السلام عليكم
ماء الردياتير عندي بينقص
القربه جديده وكبست دوره المياه و مفيهاش مشاكل
ساعدوني ايه ممكن يكون السبب :crying2:
عرض للطباعة
السلام عليكم
ماء الردياتير عندي بينقص
القربه جديده وكبست دوره المياه و مفيهاش مشاكل
ساعدوني ايه ممكن يكون السبب :crying2:
حضرتك غير الريداتير كلو يمكن مسرب ولا حاجة
تحياتي
لا مش بلاقي ميه خالص تحت العربيه
طب تمام انا بقول لحضرتك حل سريع عشان لقدر اللة مانلاقيش مضاعفات
طالما حضرتك عملت كبس وكلو تمام
غيرو احسن
تحياتي
غطا القربة احتمال بينفس لما العربية تسخن جامد و مش هيبان معاك فى بداية تشغيل العربية
افحص غطاء الرادياتير "" ممكن يكون السبب"
ممكن غطاء القربه يكنى فيه مشكله روح لحد تاني بتاع ريدرياتير واكشف تاني
شكرا لردودكم
هو لما كان بيكبس الدوره بيفك الغطاء ده وبيركب مكانه الجهاز
فممكن اعرف ازاي ان المشكله في الغطا
موضوع نقص المياه ده مشوار مش قصير
ولازم تمشي وراه واحده واحده لانه ممكن يكون سبب بسيط جدا وبعيد عن الانظار
فحضرتك أبدأ بأسهل حاجة وأقلها تكلفة وهي تغيير غطاء القربة
وان شاء الله المشكلة تتحل
ولو الموضوع فضل مستمر تابعنة معاك
ممكن اعرف حضرتك كبست دورة التبريد فين
عشان المية بتنقص عندنا في الاوكتافيا وعايز اكبس الدورة.
انا رحت كبست الدوره تاني ولقيت ترشيح خفيف جدا في الردياتير وغيرته يوم الخميس(450 + 150 مصنعيه)
الصبح لقيت الميه ناقصه وزودتها (المفروض ان ده عادي بعد الردياتير الجديد زي ماقلولي في مركز الخدمه)
بس لسه هجرب العربيه النهارده لاني كنت مسافر ولسه راجع
mahmoudysf
انا مش مرتاح في مركز الخدمه ده في اهمال شويه ومصنعيه غاليه
هو قريب من محور اللييني في اخر الهرم لو حضرتك عايز تروح قولي وانا اوصفلك مكانه بالضبط
المياه برده بتنقص
مش عارف اعمل ايه
هروحلو تاني النهارده ونشوف اخرتها
اكشف علي غطا القربة لو بتنقص بكمية بسيطة
ولو كمية كبيرة وعلي فترات قريبة يبقي اكشف علي الطرمبة وخراطيم المياه
وحاول تحدد هل المياه بتنقص والعربية سوخنة وماشية ولا وهي واقفة
وأتاكد من أكواع الردياتير انها كويسة ومش بتسرب لان في بعض الآستمبات مش مظبوطة وخصوصا الكوع اللي عند الحنفية تحت
شوف كدة وتابعنا معاك
بالتوفيق ان شاء الله
متابع
الحمد لله المشكله اتحلت بعد ما غيرت غطا القربه
بس انا خلصت خلاص وقررت ابيع العربيه واشتري عربيه زيرو (الواحد كبر علي البهدله دي)
جازاكم الله خيرا علي مشاركتي مشكلتي
تشترى زيرو على اساس ان ال0 مافيهوش مشاكل
خش فى المنتدى على اى نوع عربية زيرو وحتشوف العجب
ياباشا حضرتك فى مصر وحتقع تحت ايد التوكيلات اللى مابترحمش
وعربيتك عرفت مشاكلها وبتتصلح بملاليم بالمقارنة بالالوف فى الزيرو
واللى تعرفة احسن من اللى ماتعرفهوش
وبراحتك؟؟؟؟؟؟؟!!!!!!!!!