عوامة تنك 128

**احمد شهاب** · 29-05-2014 02:59 PM

لاحظت ان امبير البنزين بيعطى بيانا اقل من الحقيقى فقمت بحل عوامة النتك فوجدت البلونة البلاستك مخرومة ومليانة بنزين غيرتها اشتغلت لمدة شهر و اتخرمت تانى وذلك لان الموجود فى السوق تركى وصينى
السؤال الآن لخبراء المنتدى
هل ينفع اركب عوامة نحاس بتاعة الكربتير على اساس انها امتن من البلاستك اللى البنزين حامى علية
وهل ينفع تركيب بالون عوامة تنك خاص بماركة اخرى زى الكورى مثلا
وشكرا لحضراتكم

**مواطن مصرى** · 29-05-2014 03:26 PM

1- هات عوامه تركى من محل قطع غيار مضمون

وسط البلد : فيات 2000 - الكيلانى - المركز الروسى
عين شمس : احمد محرم
الدقى : محمد يوسف
الجيزه : ناصر الشيخ

2- فك التانك خالص و نظفه كويس و بعدين ركب العوامه

**احمد شهاب** · 29-05-2014 08:33 PM

شكرا لحضرتك .. بس حضرتك تقصد عوامة كاملة ولا البالون البلاستك وهل التركى افضل من اليوغسلافى
انا من الاسكندرية وفية عندنا محل فيات 2000
شكرا لحضرتك

**مواطن مصرى** · 30-05-2014 04:08 AM

انا اقصد العوامه الكامله مش البالونه بس ..
تغيير البلونه بس مره تصيب و مره تخيب لانك متضمنش المشكله من ايه و هاتتكرر تانى و اللا لا و لا التانك من جوه شكله ايه ..

مش عارف بصراحه المحلات اللى فى اسكندريه نظامها ايه و هل محل فيات 2000 هو فرع للموجود فى رمسيس و اللا لا عموماً الزملاء الاسكندرانيه الجدعان ممكن يفيدوك باحسن المحلات المضمونع عناك

عايز اقولك على معلومه صادمه : مفيش حاجه اسمها قطع غيار يوغوسلافى جديدة فى الفيات القديم .. دوله يوغوسلافيا انتهت من الوجود سنه 1999 (يعنى من 15 سنه تقريباً) و بالتالى مفيش اصلا جهه او دوله بالاسم
ده علشان تصنع .. ممكن تلاقى مستعمل يوغوسلافى من انتاج شركتى يوجو او زاستافا اللى كانت بتصنع 128 فى التسعينات و توقفت مع حرب البوسنه سنه 1994

و كمان برضو معلومه كمان : مفيش حاجه اسمها قطع غيار ايطالى جديده للفيات القديم .. شركه فيات توقفت عن انتاج السيارات 128 و 127 و 131 و 132 و ريجاتا منذ الثمانينات ....

اللى تلاقيه بيقولك دى قطعه غيار يوغوسلافى او ايطالى اصلى اعرف انها بتبقى قطع غيار صينى او محلية مضروبة و كاتبين عليها

**احمد شهاب** · 30-05-2014 10:55 AM

كلام حضرتك صحيح 100% بدليل اى حد معاة فيات قديم واضطر يغير طقم دبرياج بيعانى الامرين الى ان يجد طقم كويس و غالبا بيكون تركى وفعلا مفيش ايطالى .. السيارات الايطالية (حتى القديم منها) رائعة لكن للاسف قطع الغيار المضروبة التى يستوردها التجار الجشعين تجعلنا نعانى و نصرف
شكرا لحضرتك اهتمامك وجعلة اللة فى ميزان حسناتك