمى وكاتب الشكوى من اية
تحب حضرتك اصور الفاتورة بتاعتكم عشان تتأكد
ولما المهندس محمود يقول مش هشتغل فى العربية دى تانى وترفض تكمل اصلاحها

معنى الكلام دة اية

لما اروح دلؤقت لاى مكان ويلاقى حضرتك عامل كوبرى للعوامة
هيصلح ازاى

انتم اخدوا حقكم فى المصنعيات
لكن ما اعطتونى حقى فى ظبط عربيتى وحل كل مشاكلها

وانا عايز حقى ومش هسيبة

مهما حصل


احكموا بينا اخواتى جزاكم الله كل خير

اولا ان فني من المركز يخرج علشان يشوف العربيه الى هوا كان السبب فى تعطيلها دا واجب مش تفضل دا غير لانة المتسبب فى العطله دى كان لازما عليه يصلح العربيه علي الوجه الاكمل بدون اضافة اى مصروفات ودا كان يبقي اقل حاجه ممكن يعملها المركز للحفاظ علي سمعته وزى ما بيقولوا الزبون دايما علي حق - و كمان مش كل الشغل مكسب سعات بيبقي فيه خساره وخسارة الفلوس اهون كتيير من خساره السمعه والحمد لله ان العربيه ماولعتش وإلا كانت هتبقي جنايه
اتمني من المركز اصلاح العربيه على الوجه الاكمل للحفاظ علي سمعته وارضاءا لعملائه

بصراحه الموضوع مستفز جداً
هو انا المفروض لما اودى عربيتى لمركز يسلمهالى سليمه مش يصلح جزء ويسيب جزء
المفروض ان الفنى كان يحدد سبب تلف الطرمبه القديمه ويعالجه قبل ما يحط لك طرمبه جديده وخلاص ده أولاً
ثانياً الى المركز المحترم : لما يحصل حاجه فى عربيتى بعد ماتتصلح عندك ويكون الخلل سببه كسل الفنى فى تحديد العيب يبقى كونك تييجى لحد عندى وتحللى المشكله ده فرض عليك مش واجب منك

الاهم من ذلك وده موجه لإدارة المنتدى : يعنى ايه يحذف الموضوع
احنا هنا بنتبادل الخبرات والتجارب وإذا كان من حق العضويه التجاريه انها تحذف الموضوع اللى ميعجبهاش يبقى ده اسمه تهريج واستخفاف بالعقول
واستاذ ادوارد نصيحه من اخ مترحش للعالم دى تانى دور على حد بيفهم واتعامل معاه والمكان اللى ترجعله بالعيب او الخلل مرتين يبقى ميستحقش انك تتعامل معاه ولا تزعل على الفلوس اللى ادتهاله والحمد لله انها جت على اد كده

وانا رايى مره تانيه متخليش العالم دى تمدايدها فى العربيه. ولو ببلاش

بص يا باشا دلوقتى انا لما بيكون عربيتى فيها مشكلة ورحت اى مركز عشان يعملها وبالفعل عملها واخد حقه ولما امشى بالعربية اجد المشكلة هى هى لا وزادت كمان يبقى ده تهريج حضرتك كنت شوفت اى حد يقطر عربيتك لحد عندهم معلش هتيجى على نفسك للنهاية وتقولهم العربية عندكم والمشكلة متصلحتش وتشوف رد فعلهم هيكون ايه