حادث في الاكصدام ارجو الرد.

**Momen.H** · 29-05-2014 03:19 PM

يا جماعة انا معايا برسونا 2014, علي الاوتو ستراد سواق بعربيه نص نقل خبتلي الجنب الشمال للعربية, من ناحيت الباب داخلة جوه بس تعتبر مش بينة حتة صغيرة, لكن الاكصدام الي علي الشمال اتخرم وداخل لجوه. انا عامل تأمين شامل مع المصرية للتأمين التكافلي, عايز اعرف ايه الاجرائات, وهدفع اي حاجة ولا شركة التأمين هي الي هتشيل الخسائر ده كلها. مع العلم ان باين ان بدفع 10% من فلوس التصليح فنا عايز افهم لو غيرو الاكصدام وهو تمنو مثلا 1000 انا هدفع 100 جنيه بس ولا بتمشي ازاي, وياتري هيرجعوها لحالتها الجديدة ولا ايه؟

**Mohamed_abdo** · 29-05-2014 04:21 PM

يارب حد يفيدك

**Momen.H** · 29-05-2014 07:16 PM

شكرا للمشاركة محمد, اي حد من الاعضاء يفيدنا يا جماعة ويقولي هتكلفني في حدود كام والاجرائات هتمشي ازاي.

**Omar Mahmoud** · 29-05-2014 08:50 PM

في شركات بتقولها ان عربية خبطتك و جريت و انت ملحقتش تاخد نمرتها وهما بيتصرفوا.
الاحسن تخلي حد صاحبك او قريبك يسألهم و بعدكدة تصلحها.

**Momen.H** · 29-05-2014 09:23 PM

تمام منا عايز اعرف هتكلف كام قبل مروح التوكيل, هو احتمال 100% هيغيرو الرفرف, وشغل سمكره علي الجنب الي فيه الخدش, ده هيكلف التوكيل كام؟ وياتري انا هدفع 10% من التوتال بتاع الخسائر بس ولا ايه النظام؟ علما انا عملت محضر عشان اثبت الواقعة.

**eng.m7md.ali** · 30-05-2014 01:08 AM

متقلقش

المفروض بتعمل اخطار حادث وتقولهم الخساير اللي انت شايفها حتى لو بالتليفون

وتودي العربية اي ورشة عايز تصلح فيها وتقولهم على عنوان الورشة هيبعتوا مهندس المعاينة يعاين اللي فيها

بتدفع بس 10% من قطع الغيار مش توتال الفاتورة يعني هتدفع 100 جنيه بس لو الاكصدام ب 1000

اما السمكرة والدوكو على حساب الشركة بتاعت التأمين

طبعا حضرتك بتدفع الاول الفاتورة كلها وبعد كدة بتاخد شيك بالفلوس اللي اتدفعت مخصوم منها ال 100 جنيه بتاعت الاكصدام

**carrier** · 30-05-2014 10:40 AM

سلامة حضرتك

قدر ولطف

**Momen.H** · 30-05-2014 10:04 PM

شكرا ليك كده طمنتني بس اخر سؤال, من الافضل اني اخلي التوكيل هو الي يصلحها ولا انت ايه رأيك انا كده كده رايحلهم عشان العداد عامل 1100 كيلو اول صيانة للعربية المفروض اعملها. زائد اخر نقطة هيرجعوها جديدة :)

**Omar Mahmoud** · 30-05-2014 10:34 PM

المشاركة الأصلية كتبت بواسطة momen.h

شكرا ليك كده طمنتني بس اخر سؤال, من الافضل اني اخلي التوكيل هو الي يصلحها ولا انت ايه رأيك انا كده كده رايحلهم عشان العداد عامل 1100 كيلو اول صيانة للعربية المفروض اعملها. زائد اخر نقطة هيرجعوها جديدة :)

وديها التوكيل و بالمرة اعمل صيانة بس ممكن العربية متروحش معاك في نفس اليوم

**eng.m7md.ali** · 31-05-2014 12:00 AM

بص انا من رأيي خليها تغزي العين لان العربية لسة زيرو وطبيعي ان يحصل فيها حاجة من دي .. العين فلقت الحجر

وبلاش شغل التوكيل عشان وحش

الموضوع: حادث في الاكصدام ارجو الرد.

LinkBack

أدوات الموضوع

عرض

-

-

-

-

-

-

المواضيع المتشابهه

ممكن اعرف عيوب الاكصدام الفبر ضرورى سرعه الرد

الاكصدام الخلفي لفلوانس 2010 ارجو ابمساعده

ارجو المساعدة من خبراء الرينو عموما من فضلكم ارجو الرد

ارجو المساعده (الاكصدام)

الكلمات الدلالية لهذا الموضوع

المفضلات

المفضلات

ضوابط المشاركة